- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ادام قۇتقارعان شينجياڭدىق 4 ازامات «جۇڭگوداعى ىزگى جاندار» ەسىمدىگىنە تاڭدالدى
2016.05.06 14:49 كەلۋ قاينارى : ءتاڭىرتاۋ تورابى
ورتالىق وركەنيەت كەڭسەسى جۋىقتا ءساۋىر ايىنداعى «جۇڭگوداعى ىزگى جاندار» ەسىمدىگىن جاريالادى. كولىك اپاتىنا ۇشىراعان بەيتانىس ادامداردى قۇتقارعاندىعى سەبەپتى قوعامنىڭ نازارىن اۋدارعان شينجياڭدىق ابدۇبىلال وسمان، يليار وسمان، يلياز وسمان جانە ەلشات اسەنجان اتتى 4 ازامات «جۇڭگوداعى ىزگى جاندار» ەسىمدىگىنە تاڭدالدى.
بيىل 23 - اقپاندا ۋاڭ جىگاڭ قاتارلى 5 ادام حىناننان ىشكى موڭعۇلداعى اۋىلىنا قايتۋ ءۇشىن شاڭحاي - شانشي جوعارى قارقىندى تاس جولىنىڭ لوشان اۋدانىنداعى بولەگىنەن ءوتىپ بارا جاتقاندا كولىك اپاتىنا ۇشىرايدى. ابدۇبىلال وسمان، يليار وسمان، يلياز وسمان جانە ەلشات اسەنجاندار وسى جولدان ءوتىپ بارا جاتقاندا، كولىك اپاتى تۋىلعانىن كورىپ، جارالىلاردى جابال قۇتقارىپ، قۇتقارۋ ماشيناسىنا شىعارىپ قويعاننان كەيىن ءۇن - ءتۇنسىز قايتىپ كەتەدى.
ولار ادام قۇتقارۋمەن بىرگە، كەسكىنگە ءتۇسىرىپ، دوستار شەڭبەرىنە جولداپ، حاۋىپسىز قاتىناۋ جونىندە كوپشىلىككە ەسكەرتەدى. كولىك اپاتىنا ۇشىراعانداردى قۇتقارۋ كەسكىنى ءۇنحاتتىڭ دوستار شەڭبەرىنە جولدانعاننان كەيىن، ءار ءتۇرلى ءىرى سايتتارعا دا جولدانادى، امان قالعان ۋاڭ جىگاڭ وسى 4 جاس جىگىتتى تاۋىپ، ولارعا راقىمەتىن ايتۋ ويىندا بولادى. بۇل ءىس كوپتەگەن توراپكەرلەر مەن اقپارات قۇرالدارىنىڭ نازارىن اۋدارىپ، «ادام ىزدەۋ قۇلاقتاندىرۋىنىڭ» دەمەۋىندە، ادام قۇتقارعان 4 جىگىت اقىرى تابىلادى.
حالىق گازەتى، ورتالىق تەلەۆيزيا ستانسياسى سياقتى اقپارات قۇرالدارىنىڭ ىلگەرىندى - كەيىندى حابارلاۋىندا، بەيتانىس ادام قيىنشىلىققا جولىققاندا قاراپ تۇرماي قول ۇشىن بەرىپ، اتى - ءجونىن قالدىرماعان 4 جاس جىگىتتىڭ ىزگى ىستەرى تەز ارادا كەڭىنەن تارالىپ، جاپپاي القاۋعا بولەنىپ، 300 مىڭنان استام توراپكەردىڭ القاۋىن الادى. اۆتونوميالى رايوندىق وركەنيەت كەڭسەسى وس ءبىر ىزگى نيەتتى جانداردىڭ ىزگى ىستەرىن ورتالىق وركەنيەت كەڭسەسىنە، ورتالىق وركەنيەت سايتىنا جولدايدى ءارى تورتەۋىن «جۇڭگوداعى ىزگى جاندار» ەسىمدىگىنە بەلسەنە كورسەتەدى. ابدۇبىلال وسمان، يليار وسمان، يلياز وسمان جانە ەلشات اسەنجان ءساتتى تۇردە «جۇڭگوداعى ىزگى جاندار» ەسىمدىگىنە تاڭدالادى.
ۇعىسۋعا قاراعاندا، ورتالىق وركەنيەت كەڭسەسى باس بولىپ ۇيىمداستىرعان، جۇڭگو سايتى ۇستىنە الىپ وتكىزگەن «ماڭايىمداعى ىزگى جانداردى كورسەتەمىن، باعالايمىن» اتتى ايلىق باعالاۋ قيمىلى ينتەرنەت تەكشەسى ارقىلى قالا، اۋىلعا، نەگىزگى ساتىعا ىزگى نيەتتى جانداردىڭ ىزگى ىستەرىن ۇگىتتەپ، جاڭا سالت، دۇرىس ستيلدى ساۋلەلەندىرىپ، قوعامدا وڭ ەنەرگيا تاراتۋدى ماقسات ەتكەن. شينجياڭدىق 4 جىگىتتىڭ «جۇڭگوداعى ىزگى جاندار» ەسىمدىگىنە تاڭدالۋى ولاردىڭ جارقىن ىستەرىن تۇراقتاندىرۋ جانە ولاردى القاۋ بولىپ قانا قويماي، بۇكىل ەل حالقىن شينجياڭدىق باۋىرلاستاردىڭ ەرلىگى مەن وسكەلەڭ سۇيىسپەنشىلىگىنە كۋا ەتتى.
باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە: پارتيا ورتالىق كوميتەتى ەجەلدەن بەرى شينجياڭنىڭ قىزمەتىنە وسكەلەڭ ءمان بەرىپ، كەلەلى شەشىمدەر مەن ورنالاستىرۋلار جاساپ، شينجياڭنىڭ رەفورما، دامۋ، ۇلتتار ىنتىماعى، قوعامنىڭ العاباسۋى، حالىق تۇرمىسىن جاقسارتۋ، شەكارا قورعانىسىن بەكەمدەۋ ىستەرىن ىلگەرىلەتۋدە تاريحي تابىستارعا قول جەتكىزدى، - دەپ اتاپ كورسەتكەن ەدى.
اۆتونوميالى رايوننىڭ «12 - بەسجىلدىق» جوبا مەزگىلىنەن بەرگى ساياسي، ەكونوميكا، قوعام، حالىق تۇرمىسى، مادەنيەت، دەنە تاربيە سياقتى جاقتاردا قول جەتكىزگەن كورنەكتى تابىستارىن جۇيەلى تانىستىرۋ ءۇشىن، گازەتىمىز بۇگىننەن باستاپ، «شينجياڭنىڭ جارقىن تۇيىندەرى» اتتى ايدار اشىپ، جۇڭگوعا، ءتىپتى، دۇنيە جۇزىنە شينجياڭ رۋحىن، شينجياڭ كەلبەتىن، شينجياڭ سەنىمىن ايگىلەپ، ءار ۇلت بۇقاراسىن «اناردىڭ ۇرىعىنداي ۇيىستىرىپ»، «كوركەم شينجياڭ قۇرىپ، وتان ارمانىن بىرگە ىسكە اسىرۋعا» ۇندەيدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
