- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىستەتىپ جۇرگەن ماسكىڭىز حاۋىپسىز بە
2016.04.13 14:31
جۋىردا شاڭحاي قالالىق ساپانى تەحنيكالىق جاقتان تەكسەرۋ مەكەمەسى دەرەككە نەگىزدەلىپ تەكسەرۋ جۇرگىزگەندە، زاڭ اتقارۋشىلار قويماداعى ماسكى تاۋارلارىنىڭ ساپاسىندا اۋىر ساپا ماسەلەسى ساقتالعانىن اشكەرەلەدى، ءارى 3 ماركاداعى 400 دەن استام ماسكىنى ءمۇسادىرالادى. سونان كەيىن دە شاڭحاي قالالىق ساپانى تەحنيكالىق جاقتان باسقارۋ مەكەمەسىنىڭ زاڭ اتقارۋ باس اترەتى بازارلارعا توسىن كەڭ كولەمدى تەكسەرۋ جۇرگىزگەندە 2 شاعىن دۇكەننىڭ وزىنەن - اق مىڭنان استام جالعان، جارامسىز ماسكىنى تەكسەرىپ _ انىقتاعان. بۇل جالعان، جارامسىز بىرنەشە ماركاداعى ماسكىنىڭ باعاسى دا قىمبات ەكەندىگىن بايقاعان. انىقىراق ايتقاندا، ەڭ ارزانى 40 - 50 تيىن، قىمباتى بىرنەشە جۇز يۋان ەكەن. كەزەكتە بۇقارا جالپى پايدالانىپ جۇرگەن ماسكىنىڭ مەملەكەتتىك ولشەمى بار ما، ءتۇرلى ماركاداعى ماسكىلەر شىنىمەن - اق PM2.5 ولشەمىنە ساي ما؟
ۇلگى الىپ تەكسەرگەندە تۇيىرشىكتى ءسۇزۋ مولشەرى % 1 كە دە جەتپەگەن
وسى رەتكى توسىن تەكسەرۋدەن بۇرىن، شاڭحاي قالالىق ساپانى تەحنيكالىق جاقتان باسقارۋ مەكەمەسى «ماسكىنىڭ ساپا حاۋىپسىزدىگى جونىندە ساقتىق حابارلاندىرۋىن» جاريالاعان بولاتىن. 3 - ناۋرىزدا شاڭحاي قالالىق ساپانى تەحنيكالىق جاقتان تەكسەرۋ مەكەمەسىنىڭ ونەركاسىپ كاسىپورىندارىندا پايدانىلاتىن 64 ءتۇرلى توقىما ونىمگە تەحنيكالىق جاقتان تەكسەرۋ جۇرگىزگەندە 54 ءتۇرى تولىمسىز بولىپ شىققان. 22 رەت ماسكى جاسايتىن توقىما بۇيىمدارىنىڭ PH مانىنە تەكسەرۋ جۇرگىزگەندە سالىسترماسى % 31 تەن اسىپ كەتكەن.
ادەتتە بازارداعى ماسكىنىڭ PM2.5 تى ءسۇزۋ ءونىمى %90 تەن اسقان دەپ جار سالعانىمەن، كەزەكتەگى تەكسەرۋ ناتيجەسىنەن قاراعاندا ايتقانىنداي ولشەمگە جەتپەگەنى ايدان - انىق.
2014 - جىلى مامىر ايىندا جىجياڭ ولكەلىك تۇتىنۋشىلار ۇقىق - مۇددەسىن قورعاۋ كوميتەتى توردان 25 دانا ىستان ساقتانۋ ماسكىسىن ساتىپ الىپ، تاجىريبە جاساعاندا بىردە بىرەۋى تولىمدى بولماعان. شاڭحاي قالالىق ساپانى تەحنيكالىق جاقتان تەكسەرۋ مەكەمەسىنىڭ تەكسەرىپ انىقتاۋىنشا ءدارى دۇكەنى مەن تور پۋنكىتتەرىنەن ساتىپ العان ءبىر سىپىرا ماسكىلەردىڭ تۇيىرشىكتى ءسۇزۋ سالىستىرماسى % 10 كە دە جەتپەگەن. ال گۋاڭجوۋ قالالىق گۋاڭحۋا ەڭبەك حاۋىپسىزىگى بۇيىمدارى شەكتى سەرىكتىگى وندىرگەن M- 6800 ماركالى ماسكىنىڭ ءسۇزۋ مولشەرى % 1.1 كە جەتپەگەن.
جاريالانعان ماتەريالدارعا نەگىزدەلگەندە ءتۇرلى ماركاداعى ماسكى ءوندىرۋشى كاسىپورىندار جالعان جارناما جاساعاندىقتان قاتىستى ورىندار نەشە مارتە ايىپ سالعان. ءتىلشىنىڭ بەيجيڭ قالالىق ونەركاسىپ - ساۋدانى اكىمشىلىك جاقتان باسقارۋ مەكەمەسىنىڭ تور بەكەتىنەن يەلەۋىنشە، اقپارات مەديالارى اشكەرەلەگەن «جيۋتۋيىڭ» ماركالى ماسكىنى وندىرگەن كاسىپورىن جالعان جارناما جاساعاندىعاندىقتان 2014 - جىلى شىلدە دە 100 مىڭ يۋان ايىپ سالعان. شاڭحاي قالالىق ونەركاسىپ - ساۋدانى اكىمشىلىك جاقتان باسقارۋ مەكەمەسىنىڭ 2015- جىلى 3 - ناۋرىزدا جاريالاعان «جيانتاي» ماركالى PM2.5 تۇيىرشىكتەن ارناۋلى ساقتانۋ ماسكىسىنىڭ قوراپتاۋىنىڭ سىرتىنا « جاڭا تەحنيكالى سۇزگىش ورناتىلعان، اۋداعى PM2.5 تۇيىرشىكتەرىن وتكىزبەيدى، سۇزگىشتىگى %99 كە جەتكەن، اۋاداعى ۆيرۋستى تا وتكىزبەيدى» دەپ جازعانىمەن تەكسەرۋ بارىسىنداعى ءونىمى ايتقانداي بولماعاندىقتان قاتىستى ورىندار جالعان جارناما جاساعاندىعى ءۇشىن 100 مىڭ يۋان ايىپ سالعان.ءىس تۇتەكتەن ساقتانۋ ماسەلەسىنەن تىس، ماسكى جاساۋعا پايدالاناتىن توقىما بۇيىمدارىنىڭ ساپاسى مەملەكەتتىك ولشەمگە جەتپەيدى. بەلگىلى ماسكى ساتۋشى دۇكەننىڭ قوجايىنى تىلشىگە: ءبىرسىپرا كاسىپورىنداردىڭ توقىما بۇيىمدارىنىڭ شيكىزاتى ساپاسىز. ءتىپتى، قۇرامىندا فورمالدەگيد ساقتالعان، PH ءمانى ولشەمنەن الدا قايدا جوعارى. ادام تەرىسى قىشقىل زاتقا توزىمسىز بولعاندىقتان PH ءمانى جوعارى ونىمدەر ادام دەنەسىمەن جاناسقاندا تىتىرگەندىرەدى نەمەسە ادام تەرىسىنە كەرى اسەر بەرىپ قابىندىرادى ،- دەگەن.
ونەركاسىپ سالاسىندا ىستەتىن ماسكى جالپىلاستى
ماسكىنىڭ ءسۇزۋ ءونىمىنىڭ تومەن بولۋىنىڭ ەكى سەبەبى بار. ءبىرى، ماسكىلەردىڭ ماركالارى كوپ، ساپاسى تومەن.
ەندى ءبىرى، تۇرمىستا بۇقارا پايدالاناتىن ماسكىلەردىڭ ساپاسى حالىقارالىق ولشەمنەن الداقايدا تومەن. «مەملەكەتتىك ەڭبەك قورعانۋ بۇيىمدارىنىڭ ساپاسىن باقىلاۋ ورتالىعىنىڭ مەڭگەرۋشىسى ياڭ ۋىنفىننىڭ ايتۋىنشا، كەزەكتە ۇنەمى قولدانىلاتىن KN 95 ماركالى ماسكىنى ءوندىرۋشى ورىننىڭ قولدانىپ وتىرعان حالىقارالىق ولشەمى «تىنىس جولىن قورعاۋ بۇيىمدارى - وزدىگىنەن سۇزە الاتىن قورعانۋ جابدىعى»، (GB2626 - 2006) بۇل ادەتتە بۇقارا پايدالانىپ جۇرگەن ماسكىلەردىڭ ولشەمى ەمەس، قايتا، ونەركاسىپ كاسىپورىندارى پايدالاناتىن ماسكىلەردىڭ ولشەمى.
ماتەريالعا نەگىزدەلگەندە، ماسكى PM2.5 دەن دە كىشكەنە تۇيىرشىكتەردى سۇزە الادى. الايدا، ماسكى ماتەريالىنىڭ تىعىزدىعىن ارتتىرسا، اۋا سىمىرگىشتىگى تومەندەيدى. مەملەكەتتىك ەڭبەك قورعانۋ بۇيىمدارى ساپاسىن باقىلاۋ ورتالىعى سىناق جاساعاندا، ءىس - تۇتەك قاپتان كۇندەردە ەرەسەك ادامدار KN 95 ماركالى ماسكى تاعىپ سىرتتا جۇرەتىن بولسا ماسكىنىڭ ءسۇزۋ ءونىمى ايتارلىقتاي جاقسى بولعانىمەن، وتتەگى مولشەرى تومەندەيتىندىكتەن ادامداردىڭ باسى اينالىپ، دەمى تارىلاتىن جاعداي بايقالعان.
ولشەم ماسەلەسىنەن باسقا جاقتان الىپ ايتساق جالعان، جارامسىز ماسكىلەردىڭ ءىس - تۇتەك قاپتاعان كۇندەردەگى زالالى، ءتىپتى، سالماقتى بولادى. ءتىلشى قازىر كوپتەگەن تۇتىنۋشىلاردىڭ تور دۇكەندەرىنەن ماسكى ساتىپ العاندى ۇناتاتىندىعىن، الايدا تور دۇكەندەرىنەن ساتىپ العان زاتتاردىڭ ساپاسىنىڭ تولىمسىز ەكەندىگىن بايقاعان.
ساناققا نەگىزدەلگەندە، تور دۇكەندەرىندە ساتىلعان 3M ماسكىلەرى ءوتىمدى بولعان. الايدا سىرتتاي قارعاندا مۇلدە ۇقساس ماسكىلەردىڭ باعاسى پارىقتى بولعان. مىسالى، 3M ماسىكلەرىنىڭ رەسمي باس تور دۇكەندەرىندە باعاسى 7.5 يۋان بولسا، كەيبىر تور دۇكەندەرىندە ەكى - اق يۋان.
2015 - جىلى جەلتوقساندا شاڭحاي قالالىق كەدەن مەكەمەسى 12 مىڭ دانا 3M جانە KN 95 ماركالى ەكسپورت ەتىلمەكشى بولعان جالعان تاۋاردى قولعا ءتۇسىردى. بۇل ماسكىلەر كورىكسىز بولىپ قالماستانءارى جارامسىز ماتەريالدان جاسالعاندىقتان ادامنىڭ تىنىس جولدارىن قورعاۋ بىلاي تۇرسىن، تۇتىنۋشىنىڭ دەنساۋلىعىنا زالالىن تيگىزەدى. 3M ماركالى ماسكىنى ءوندىرۋشى كاسىپورىننىڭ جاۋاپتىسى تىلشىگە: تۇتىنۋشىلاردىڭ اڭىس ەتۋى جانە سەرىكتىگىمىزدىڭ تەكسەرۋ جۇرگىزۋىنە ساي ءبىرتالاي تور دۇكەنىنەن جالعان تاۋار بايقادىق ، - دەگەن. «ءبىز بىرنەشە كاسىپورىننىڭ جالعان، جارامسىز ءونىمىن بايقادىق، ولار ونىمدەرىنىڭ قوراپتاۋىنان تارتىپ، ۇگىت جارناماسى مەن ماركا بەلگىسىنە دەيىن ءبىزدىڭ ونىمدەرىمىزبەن مۇلدە ۇقساس ەتىپ جاساعاندىعىنا قايران قالاسىز، - دەيدى بۇقارا جاپپاي ىستەتىپ جۇرگەن ولشەمدى ماسكى وندىرەتىن كاسىپورىننىڭ جاۋاپتىسى. ءمالىم كاسىپورىننىڭ جاۋاپتىسىنىڭ ايتۋىنشا، ماسكى سۇزۋ جاپىراقشاسىنىڭ قۇنى بىرنەشە ون تيىن، ءتىپتى، كەيدە وزىندىك قۇنىن دا تولەي المايدى ەكەن، مۇنداي سۇزگىشتەردىڭ ساپاسىنان، ءسىرا، اۋىز اشۋعا بولا ما؟ ول تاعى ىشىندە سۇزگىشى جوق بىرنەشە ون تيىندىق ماسكىنى دا كەزدەستىرگەنىن ايتتى.
PM2.5 تۇيىرشىكتەرىنەن قورعاناتىن ماسكىنى جۋۋعا بولمايدى
قاتىستى قايراتكەرلەردىڭ ايتۋىنشا، مەملەكەتىمىز تۇڭعىش رەت بۇقارا جالپى بەتتىك پايدالاناتىن ماسكىنىڭ مەملەكەتتىك ولشەمى «كۇندەلىكتى قورعانۋ سيپاتىنداعى ماسكىنىڭ تەحينكالىق ولشەمىن» تۇراقتاندىرىپ بولعان،مۇنى 2016 - جىلدىڭ الدىڭعى جارىمىندا رەسمي جاريالايتىن كورىنەدى. ياڭ ۋىنفىن مەڭگەرۋشىنىڭ ايتۋىنشا، جاڭا ولشەم اتقارىلعان سوڭ، ءسۇزۋ ءونىمى باعالاۋدىڭ باستى ولشەمى ەتىلمەي، قورعانۋ ونىمدىلىگى جاڭا ۋنيۆەرسالدى باعالاۋ سەسيستەماسى ولشەم ەتىلەتىن ەكەن. جۇڭگو توقىما بۇيىم كاسىپورىندارى قوعامىنىڭ باس حاتشىسى لي جيامي بىلاي دەدى: ماسكىنىڭ نەگىزگى وزىندىك قۇنىن ونىڭ سۇزگىشتىگىنىڭ جاقسى - جاماندىعى بەلگىلەيدى. ودان تىس فورماسىنىڭ جوبالانۋى مەن جانعا جايلى بولۋى، بەتكە لايىقتى بولۋى دا ماڭىزدى رول اتقارادى. قازىر بازاردا ساتىلىپ جاتقان ماسكىلەردىڭ ماركاسى كوپ، ءتۇرى مول. ادەتتە بازاردان ماسكى ساتىپ العانىمىزدا ويداعىداي قوراپتالعان، تۇسىندىرمەسى ايقىن جازىلعان ماسكىلەردى تاڭداۋىمىز تاعۋ ۇلگىسىمەن پايدالانعاندا ابايلايتىن ىستەرگە كوڭىل ءبولۋىمىز كەرەك. PM2.5 تۇيىرشىكتەرىنەن قورعانۋدا ءسۇزۋ ونىمدىلىگى %90 تەن جوعارى ماسكىنى پايدالانۋ ءتيىس. الايدا، ءسۇزۋ ءونىمى قانشا جوعارى بولعان سايىن، تىنىس الۋعا اسەر ەتەدى. سوندىقتان وسى ەكى ولشەمدى ءوزارا سايكەستىرىپ ماسكى تاعۋشىنىڭ ەركىن تىنسىتاۋىنا كەپىلدىك ەتۋ كەرەك.
ماسكى تاعۋشى ماسكىنىڭ تازالىعىن ساقتاپ، كىرلەتپەۋى ءتيىس. اسىرەسە، ءونىمدى ساتىپ العاندا كورسەتىلگەن ىستەتۋ ءتاسىلى بويىنشا پايدالانۋ كەرەك. تاققاندا يەك پەن بەت اراسىنان ساڭلاۋ قالدىرماي تاعىپ، سۇزگىشتىڭ ءونىمدى بولۋىنا كەپىلدىك ەتۋ ءتيىس. ماسكىنىڭ سىمىرگىشتىك PM2.5 تى ورنىقتى ەلەكتر ارقىلى ورناتىلادى، ەگەر ماسكىنى ىستەتكەن سوڭ جۋساڭىز، ءسۇزۋ قاسيەتى جويىلادى دا، PM2.5 تۇيىرشىكتەرىنەن قورعانۋ رولى ايتارلىقتاي بولمايدى، ادەتتە مۇنداي ماسكىنى ۇزدىكسىز ىستەتۋدىڭ قاجەتى شامالى.
اۋدارعان نۇرلان داۋلەتبەك ۇلى
كەلۋ قاينارى: شينجياڭ زاڭ جانە تۇرمىس گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
