- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ماماندار نەكە دەمالىسى مەن تۋىت دەمالىسىن ۇزارتۋدى ورتاعا قويدى
2016.01.08 15:27 كەلۋ قاينارى : حالىق تورابى
جۋىردا جۇڭگو جان سانى عىلمي قوعامى «ەكى بالالى بولۋعا ەرىك بەرۋ ساياساتى مەن جوسپارلى تۋىتتى باسقارۋعا رەفورما جاساۋ» جونىندە اڭگىمە ءماجىلىسىن وتكىزدى. ماماندار جاڭادان وزگەرىس ەنگىزىلگەن جان سانى جانە جوسپارلى تۋىت زاڭىندا كەشىگىپ ۇيلەنۋ مەن كەشىگىپ بالالى بولۋعا شابىتتاندىرۋ تارماقتارىن كۇشىنەن قالدىرۋدىڭ ناقتى جاعدايعا ۇيلەسەتىنىن ايتتى.
وتە كەشىگىپ ۇيلەنۋ مەن كەشىگىپ بالالى بولۋدىڭ ايەلدەرگە جاسايتىن كەرى ىقپالى زور
نانكاي ۋنيۆەرسيتەتى جان سانى جانە دامۋدى زەرتتەۋ ورنىنىڭ پروفەسسورى يۋان شين بىلاي دەيدى: كەشىگىپ ۇيلەنۋ مەن كەشىگىپ بالالى بولۋعا شابىتتاندىراتىن بەلگىلەمەلەردى كۇشىنەن قالدىرۋ ناقتى جاعدايعا ۇيلەسەدى. 40 نەشە جىلدان بەرى اتقارىلعان جوسپارلى تۋىت قىزمەتىنىڭ، سونداي – اق، رەفورما جاسالىپ، ەسىك اشىلعاننان بەرگى ەكونوميكا مەن قوعامدا تۋىلعان وراسان وزگەرىستەرگە، وتە - موتە ايەلدەر قاۋىمىنىڭ وقۋ ورەسى مەن كاسىپتەنۋ قۇرىلىمىندا ءتۇبىرلى جوعارىلاۋ بولعانىنا بايلانىستى، قالا – اۋىل تۇرعىندارىنىڭ ءىس – جۇزىندىك العاشقى ۇيلەنۋ جاسى ورتا ەسەپپەن 23 ~ 25 جاس ارالىعىنا جەتسە، ءىس جۇزىندىك العاشقى تۋىت جاسى ورتا ەسەپپەن 25 ~ 27 جاس ارالىعىندا بولىپ، كەشىگىپ ۇيلەنۋ مەن كەشىگىپ بالالى بولۋ جونىندە بەلگىلەنگەن جاستان جوعارى بولىپ وتىر، وسىنداي جاعدايدا بۇل بەلگىلەمەنىڭ ءىس جۇزىندىك ءمانى قالمادى.
مۇنان سىرت، ۇيلەنۋ جاسى مەن تۋىت جاسىن جوعارىلاتۋعا اسىرا شابىتتاندىرۋ ايەلدەرگە جۇكتى بولۋ، جۇكتىلىك كەزىندەگى كۇتىم، تۋىت جانە بالاعا قاراۋ سىندى جاقتاردا زور كەرى ىقپال جاسايدى. ساناق ماتەريالدارىنا قاراعاندا، ۇيلەنۋ جاسى جوعارىلاسا، ۇيلەنۋدەن بۇرىن ابايسىزدا جۇكتى بولۋ جانە جاساندى جولمەن تۇسىك ءتۇسىرۋ ىقتيمالدىعى جوعارى بولۋى مۇمكىن؛ تۋىت جاسىن جوعارىلاتۋدان، ءبىر جاعىنان، ەر – ايەل ەكى جاقتىڭ بالالى بولا الماۋ حاۋپى ارتا تۇسەدى، سونىمەن بىرگە، اقاۋلى نارەستە تۋىلۋ ىقتيمالدىعى جوعارىلايدى، بۇل جان سانىنىڭ ساپاسىن جاقسارتۋعا ءتيىمسىز، تۋىتتان كەيىن دەنساۋلىعىنىڭ قالپىنا كەلۋ قۋاتى دا جاستىڭ ۇلعايۋىمەن السىرەيدى، ەر – ايەل ەكى جاقتىڭ بالا قاراۋ جاعىندا دەنە قۋاتى مەن زەيىنى دە تومەندەيدى.
يۋان شين بىلاي دەيدى: ەلىمىز جوسپارلى تۋىت ساياساتىن بۇرىنعىدان بوساڭسىتقان بولسا دا، جوسپارلى تۋىت ءالى دە ەلىمىزدىڭ نەگىزگى مەملەكەت ساياساتى، «جاپپاي ەكى بالالى بولۋعا ەرىك بەرۋ» ساياساتى اتقارىلعاننان كەيىن، نەكە دەمالىسى مەن تۋىت دەمالىسىنىڭ ۋاقىتىن ۇيلەسىمدى ۇزارتىپ، نەكەلەنۋ - بالالى بولۋ يگىلىگىن ارتتىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
