ءۇرىمجى قالاسى مەترو 3 -، 4 - لەنياسىنىڭ ورتاعا ىقپال جاساۋ باعالاۋى تۇڭعىش رەت جاريالاندى

2016.10.18 14:43   كەلۋ قاينارى : حالىق تورابى

　　حالىق تورابى، 18 – قازان، بەيجيڭ. ءۇرىمجى قالاسى مەترو 3 – لەنياسىنىڭ 1 - مەزگىلدەگى، 4 – لەنياسىنىڭ 1 - مەزگىلدەگى قۇرىلىس جوباسى جاسالدى، ەگەر ءسىز بۇل ەكى قۇرىلىستىڭ قاي جەرلەردى باسىپ وتەتىنىنە، ءسىزدىڭ تۇرمىس ورتاڭىزعا ىقپالى بولاتىن – بولمايتىنىنا كوڭىل بولسەڭىز، 22 – قاراشادان بۇرىن اۆتونوميالى رايوندىق ورتانى قورعاۋ مەڭگەرمەسىنە پىكىر بەرۋىڭىزگە بولادى.

　　جۋىقتا، شينجياڭ ۇيعۇر اۆتونوميالى رايوندىق ورتانى قورعاۋ مەڭگەرمەسىنىڭ تورابىندا ٴءۇرىمجى قالاسىنىڭ قالا رەلستى قاتىناس قۇرىلىس جوباسىنىڭ (2016 − 2021 – جىلدار) ورتاعا جاسايتىن ىقپالىن باعالاۋعا جۇرتشىلىقتىڭ قاتىناسۋىن تۇڭعىش رەت جاريالادى.

　　جاريالاعان مالىمدەمەدە كورسەتۋىنشە، 3 – لەنيانىڭ 1 – مەزگىلدەگى قۇرىلىسىنىڭ جالپى ۇزىندىعى 22.30 كيلومەتر بولىپ، 19 بەكەت قۇرىلادى، سايباق رايونى مەن جاڭا قالا رايونىن تۇتاستىرىپ، لەنيا ساڭفاڭگوۋ كوشەسى، ياشان سولتۇستىك كوشەسى، چاڭجياڭ كوشەسى، ياڭزىجياڭ كوشەسى، دوستىق كوشەسى، چاڭچۇن وڭتۇستىك كوشەسىن بويلاپ وڭتۇستىكتەن سولتۇستىككە قاراي ورنالاسادى.

　　4 – لەنيانىڭ 1 – مەزگىلدەگى قۇرىلىسىنىڭ جالپى ۇزىندىعى 18.50 كيلومەتر بولىپ، 15 بەكەت قۇرىلادى، اتالعان لەنيا تەمىر جول مەكەمەسى، جاساندى سەرىك الاڭى قاتارلى جۇرگىنشىلەر كوپ جەردى تۇتاستىرىپ، جاڭا قالا رايونىنداعى شىعىس، باتىس باعىتقا قاتىنايتىن نەگىزگى جۇرگىنشىلەر كاريدورىنداعى قىسىمدى جەڭىلدەتەدى. لەنيا جيۋحۋاشان شىعىس كوشەسى، بەي – ىر كوشەسى، جاساندى سەرىك كوشەسى، حىنان باتىس كوشەسى، حىنان شىعىس كوشەسى، چيداۋان كوشەسىن بويلاپ شىعىستان باتىسقا قاراي ورنالاسادى.

　　ەگەردە ءسىزدىڭ ءۇيىڭىز مەترو لەنياسىنىڭ بويىندا بولىپ، مەترونىڭ تۇرمىسىڭىزعا ىقپال ەتۋىنەن الاڭداساڭىز نەمەسە ورتانى قورعاۋ جاعىندا بەرەر كەڭەسىڭىز بولسا، 22 – قاراشادان بۇرىن، تەلەفون، فاكس، ەلەكتروندىق پوچتا، حات ارقىلى قۇرىلىس جۇرگىزۋشى ورىن مەن ورتاعا جاسايتىن ىقپالىن باعالايتىن ورىندارعا پىكىرىڭىز بەن اقىل - كەڭەسىڭىزدى بەرۋىڭىزگە بولادى.

　　كەلۋ قاينارى: حالىق تورابى