شينجياڭداعى ءىسورىندار مەن كاسىپورىندار 20 – قازاننان باستاپ ىشكى ولكەدەگى جوعارى مەكتەپتەردە قىزمەتكەر قابىلداۋ شاراسىن وتكىزەدى

2016.09.30 15:10   كەلۋ قاينارى : حالىق تورابى

　　حالىق تورابى، 30 – قىركۇيەك، بەيجيڭ. تيانشان تورابى، ءتىلشىنىڭ 29 – قىركۇيەكتە شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، 20 – قازاننان 30 – قازانعا دەيىن، شينجياڭ ۇيعۇر اۆتونوميالى رايونىنا توتە قاراستى ورگاندار مەن ايماق، وبلىس، قالالارداعى ءىشىنارا كاسىپورىن – ءىسورىندار چيڭحۋا ۋنيۆەرسيتەتى، فۋدان ۋنيۆەرسيتەتى، ۋحان ۋنيۆەرسيتەتى، لانجوۋ ۋنيۆەرسيتەتى قاتارلى جوعارى مەكتەپتەردە قىزمەتكەر قابىلداۋ شارالارىن ۇيىمداستىرادى.

　　قىزمەتكە قابىلداۋدا قويىلاتىن تالاپ: ساياسي ساپاسى جاقسى، وزىق ويلى، ۇيرەنۋ ناتيجەسى ۇزدىك بولۋ؛ نەگىزگى ساتىداعى الدىڭعى شەپ پەن جاپالى وڭىرلەرگە ەرىكتى بارۋعا ماقۇل بولۋ؛ ديپلوم العان نەمەسە ديپلومدى ۋاقىتىندا الا الاتىن بولۋ؛ ىشكى ولكەلەردەگى ءتۇيىندى جوعارى مەكتەپتەردەن وقۋ تاۋىسقانداردى شينجياڭعا كەلىپ قىزمەت ىستەۋگە شابىتتاندىرادى، ۇقساس شارت – جاعدايدا شينجياڭدىق تۇلەكتەر الدىمەن ويلاستىرىلادى.

　　كەلۋ قاينارى: حالىق تورابى