بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

ىنتىماقتىڭ «قاراپايىم ارەكەتىنە» ماداق جاۋدىرايىق

2016.05.09 14:19     كەلۋ قاينارى : ءتاڭىرتاۋ تورابى

  − «ۇلتتار ىنتىماعىنىڭ تاتۋ شاڭىراعى» تاقىرىبىنداعى ۋيچات ميميكالار جيناعى دوستار شەڭبەرىن دۋمانعا بولەدى

  ياڭ يىڭچۇن

  «<ۇلتتار ىنتىماعىنىڭ تاتۋ شاڭىراعى>» تاقىرىبىنداعى ۋيچات ميميكالار جيناعى وتە كەرەمەت ەكەن»! 6 - مامىر تۇستەن بۇرىن، ءۇرىمجى قالا تۇرعىنى تيان چيۋرۇڭ «ۇلتتار ىنتىماعىنىڭ تاتۋ شاڭىراعى» تاقىرىبىنداعى ۋيچات ميميكالار جيناعى ۋيچات دوستار شەڭبەرىندە پايدا بولعان كەزدە بىردەن ۇناتۋ تەتىگىن باسىپ، ميميكالار جيناعىن دوستارىنا جىبەردى.

  بۇنى جالعاپ تاراتقان جانە بولىسكەن جالعىز تيان چيۋرۇڭ ەمەس، 6 - مامىر ساعات 11 دە «ۇلتتار ىنتىماعىنىڭ تاتۋ شاڭىراعى» تاقىرىبىنداعى ۋيچات ميميكالار جيناعى رەسمي تۇردە ۋيچات تۇعىرىندا جەلىگە قوسىلىپ، ۋيچات دوستار شەڭبەرىن ءاپ - ساتتە دۋمانعا بولەپ، ۇلتتار ىنتىماعىنىڭ تاتۋ شاڭىراعى ۋيچات ميميكالار جيناعىنا ۇناتۋ تەتىگىن باسقانداردىڭ، ونى جالعاپ تاراتقانداردىڭ، قولدانعانداردىڭ سانى ەسەلەپ ارتىپ، تيانشاننىڭ تۇستىگى مەن تەرىستىگىندە سانگە اينالىپ جۇرە بەرەدى.

  «ءبىز شينجياڭدىقتاردا تۇڭعىش رەت ءوزىمىزدىڭ ۋيچات ميميكالار جيناعىمىز بولدى، قانداي تاماشا!»، - دەدى شينجياڭ ۋنيۆەرسيتەتى جۋرناليستيكا جانە كوممۋنيكاتسيا ينستيتۋتىنىڭ وقۋشىسى رۋفينا احىمەتجان. ول وسى ۋيچات ميميكالار جيناعىن وتە جاقسى كورىپ، بىردەن 6 ۋيچات توبىنا جانە شەڭبەرىندەگى 100دەن استام دوسىنا جىبەردى. رۋفينا بىلاي دەدى: «<ۇلتتار ىنتىماعىنىڭ تاتۋ شاڭىراعى> تاقىرىبىنداعى ۋيچات ميميكالار جيناعى كۇشتى شينجياڭ ەرەكشەلىگىنە يە، ول شينجياڭ وبرازىن تاراتۋعا ەرەكشە ءتيىمدى».

  «كىشكەنتاي دوپپا، بۇرىم، گۇلدى كويلەك، سونداي - اق شينجياڭدىقتاردىڭ كۇلگەندە ويماقتاي بولىپ كەتەتىن كوزدەرى وتە سۇيكىمدى ەكەن»، - دەيدى شىنجىندا قىزمەت ىستەيتىن شينجياڭدىق زىڭ كىفىڭ. ول بۇل ميميكالاردى جۇكتەپ العان سوڭ، قىزمەتتەستەرىنە ءبىر - بىردەن جىبەرىپ بەرىپتى. «مەن ەسەككە ءمىنىپ تۇرىپ، <قازىر بىتىرەمىن> دەگەن ميميكانى وتە ۇناتتىم، بۇل ءبىزدىڭ شينجياڭدىقتاردىڭ اۋزىن اشسا جۇرەگى كورىنەتىن اڭقىلداق مىنەزىنىڭ ءدال ءوزى»، - دەدى ول.

  «ۋا، قانداي كەرەمەت! جاقسى دوس دەگەن وسى، شاتتانا بيگە باسۋ سياقتى ميميكالار وتە وبرازدى شىققان، ەموتسيانى بەينەلەۋى دە ورنىن تاپقان، جۇرتتىڭ كۇشتى سەزىمدىك اڭىسىن قوزعايدى. بۇدان كەيىن مەن وسى ميميكالاردى ءار كۇنى قولدانىپ، ءوزىمنىڭ شينجياڭدىق ەكەنىمدى دوستارىما ماقتانىشپەن ايتاتىن بولامىن»، - دەيدى ءۇرىمجى قالاسىنىڭ تۇرعىنى كاڭ جىحۋا تىلشىلگە.

  «ۇلتتار ىنتىماعىنىڭ تاتۋ شاڭىراعى» تاقىرىبىنداعى ۋيچات ميميكالار جيناعىن كورگەن ساتتەن التاي تاۋى ەكى وزەن قاينارى جاراتىلىستىق قورىعىن باسقارۋ مەكەمەسىندە قىزمەت ىستەيتىن اراي بۇدان كەيىن ۋيچاتتا اڭگىمەلەسكەندە وسى ميميكالاردى قولدانامىن دەپ ۇيعاردى. «بۇل باسقا ميميكالاردا جوق شينجياڭ ەلەمەنتتەرى عوي، مەن وتە ۇناتتىم»، - دەيدى ول.

  اۆتونوميالى رايوندىق حالىق ىستەرى مەڭگەرمەسى ساياسات، زاڭ - ەرەجەلەر ۇگىتى ءبولىمىنىڭ كادرى شان ۋي: بيىل اۆتونوميالى رايونىمىزدىڭ ۇلتتار ىنتىماعى، العا باسارلىعى جىلى، مەن «ۇلتتار ىنتىماعىنىڭ تاتۋ شاڭىراعى» دەيتىن ۋيچات ميميكالار جيناعىن ۇنەمى قولدانىپ، ونى جالعاپ تاراتۋ، قولدانۋدى ۇلتتار ىنتىماعىن كۇشەيتۋدىڭ قاراپايىم ارەكەتىنە اينالدىرىپ، اينالامداعى قىزمەتتەستەرىمە، دوستارىما اسەر ەتىپ، ۇلتتار ىنتىماعىن بەكەمدەپ، شينجياڭنىڭ تاماشا وبرازىن سومدايمىن، - دەدى.

  «اينالاسى بىرەر ساعاتتا، قالىڭ ادام ۇناتۋ تەتىگىن باسىپ، جالعاپ تاراتىپ، ءبولىستى، ءبىز مۇنداي بولادى دەپ كۇتە قويماعان ەدىك. <ۇلتتار ىنتىماعىنىڭ تاتۋ شاڭىراعى> ۋيچات ميميكالار جيناعىنىڭ وسىنشاما كوپ القاۋعا، جالعاپ تاراتۋعا جانە بولىسۋگە يە بولعانى وسى ميميكالاردا كۇشتى شينجياڭ ەرەكشەلىگىنىڭ بولعاندىعىندا، وزىنە ۇلتتار ىنتىماعىن توعىستىرعان، ءون - بويى وڭ ەنەرگياعا تولى بۇل ميميكالار جۇرتشىلىقتىڭ سەزىمدىك اڭىسىن وڭاي قوزعايدى»، - دەيدى جۇڭگو كوممۋنيكاتسيا ۋنيۆەرسيتەتى جۋرناليستيكا جانە كوممۋنيكاتسيا فاكۋلتەتىنىڭ وقىتۋشسى، «ۇلتتار ىنتىماعىنىڭ تاتۋ شاڭىراعى» ۋيچات ميميكالار جيناعىن جاساۋعا جاۋاپتى بولعان فۋ حايجىڭ تىلشىگە. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.