بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

وڭتۇستىك اۆياتسيا سەرىكتىگى شينجياڭنان ۇشقىش قابىلدايدى

بۇكىل شينجياڭدا 12 ورىننان تىزىمدەلۋگە بولادى

2016.10.21 13:48     كەلۋ قاينارى : حالىق تورابى

  حالىق تورابى، 21 – قازان، بەيجيڭ. 14 – قازان، ءتىلشىنىڭ وڭتۇستىك اۆياتسيا سەرىكتىگىنىڭ شينجياڭ بولىمشە سەرىكتىگىنەن ۇعىسۋىنشا، وڭتۇستىك اۆياتسيا سەرىكتىگىنىڭ 2017 – جىلعى شينجياڭنان ۇشقىش قابىلداۋ قىزمەتى 20 – قازاندا رەسمي باستالادى.

  بۇل رەتكى ۇشقىشتىققا قابىلداۋ وبيەكتىلەرى شينجياڭ ۇيعۇر اۆتونوميالى رايونىنىڭ مەملەكەتتىك ادەتتەگى جوعارى مەكتەپكە قابىلداۋ ءبىرتۇتاس ەمتيحانىنا قاتىناساتىن ءارى ەمتيحاندى حانزۋ تىلىندە تاپسىراتىن وقۋشى قابىلداۋ جوسپارىنداعى قوعامدىق ءپان، جاراتىلىستىق ءپان بىتىرەتىن تولىق ورتا مەكتەپتىڭ ۇل وقۋشىلارى، شەتەل ءتىلى اعىلشىن ءتىلى بولۋى كەرەك. جاس شەكتەمەسى 16 جاستان 20 جاس ارالىعىندا (1997 – جىلى 1 – قىركۇيەك پەن 2001 – جىلى 31 – تامىز ارالىعىندا تۋىلعان)، بويىنىڭ بيىكتىگى 168 سانتيمەتردەن تومەن بولماۋى، ۇيلەنبەگەن ءارى حالىقتىق اۆياتسيانىڭ ۇشقىشتىققا قابىلداناتىن وقۋشىلاردىڭ دەنە تۇرقىن باعالاۋ ولشەمى مەن سالاۋاتىن تەكسەرۋ تالابىنا سايكەس كەلەتىن بولۋى كەرەك.

  ۇعىسۋعا قاراعاندا، بۇل رەتكى تىزىمدەلۋ ۋاقىت شەگى 2 اي بولىپ، 20 – جەلتوقساندا تىزىمدەلۋ اياقتايدى. تالاپقا ۇيلەسەتىن وقۋشىلار وقىپ جاتقان مەكتەبىندە تىزىمدەلىپ، مەكتەپتى بىرلىك ەتە وتىرىپ «ۇشقىشتار ينستيتۋتى ەمتيحانىنا تىزىمدەلەتىن وقۋشىلاردىڭ تىزىمدىگىن» تولتىرادى. ۇشقىشتىققا قابىلداۋ بارىسى ۇگىتتەۋ، تىزىمدەلۋگە تانىستىرۋ، سارالاۋ - العاشقى تەكسەرۋ، دەنساۋلىق تەكسەرۋ باعالاۋى (پسيحولوگيالىق ساراپتامانى قامتيدى)، سالاۋاتىن تەكسەرۋ، مادەنيەت ەمتيحانى، دەنساۋلىعىن قايتالاي تەكسەرۋ، جوعارى مەكتەپ ەمتيحانىنان ٴءوتىپ قابىلدانۋ قاتارلى 8 بۋىندى قامتىپ، سوڭىندا قابىلدانعان وقۋشى جۇڭگو حالىقتىق اۆياتسيا ۇشقىشتار ينيستيتۋتىنا نەمەسە بەيجيڭ اۆياتسيا ۋنيۆەرسيتەتىنە وقۋعا تۇسەدى. قابىلدانعان وقۋشى نازاريالىق ۇيرەنۋىن، ۇشۋعا جاتتىعۋ پراكتيكاسىن اقىرلاستىرىپ، ۋنيۆەرسيتەتتىڭ تولىق كۋرس مەكتەپ ٴبىتىرۋ كۋالىگى جانە سايكەستى ۇشقىش كۋالىگىن العاننان كەيىن، وڭتۇستىك اۆياتسيا سەرىكتىگىنە قىزمەتكە ورنالاسادى.

  بۇل رەتكى تىزىمدەلۋ قىزمەتىن وڭتۇستىك اۆياتسيا سەرىكتىگىنىڭ شينجياڭ بولىمشە سەرىكتىگى ۇيىمداستىرىپ جۇرگىزەدى، ءۇرىمجى، سانجى، شىحىزى، كۇيتۇن، قارامايلى، بۇراتالا، قۇلجا، شاۋەشەك، التاي، كورلا، اقسۋ، قۇمىل قاتارلى جەرلەر نەگىزگى وقۋشى قابىلداۋ ورنى بولىپ، شينجياڭنىڭ باسقا رايوندارىنداعى حالىقتىق اۆياتسيا ىستەرىنە قىزىعاتىن وقۋشىلاردىڭ دا تىزىمدەلۋىنە بولادى، 3806952، 3804016، 3804017 - 0991 نومىرلەرىنە حابارلاسىپ اقىل – كەڭەس سۇراۋىنا بولادى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.