- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ايساجان: سۇيىسپەنشىلىك جۇرەكتەن - جۇرەككە ۇيالاسا ەكەن
2016.04.11 15:37 كەلۋ قاينارى : ءتاڭىرتاۋ تورابى
بيىل 34 جاستاعى ايساجان نيزامىدىن مەملەكەت ەلەكتر تورى بۇراتالا ەلەكترمەن قامداۋ سەرىكتەستىگى تەكسەرۋ ءبولىمى كەرنەۋ اۋىستىرۋدى تەكسەرۋ ءبانىنىڭ باستىعى، سونىمەن قوسا، ول كوپكە تانىس − «ءبىر يۋان جوسپارى» مەيىر باعىشتاۋ الەۋمەتتىك قيمىلىن باستاۋشى. بيىل − «ءبىر يۋان جوسپارى» قيمىلى ورىستەتىلگەن 10 − جىل. 10 جىلدان بەرى ەلىمىزدىڭ جەر - جەرىنەن 530 نەشە مىڭ يۋان جىلۋ اقشا قابىلداپ، ىلگەرىندى - كەيىندى ەرەكشە قيىنشىلىعى بار ۇيعۇر، حانزۋ، قازاق، موڭعۇل، حۇيزۋ وقۋشىلارى مەن قيىنشىلىعى بار بۇقارادان 1000نان استام ادامعا (رەت) كومەكتەسىپ كەلدى. مەيىر - شاپاعات قارجىسىنىڭ تاپشى بولۋ ماسەلەسىن شەشۋ ءۇشىن 2015 - جىلى ايساجان نيزامىدىن تۋىسىمەن بىرگە پالاۋحانا اشادى ءارى ساتىلعان ءار تالەڭكە پالاۋدان تۇسكەن تابىستان ءبىر يۋاندى «ءبىر يۋان جوسپارىنا» اتاپ، ونى وتباسىندا قيىنشىلىعى بار وقۋشىلاردىڭ وقۋىنا قارجىلاي كومەك رەتىندە پايدالانۋ جونىندە ۋادەلەسەدى. 10 جىلدان بەرى ايساجان نيزامىدىن الەۋمەتتىك ىستەرگە پەيىلمەن كىرىسىپ، ءىس جۇزىندىك ارەكەتى ارقىلى ۇلتتار ىنتىماعىن امالياتتا ايگىلەپ، ىلگەرىندى - كەيىندى 8 - كەزەكتى جۇڭگو جاس ەرىكتىلەر تاڭداۋلى جەكە سيلىعىن، 12 - كەزەكتى شينجياڭ جاستار 4 - مامىر مەدالىن، 18 - كەزەكتى جۇڭگو جاستار 4 - مامىر مەدالىن، اۆتونوميالى رايوننىڭ 7 - كەزەكتى ۇلتتار ىنتىماعى، العاباسارلىعىنداعى وزات سياقتى داڭقتى اتاقتاردى الدى.
7 - ءساۋىر تۇستەن كەيىن ايساجان نيزامىدىن مەن قىزمەتتەستەرى تەكسەرۋ جۇمىسىن تامامداعاننان سوڭ كەڭسەگە ورالادى. قىزمەتتەستەرى جايعاسىپ، دەم الۋعا ىڭعايلانادى. ال ايساجان نيزامىدىننىڭ دەم الۋعا مۇرساتى بولماي، كومپيۋتەرىن اشىپ، جۋىقتا جۇرىلگەن «ءبىر يۋان جوسپارى» اتتى مەيىر باعىشتاۋ قيمىلىنىڭ قورىتىندىسىن جازۋعا كىرىسەدى.
«ەلەكتردەن حاۋىپسىز پايدالانۋدى قامتاماسىز ەتۋ ءۇشىن ناۋرىز، ءساۋىر ايلارى زور تەكسەرۋ جۇرىلەتىن مەزگىل ءارى مەملەكەت ەلەكتر تورى بۇراتالا ەلەكترمەن قامداۋ سەرىكتەستىگى تەكسەرۋ ءبولىمىنىڭ قىزمەتى ەڭ قاربالاس كەز ەسەپتەلەدى»، - دەيدى ايساجان نيزامىدىن. ول قاربالاس قىزمەت ارەدىگىندە دە كومەك الۋشى ستۋدەنتتەردىڭ قامىن جەپ ءجۇر. «6 - ءساۋىر ولارعا تۇرمىس قاراجاتىن جىبەرەتىن كۇن. قىزمەتتەن قولىم بوساماعاندىعى سەبەپتى بۇل شارۋانى بولە ىنىمە تاپسىردىم».
بولە ءىنىسى جولداعان اقشانىڭ شەگىن العان سوڭ، ايساجان ءبىر - بىرلەپ سۋرەتكە تارتىپ ارحيۆ قالدىرادى ءارى ينتەرنەت بانكى ارقىلى قارجىلاي كومەك العان باسقا وقۋشىلارعا اقشا جولداۋ ءتىزىمىن دە سۋرەتكە تارتىپ الادى. ول قورىتىندىنى ۇيعۇر، حانزۋ تىلدەرىندە جازا باستايدى: «شينجياڭ مەديتسينا ۋنيۆەرسيتەتىندە وقيتىن ءبىر وقۋشىعا 800 يۋان تۇرمىس قاراجاتىن جىبەردىم»، «ۇزاق ۋاقىت قارجىلاي كومەك الىپ كەلە جاتقان 10 ستۋدەنتكە 3 ايلىق تۇرمىس قاراجاتى ءۇشىن 5000 يۋان اقشا جىبەردىم»... وسى رەتتە ول قارجىلاي كومەك الاتىن 15 ستۋدەنتكە تۇرمىس قاراجاتىن جىبەردى. قورىتىندىنىڭ اياعىندا ايساجان بۇرىنعىداي «ءبىر يۋان جوسپارىنىڭ» «سۇيىسپەنشىلىكتى داعدىعا اينالدىرايىق!» دەگەن ۇرانىن جازدى.
كەشكى ساعات 8 شاماسىندا ايساجان قورىتىندى مەن ەستەلىككە الىنعان جازبانىڭ ءبارىن ءۇنحاتتاعى دوستار اۋماعىنا جولدادى ءارى قارجىلاي كومەك الۋشى ستۋدەنتتەردىڭ اتى - ءجونىن جاسىرىپ قويدى.
2006 - جىلى ايساجان جينالعان العاشقى 1244 يۋان اقشانى 23 كەدەي وقۋشىنىڭ قولىنا تاپسىردى، ءسويتىپ، «ءبىر يۋان جوسپارى» اتتى الەۋمەتتىك يگىلىك قيمىلى باستالدى. مەيىر - شاپاعاتتى جانداردىڭ اقشالارى ءار ۇلت جەتىم بالالارىنا، ناۋقاسقا شالدىققان بالالارعا، وقۋدان قول ۇزگەن بالالارعا، كەدەي وقۋشىلارعا بەرىلىپ، مەيىر - شاپاعات تيانشاننىڭ وڭتۇستىگى مەن سولتۇستىگىنە جەتكىزىلدى.
جىڭ اۋدانى ماندانبۇلاق اۋىلى شينجۋاڭزى قىستاعىنىڭ تۇرعىنى ابدىسامەت ماحسۇم ايساجاندى تىلگە العاندا، ونى ەرەكشە القادى، ونىڭ جوعارى مەكتەپتە وقيتىن ۇلكەن قىزى «ءبىر يۋان جوسپارىنىڭ» ارقاسىندا وقۋىن جالعاستىرىپ جاتىپتى. «ايساجانعا دەگەن العىسىم ەرەكشە، بالام وقۋىن تاۋىسىپ كەلگەن سوڭ، وعان ايساجاننان ۇيرەنىپ، يگى ىستەر ىستەپ، باسقالارعا كومەكتەسۋدى تاپسىرامىن»، - دەدى ابدىسامەت.
سوڭعى كۇندەرى ايساجان تاعى «سۇيىسپەنشىلىك كاۋابى» قيمىلىن جوبالاپ جاتىر. «ءبىر اپتا ىشىندە جومارت جانداردان 2700 يۋاننىڭ ۇستىندە اقشا جينالدى. وسى جولى تۇسكەن اقشانى قارجىلاي كومەك الۋشى وقۋشىلاردىڭ كەلەسى ايداعى تۇرمىس قاراجاتى رەتىندە جۇمساماقپىز»، - دەدى ايساجان.
وسى رەتتە جينالعان اقشانىڭ ىشىندە كەزىندە كومەك العان 2 وقۋشىنىڭ دا اتاعان جىلۋى بار ەكەن. «كەزىندە ءبىز 3 جىل اقشا بەرىپ كومەكتەسكەن ءبىر قىز بالا قازىر وقىتۋشى بولىپ ىستەيدى، بىلتىر جۇمىسقا تۇرعاننان بەرى ۇنەمى جىلۋ اتاپ كەلەدى»، - دەدى ايساجان كۇلىمدەي. ول بىلاي دەدى: «بۇل قيمىلدى باستاعانىما 10 جىلدىڭ ءجۇزى بولدى. 10 جىلدان بەرى بىزگە كۇدىكپەن قاراعاندار دا بولدى، قارجى جەتپەگەن كەزدەر دە بولدى. ءبىراق ەڭ ءبىر قۋاناتىن جەرىم، كومەك العان ستۋدەنتتەر وقۋ تاۋىسقان سوڭ ءبىزدىڭ جوسپارىمىزعا قاتىناسىپ، باسقالارعا كومەكتەسە باستادى، سۇيىسپەنشىلىك ۇزىلمەي جالعاسا تۇسۋدە، بۇعان ەرەكشە رازىمىن».
وسى كەزدەگى جۇمىستارىن بىتىرگەن سوڭ، ايساجان اۆتونوميالى رايوندىق جاس وسپىرىمدەر دامىتۋ قورى قوعامىنا بارىپ قايتپاقشى. «جەكە ءوزىمنىڭ، سونداي - اق تۋىستارىم مەن دوستارىمنىڭ كۇشى شەكتى، <ءبىر يۋان جوسپارىنىڭ> فورماسىن وزگەرتۋدىڭ كەزى جەتتى، ونى سۇيىسپەنشىلىك قورىنا اينالدىرماقشىمىن. اشىق تۇعىر ورناتىپ، ءتىپتى كوپ ادامنىڭ وعان قاتىناسۋىنا مۇمكىندىك جاساپ، ءتىپتى كوپ ادامعا كومەكتەسسەم دەگەن ويىم بار»، - دەدى ايساجان. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
