بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

جىل سوڭىنان بۇرىن مىناداي ءتورت وزگەرىس تۇرمىسىڭىزعا ىقپال جاسايدى

2016.11.23 14:16     كەلۋ قاينارى : حالىق تورابى

  حالىق تورابى، 23 – قاراشا، بەيجيڭ. جۇڭگو اقپارات تورابىنىڭ حابارى نەگىزىندە اۋدارىلدى. 2016 – جىلدى اتتاندىرۋعا ءبىر ايدان استام عانا ۋاقىت قالسا دا، جىل سوڭىنا دەيىن تۇرمىسىڭىزعا ىقپال ەتەتىن ءبىراز وزگەرىستەر بولادى.

  ءبىر بانكەنىڭ وزىنەن سىرت جەرگە اقشا جىبەرسەڭىز اقى الىنبايدى

  ورتالىق بانكەنىڭ قىركۇيەكتىڭ سوڭىندا جاريالاعان «اقى تولەۋدى باسقارۋدى كۇشەيتىپ، تەلەگراف – عالامتوردان پايدالاناتىن زاڭعا قايشى جاڭا تۇرپاتتى قىلمىستىق ىستەردەن ساقتانۋعا قاتىستى ىستەر تۋرالى ۇقتىرۋىنا» نەگىزدەلگەندە، 2016 – جىلى 1 – جەلتوقساننان باستاپ، بانكە سالاسىنداعى فينانس قۇرىلىمدارى جەكەلەرگە بانكە ەسەپ ءنومىرىن اشقاندا، ءبىر ادام ءبىر بانكەدەن I تۇرىندەگى ەسەپ نومىرىنەن تەك بىرەۋىن عانا اشا الادى، I تۇرىندەگى ەسەپ ءنومىرىن اشتىرىپ بولعاندار جاڭا ەسەپ ءنومىرىن اشتىرماق بولسا، وندا II نەمەسە III تۇرىندەگى ەسەپ ءنومىرىن اشتىرۋى كەرەك.

  سونىمەن بىرگە، ءبىر ادام ءبىر بانكەدەن I تۇرىندەگى ەسەپ نومىرىنەن تەك بىرەۋىن عانا اشا الاتىندىقتان، جەكەلەردىڭ سىرت جەردەگى تۇرمىس قاجەتىنە قولايلى بولۋ ءۇشىن، وسى ۇقتىرۋدا بانكەلەر بۇرىن ءوزىنىڭ ىشكى جاعىندا سىرت جەرلەردە بانكەدەن اقشا شىعارۋ، سىرت جەرگە اقشا جىبەرۋ قىزمەتتەرىنە اقى الاتىن، بانكەلەر وسى ۇقتىرۋ شىعارىلعاننان كەيىن 3 اي ىشىندە اقى الماۋدى اتقارۋىن تالاپ ەتكەن.

  ATM ماشيناسى ارقىلى اقشا اۋدارساڭىز، 24 ساعات ىشىندە كۇشىنەن قالدىرۋعا بولادى

  ورتالىق بانكەنىڭ جوعارىدا جاريالاعان ۇقتىرۋىنا نەگىزدەلگەندە، 2016 – جىلى 1 – جەلتوقساننان باستاپ، ءوزىنىڭ سول بانكەدەگى نومىرىنە اقشا سالۋدان سىرت، اۆتوماتتى تەكشەلىك ماشينادان (باسقا دا اقشا شىعارۋ جانە سالۋ يقۋاتىنا يە اۆتوماتتى قۇرىلعىلاردان) اقشا اۋدارعاندا، كارتۋچكا تاراتۋشى بانكە 24 ساعاتتان كەيىن عانا اقشانى جوتكەيدى.

  ۇقتىرۋدىڭ تالابى بويىنشا، كارتۋچكا تاراتۋشى بانكە اقشا اۋدارۋ قىزمەتىن قابىلداعاننان كەيىن 24 ساعات ىشىندە اقشا اۋدارۋشى بانكەدەن اقشا اۋدارۋ قىزمەتىن كۇشىنەن قالدىرۋدى تالاپ ەتۋىنە بولادى. قابىلداۋشى بانكە قابىلداۋ ناتيجەسى كورسەتىلەتىن بەتتە اقشا اۋدارۋ قىزمەتىنىڭ ۋاقىتى مەن كۇشىنەن قالدىرۋعا بولاتىن ۋاقىت جايلى انىق ەسكەرتۋ بەرۋى كەرەك.

  نەلىكتەن جەكەلەردىڭ ATM ارقىلى اقشا اۋدارۋ ۋاقىتى اقشا جولدانعاننان كەيىن 24 ساعاتتان سوڭ قارسى جاقتىڭ ەسەبىنە جازىلاتىن بولىپ وزگەرتىلدى؟ ورتالىق بانكەنىڭ جاۋاپتى ادامىنىڭ ايتۋىنشا، بۇل شارا ارقىلى اقشانىڭ الدامشىلاردىڭ قالتاسىنا ءتۇسىپ كەتۋىنەن ساقتانۋعا بولادى، ءبىراق، جەكەلەردىڭ قالىپتى كاسىبىنە ازداپ ىقپال ەتەتىنى ءارى بانكەنىڭ قىزمەتىن دە بەلگىلى دەڭگەيدە كۇردەلىلەستىرەتىنى شىندىق.

  پويەز بەلەتىنە تاپسىرىس بەرۋ ۋاقىتى ۋاقىتشا 30 كۇنگە وزگەرتىلەدى

  جىل سوڭى تاياعاندىقتان، پويەز بەلەتى بۇقارانىڭ نازار اۋداراتىن تۇيىندەرىنىڭ ءبىرى بولىپ وتىر. ەسكەرۋگە ءتيىستى ءىس: 30 – جەلتوقساننان باستاپ، پويەز بەلەتىنە تاپسىرىس بەرۋ ۋاقىتى 60 كۇننەن 30 كۇنگە قىسقارتىلادى.

  جىل سوڭىنان بۇرىن تەلەفون ءنومىرىن شىن اتى بويىنشا ءبىتىرۋ مولشەرى %100كە جەتەدى

  تەلەفون ءنومىرىن شىن اتى بويىنشا تىزىمگە الدىرماعاندار نازار اۋدارىڭىزدار! ەڭ جوعارى حالىق سوتى، ونەركاسىپتەندىرۋ – ينفورماتسيالاندىرۋ مينيسترلىگى قاتارلى 6 تاراۋ قىركۇيەكتە «تەلەگراف پەن عالامتوردان پايدالانعان الدامشىلىق قىلمىسىنا سوققى بەرۋ جانە ودان ساقتانۋ تۋرالى ۇقتىرۋدى» تاراتىپ، تەلەگراف تاراۋلارىنان (جىلجىمالى حابارلاسۋ سەرىكتىگىنەن قىزمەت وتەۋ ۇقىعىن ساتىپ العان كاسىپورىنداردان) قولفون تۇتىنۋشىلاردى شىن اتى بويىنشا تىزىمگە الۋ ءتۇزىمىن قاتاڭ اتقارۋدى، 2016 – جىلدىڭ قازان ايىنان بۇرىن تەلەفون ءنومىرىن شىن اتى بويىنشا تىزىمگە الدىرۋ مولشەرىن %96كە جەتكىزۋدى، جىل سوڭىنان بۇرىن %100كە جەتكىزۋدى تالاپ ەتكەن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.