- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەرلى-زايىپتىلار ءبىر نەمەسە ەكى بالالى بولسا دا، تۋىت دەمالىسىن ۇزارتۋعا بولادى
جان سانى جانە جوسپارلى تۋىت زاڭىنداعى 5 ءتۇرلى بەلگىلەمەگە وزگەرىس ەنگىزىلدى
2015.12.31 15:08
شينحۋا اگەنتتىگى، بەيجىڭ، جەلتوقساننىڭ 27-كۇنى. جەلتوقساننىڭ 27-كۇنى اشىلعان مەملەكەتتىك 12-كەزەكتى حالىق قۇرىلتايى تۇراقتى كوميتەتىنىڭ 18-رەتكى ماجىلىسىندە 157 داۋىستىڭ قۇپتاۋى، ەكى داۋىستىڭ قالىس قالۋىمەن جان سانى جانە جوسپارلى تۋىت زاڭىنا وزگەرىس ەنگىزۋ جونىندەگى قاۋلى ماقۇلداندى. 2016-جىلى قاڭتاردىڭ 1-كۇنىنەن باستاپ اتقارىلاتىن وزگەرىس ەنگىزۋ جونىندەگى قاۋلىدا ەلىمىزدىڭ بۇدان بىلاي ءبىر ەرلى –زايىپتىنىڭ ەكى بالالى بولۋىن قۇپتايتىندىعى ايقىن بەلگىلەندى.
مەملەكەت ءبىر ەرلى-زايىپتىنىڭ ەكى بالالى بولۋىن قۇپتاۋمەن بىرگە، وزگەرىس ەنگىزىلگەن بەلگىلەمەدە تاعى زاڭدا، ەرەجە-تارتىپتە بەلگىلەنگەن شارتقا ۇيلەسەتىندەردىڭ ەكىنشى پەرزەنت كورۋدى ءوتىنىش ەتۋىنە بولاتىندىعى، ناقتى اتقارۋ شاراسىن ولكە، اۆتونوميالى رايون، توتە قاراستى قالالىق حالىق قۇرىلتايى جانە ونىڭ تۇراقتى كوميتەتى بەلگىلەيتىندىگى ورتاعا قويىلدى. ەرلى-زايىپتىلاردىڭ ناپوسى قاراستى ولكە، اۆتونوميالى رايون، توتە قاراستى قالالاردىڭ ەكىنشى پەرزەنت كورۋگە قاتىستى بەلگىلەمەسى بىركەلكى ەمەس، سوندىقتان دا بارىندە ەكىنشى پەرزەنت كورۋگە ءوتىنىش ەتۋشىگە ءتيىمدى بولۋ پرينسيبى نەگىز ەتىلەدى.
مەملەكەتتىك دەنساۋلىق ساقتاۋ جوسپارلى تۋىت كوميتەتى زاڭ -ءتۇزىم مەكەمەسىنىڭ باستىعى جاڭ چۇنشىڭنىڭ تانىستىرۋىنشا، ەرلى-زايىپتىلاردىڭ ەكىنشى پەرزەنت كورۋگە رۇقسات ەتۋ -نەگىزىنەن قايتا نەكەلەنگەن وتباسىلار، مۇگەدەك پەرزەنتى بار وتباسىلار سياقتىلارعا باعىتتالعان، سوندىقتان قاجەتتى دالەل، كۋالىكتى تولىقتاپ، قاتىستى بەلگىلەمەدەگى شارتتى ازىرلەپ، تەكسەرىپ بەكىتۋدەن وتكەن سوڭ، ەكىنشى پەرزەنت كورۋگە بولادى. جەر -جەر جەرگىلىكتى ورىننىڭ جان سانى جانە جوسپارلى تۋىت ەرەجەسىنە وزگەرىس ەنگىزۋ بارىسىندا ەكىنشى بالالى بولۋ جونىندە ايقىن بەلگىلەمە شىعارۋى كەرەك. قاۋلىدا تاعى زاڭ، ەرەجە-ءتارتىپ بويىنشا بالالى بولعان ەرلى-زايىپتىلاردىڭ تۋىت دەمالىسىن ۇزارتۋ سىندى سيلىق تۇرلەرىنەن جانە باسقا دا ءتيىمدى مامىلەدەن يگىلىكتەنەتىندىگى ايقىن بەلگىلەنگەن. بۇل مەيلى ءبىر بالالى نەمەسە ەكى بالالى بولسىن، ءبارىنىڭ تۋىت دەمالىسىن ۇزارتۋىنا بولاتىندىعىن مەڭزەيدى. وسىدان بۇرىن قاراۋعا تاپسىرىلعان جان سانى جانە جوسپارلى تۋىت زاڭىنىڭ وزگەرىس ەنگىزىلەتىن جوباسىندا «وسى زاڭنىڭ 18-تاراۋىنداعى بەلگىلەمەگە ۇيلەسەتىن ەرلى-زايىپتىلاردىڭ تۋىت دەمالىسىن ۇزارتۋ جانە باسقا دا ءتيىمدى مامىلەدەن يگىلىكتەنۋىنە بولادى» دەگەن بەلگىلەمەگە قاراتا تالقىلاۋ بارىسىندا تۇراقتى كوميتەت مۇشەلەرى: بۇل بەلگىلەمە انىق بولماعاندىقتان، ادامداردا تەك ەكى بالالى بولعانداردىڭ عانا، تۋىت دەمالىسىن ۇزارتۋداي تيىمدىلىكتەن يگىلىكتەنۋىنە بولادى ەكەن دەگەن جاڭساق تۇسىنىكتى تۋدىرادى. سوندىقتان بۇل جونىندە اناعۇرلىم ايقىن بەلگىلەمە شىعارىلۋى كەرەك دەگەندى ورتاعا قويدى.
بۇدان تىس قاراردا تاعى مەملەكەت ءبىر ەرلى –زايىپتىنىڭ ءبىر بالالى بولۋىن دارىپتەگەن كەزدە ءوز ەركىمەن ءومىر بويى تەك ءبىر بالالى بولۋدى تاڭداعان ەرلى-زايىپتىلارعا مەملەكەتتىڭ «جالعىز بالالى بولعان ەرلى-زايىپتىلاردىڭ داڭق كۋالىگىن» بەرەتىندىگىن، وسى داڭق كۋالىگىنە يە بولعان ەرلى-زايىپتىلاردىڭ مەملەكەت، اۆتونوميالى رايون، توتە قاراستى قالانىڭ قاتىستى بەلگىلەمەسىنە ساي جالعىز بالالى بولعان ەرلى-زايىپتىلارعا باعىتتالعان تيىمدىلىكتەن يگىلىكتەنەتىندىگى، جالعىز بالالى بولعان ەرلى-زايىپتىلاردىڭ بالاسى كەزدەيسوق جاعدايدا جارالانىپ مۇگەدەك بولسا نەمەسە قازا بولسا، قاتىستى بەلگىلەمەگە ساي كومەك قاراجات بەرىلەتىندىگى، مەملەكەت ءبىر ەرلى-زايىپتىنىڭ ءبىر بالالى بولۋىن دارىپتەگەن كەزدە قاتىستى بەلگىلەمەگە ساي جوسپارلى تۋىت ساياساتىن اتقارعان وتباسىلارداعى قارتتار يگىلىكتەنىپ جاتقان قاتىستى كومەك بەرۋ، سيلاۋ تيىمدىلىگىنەن ۇزدىكسىز يگىلىكتەنەتىندىگى ايقىن ورتاعا قويىلدى. سونىمەن بىرگە، قاۋلىدا تۋىت جاسىنداعى ەرلى-زايىپتىلاردىڭ جوسپارلى تۋىتتاعى جۇكتى بولۋدان ساقتانۋ شارالارىن قولدانىپ، ازىرلىكسىز كەزدە نەمەسە جوسپاردان تىس جۇكتى بولۋدان ساقتانۋى دارىپتەلۋمەن بىرگە، جوسپارلى تۋىت زاڭىنىڭ 36-تاراۋ 3-تاراۋشاسىندا بەلگىلەنگەن ازاماتتاردىڭ زاڭدى جاۋاپكەرشىلىگىندەگى «تۋىتتان شەكتەلۋ وپەراتسياسىن جاساتۋ» دەگەن ءسوز شىعارىپ تاستالدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
