بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

ءۇرىمجى ديقان جۇمىسكەرلەردىڭ ايلىعىن ناقتى اتىن قولدانىپ باسقارۋدى سىناق ەتىپ، ايلىقتى كەشىكتىرگەن كاسىپورىنداردى «قارا تىزىمدىككە» ەنگىزبەك

2016.10.11 17:18     كەلۋ قاينارى : حالىق تورابى

  حالىق تورابى، 11 – قازان، بەيجيڭ. ءۇرىمجى قالاسى قۇرىلىس سالاسىنىڭ ەڭبەك توقتامىن ەستەلىككە الۋ جانە ديقان جۇمىسكەرلەردىڭ ايلىعىن ناقتى اتىن قولدانىپ باسقارۋدى سىناق ءتۇيىنى ەتىپ، بۇدان كەيىن ديقان جۇمىسكەرلەردىڭ ايلىعىن كەشىكتىرگەن قۇرىلىس كاسىپورىندارىن «قارا تىزىمدىككە» ەنگىزەتىن بولدى.

  ءۇرىمجى قالالىق ۇكىمەت جاقىندا «ءۇرىمجى قالاسىنىڭ قۇرىلىس سالاسىنىڭ ەڭبەك توقتامىن ەستەلىككە الۋ جانە ديقان جۇمىسكەرلەردىڭ ايلىعىن ناقتى اتىن قولدانىپ باسقارۋ قىزمەت جوباسىن» باسىپ تاراتىپ، ديقان جۇمىسكەرلەردىڭ ايلىعىن كەشىكتىرۋ ماسەلەسىن جان – جاقتىلى شەشۋدى ورتاعا قويىپ، ەڭبەك توقتامىن ەستەلىككە الۋ جانە ناقتى اتىن قولدانىپ باسقارۋ قىزمەتىن ورىستەتىپ، قۇرىلىس سالاسىندا ديقان جۇمىسكەرلەردىڭ ەڭبەكاقىسىن اي سايىن تاراتۋدى بىرتىندەپ جۇزەگە اسىرىپ، قۇرىلىس سالاسىنداعى ديقان جۇمىسكەرلەردىڭ زاڭدى ۇقىق – مۇددەسىنە زاڭ بويىنشا كەپىلدىك ەتەدى.

  جوبا بويىنشا، نەگىزگى كوتەرەگە الۋشى كاسىپورىن ادام كۇشى جانە قوعامدىق قامتاماسىزداندىرۋدى اكىمشىلىك جاقتان باسقارۋشى تاراۋلارعا ديقان جۇمىسكەرلەردىڭ ەڭبەكاقىسىنا كەپىلدىك ەتۋ سوماسىن تاپسىرۋدان بۇرىن، بەلگىلەنگەن بانكەمەن كەلسىمگە قول قويعان «ديقان جۇمىسكەرلەردىڭ ەڭبەكاقىسىن امانات بويىنشا ۋاكىلاتان تاراتۋ كەلىسىمىن»، «ديقان جۇمىسكەرلەردىڭ ەڭبەكاقىسىن تولەۋگە ارنايىلانعان بانكە ەسەپ ءنومىرىن اشتىرۋ ىسپاتىن» كورسەتۋى كەرەك. تارماقتاپ كوتەرەگە الۋشى كاسىپورىن ديقان جۇمىسكەرلەرگە بەلگىلەنگەن بانكەدەن ناقتى اتى بويىنشا ايلىق كارتۋچكاسىن ءبىتىرۋى كەرەك ءارى جۇمىسقا كەلۋ جاعدايىنا قاراي ەڭبەكاقىسىن اي سايىن ۋاقىتىندا تاراتۋى كەرەك.

  ۇعىسۋعا قاراعاندا، ديقان جۇمىسكەرلەردىڭ ەڭبەكاقسىن بانكە كارتۋچكاسىمەن تاراتۋ ءتۇزىمىنىڭ اتقارىلۋ جاعدايى قۇرىلىس كاسىپورىندارىنىڭ سەنىمدىلىگىن باعالاۋ مازمۇندارىنىڭ قاتارىنا قوسىلادى. سونىمەن قاتار، كەلەر جىلدان باستاپ، ەڭبەك توقتامىن ەستەلىككە الۋ جانە ناقتى اتىن قولدانىپ باسقارۋ قىزمەتىن ىستەمەي، ديقان جۇمىسكەرلەردىڭ ەڭبەكاقىسىن كەشىكتىرۋ ماسەلەسى ساقتالعان قۇرىلىس كاسىپورىندارىنىڭ بازارعا كىرۋى، مەردىگەرلىككە شاقىرىلۋ تولىمدىلىعى جانە جاڭادان سالىناتىن نىساننىڭ قۇرىلىسىن جۇرگىزۋگە رۇقسات ەتۋ كۋالىگى قاتارلىلارى زاڭ بويىنشا شەكتەمەگە ۇشىرايتىن بولادى.

  ديقان جۇمىسكەرلەردىڭ ۇقىق - مۇددەسىنە كەپىلدىك ەتۋ ءۇشىن، قۇرىلىس سالۋشى ورىندار ٴسوزسىز قۇرىلىس جالپى سوماسىنىڭ ءبىر ءبولىمىن ارنايى بانكە ەسەپ نومىرىنە اۋدارىپ، قۇرىلىس ورنى جۇمىسكەرلەردىڭ جۇمىس كۇشەمەلىلىگى، جۇمىسقا كەلۋى قاتارلى جاعدايلارعا قاراي ايلىق ەڭبەكاقىسىن ەسەپتەپ شىعىپ، ەڭبەكاقىنى بەلگىلەنگەن بانكە ديقان جۇمىسكەرلەردىڭ بانكە كارتۋچكاسىنا ەنگىزەدى دە، ديقان جۇمىسكەرلەر ەڭبەكاقىسىن بۇدان بىلاي جۇمىس كوتەرىپ الۋشىنىڭ قولىنان المايتىن بولادى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.