بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>قوعام

شينجياڭ 2016 – جىلى كيىم – كەشەك ىسمەرلەرىنەن 500 ادامدى ىشكى ولكەلەرگە كۋرسقا جىبەرەدى

كۋرسقا جىبەرىلەتىندەر كولەمىنە كيىم – كەشەك، وتباسىلىق توقىماشىلىق، توقىماشىلىق قاتارلى ءۇش سالاداعىلار قامتىلادى

2016.07.20 15:44   كەلۋ قاينارى : حالىق تورابى



  حالىق تورابى، 20 – شىلدە، بەيجيڭ. ءتاڭىرتاۋ تورابىنىڭ حابارلاۋىنشا، 2015 – جىلى شينجياڭنان كيىم – كەشەك ىسمەرلەرىنەن 300 ادام ىشكى ولكەلەردە كۋرسقا قاتىناسقان، 2016 – جىلى 500 ادامدى وسىنداي كۋرسقا قاتىناستىرماقشى. كۋرسقا قاتىناسقاندار ءبىر كۇندە ءبىر سىم تىگەتىن «ولاقتان»، شەتەلگە شىعارىلاتىن شولاق جەڭ مايكىدەن ءبىر كۇندە 7 مايكى توقيتىن «ىسمەرگە» اينالدى؛ كۇيرەگەن پلاستيكالى بولات زاۆودىنىڭ قوجايىنىنان، ساۋدا ماركاسىن تىركەۋگە الدىرعان كيىم – كەشەك سەرىكتىگىنىڭ قوجايىنىنا اينالدى... ولار شينجياڭنىڭ كيىم – كەشەك سالاسىندا كاسىپ كوزىن اشۋشىلار مەن باسقارۋشى دارىندىلاردى تاربيەلەۋ جوسپارىنا قاتىناسۋ بارىسىندا، وسىنداي وزگەرىستەردى باستارىنان كەشىردى.

  2015 – جىلعى شينجياڭ كيىم – كەشەك سالاسىنداعى كاسىپ كوزىن اشۋشىلار مەن باسقارۋشى دارىندىلاردى تاربيەلەۋ قىزمەتى جونىندەگى قورىتىندىلاۋ – ماداقتاۋ جيىنى 19 – شىلدە كۇنى اۆتونوميالى رايوندىق ەكونوميكا جانە ينفورماتسيالاندىرۋ كوميتەتىندە وتكىزىلدى. جيىن بارىسىندا 2015 – جىلعى شينجياڭنىڭ كيىم – كەشەك سالاسىنداعى كاسىپ كوزىن اشۋشىلار مەن باسقارۋشى دارىندىلاردى تاربيەلەۋ قىزمەتى قورىتىندىلاندى، سول جىلى كۋرسقا قاتىناسقان 300 كۋرسانتتان 50 كۋرسانت قازىر ءوزى كاسىپ كوزىن اشقان، ولار 2500 ادامدى جۇمىستاندىرعان.

  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى (پراكتيكانت)

 سۋرەت