شينجياڭدا 1 – مامىردان باستاپ حالىققا قولايلى بايلانىس جاساۋ كارتۋچكاسى ىستەتىلمەيتىن بولدى

2016.05.03 13:27   كەلۋ قاينارى : حالىق تورابى

　　حالىق تورابى، 27 – ءساۋىر، ءۇرىمجى. شينجياڭ ۇيعۇر اۆتونوميالى رايوندىق ۇلتتار ىنتىماعىن ىلگەرىلەتۋ جىلى قيمىلىنا باسشىلىق ەتۋ گرۋپپا كەڭسەسى، اۆتونوميالى رايوندىق جىلجىمالى جان سانىنا قىزمەت وتەۋدى باسقارۋعا باسشىلىق ەتۋ گرۋپپا كەڭسەسى 27 – ساۋىردە اقپار جاريالاۋ جيىنىن اشتى، ءتىلشىنىڭ جيىننان ۇعىسۋىنشا، 2016 – جىلى 1 – مامىردان باستاپ، شينجياڭدا حالىققا قولايلى بايلانىس جاساۋ كارتۋچكاسى پايدالانىلمايتىن بولدى.

　　شينجياڭ ۇيعۇر اۆتونوميالى رايوندىق پارتكوم باس حاتشىسىنىڭ ورىنباسارى، ساياسي – زاڭ كوميتەتى ۇنەمىلىك ىستەرگە جاۋاپتى شۋجيىنىڭ ورىنباسارى ۋاڭ ميڭشان بىلاي دەپ ءتۇسىندىردى: حالىققا قولايلى بايلانىس جاساۋ كارتۋچكاسى ءتۇزىمى شينجياڭدا جۋىرداعى جىلداردان بەرى جىلجىمالى جان سانىنىڭ كوپ بولۋى سىندى قوعامدىق جاعداي مەن لاڭكەستىككە قارسى تۇرۋ، ورنىقتىلىقتى ساقتاۋ سىندى كەلەلى دە كۇردەلى جاعدايدا، جىلجىمالى جان سانىنا ءونىمدى قىزمەت وتەۋ مەن ونى باسقارۋ ءۇشىن شىعارىلعان ساياسات. حالىققا قولايلى بايلانىس جاساۋ كارتۋچكاسى ءتۇزىمى 2014 – جىلى 1 – مامىردان باستاپ شينجياڭدا اتقارىلعان، بۇل شارا اتقارىلعان ەكى جىلدان بەرى، جىلجىمالى جان سانىنا قىزمەت وتەۋ مەن ولاردى باسقارۋ ونىمدىلىگى جوعارىلاپ، حالىقققا قولايلىلىق جاراتۋ مەن قوعامنىڭ ورنىقتىلىعىن قورعاۋدا ماڭىزدى رول اتقاردى.

　　كەلۋ قاينارى: حالىق تورابى