- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ديماشتىڭ «وپەرا 2» ءانىن ورىنداۋىنا بايلانىستى اۆتورلىق ۇقىققا قول سۇعىلدى دەلىنۋدە، العاشقى ورىنداۋشى ۆيتاس ادۆوكات حاتىن جىبەردى
اۋەلگى تاقىرىبى: ۆيتاس ادۆوكات حاتىن جىبەرىپ، ديماشتىڭ «وپەرا 2» ءانىن ورىنداۋىنا تيىم سالدى
اۆتورى شۇي نيڭ «اقپاراتتىق تاڭعى گازەتتەن» اۋدارعان سەنبەك اۋەسقان ۇلى
2017.02.04 15:56
دۇنيە جۇزىندە سيرەك كەزدەسەتىن كونترالتو داۋىسىمەن حۋنان جاساندى سەرىك تەلەۆيزياسىنىڭ «مەن ءانشىمىن» ءان بايقاۋىندا ەلدى جالت قاراتقان قازاقستاندىق جاس ءانشى ديماش قۇدايبەرگەنوۆ 31 – قاڭتاردا ءانشى ۆيتاس جاعىنان جولدانعان ادۆوكات حاتىن تاپسىرىپ الدى.
ۆيتاس: ديماشتىڭ ءتول شىعارماسى بولۋىن ءۇمىت ەتەمىن
حۋنان جاساندى سەرىك تەلەۆيزياسىنا جولدانعان وسى حاتتا بىلاي دەلىنگەن: «28 – قاڭتاردا تاراتىلعان ‹مەن ءانشىمىن› باعدارلاماسىندا ديماش قۇدايبەرگەنوۆ <وپەرا 2> ءانىن ورىنداپ جارىسقا ءتۇستى، ءان تەلەۆيزيا، عالامتور تەكشەسى ارقىلى كەڭ كولەمدە تاراتىلدى. ۆيتاس جانە ونىڭ دەمەۋشىسى پۋدوۆكين كوپتەگەن كورەرمەننىڭ <وپەرا 2> انىنە قىزىعۋىنا تۇسىنىكپەن قاراپ، كەڭ قولدىق ىستەپ، كونسەرتتىڭ ۇقىققا قول سۇعۋ ارەكەتىن قۋزاعان جوق. الايدا حۋنان جاساندى سەرىك تەلەۆيزياسى 30 – قاڭتاردا تاراتقان «دۇنيە جۇزىندەگى جۇڭگولىق مۇھاجىرلاردىڭ، جۇڭگولىقتاردىڭ كوكتەم مەرەكەسىن قارسى الۋ بىرلەسپە ساۋىق كەشىندە» ديماش <وپەرا 2> ءانىن قايتالاي ورىنداپ، اقپارات تەكشەلەرى جاعىنان تاعى دا كەڭ كولەمدە تاراتىلدى». (تۇسىنىك: «وپەرا 2» ـ ۆيتاستىڭ 18 جاسىندا شىعارعان ءانى، 19 جاسىندا كرەمل سارايىندا ورىنداپ كورەرمەندەردى تاڭ قالدىرعان. قازىر بۇل ءاننىڭ اۆتورلىق ۇقىعى رەسەيدەگى پۋدوۆكين دىبىس – بەينە تاسپالارىن جاساۋ ورتالىعىنا ءتان.)
ۆيتاستىڭ ادۆوكاتى بىلاي دەدى: ءبىزدىڭ ۇقىققا سۇعاناقتىق جاساۋدى تۇراقتاندىرۋداعى نەگىزىمىز مىنالار: «ادەبيەت – كوركەمونەر تۋىندىلارىن قورعاۋ جونىندەگى بەرن شارتىنىڭ» 2 – تارماعىنىڭ 1 – تارماقشاسىندا بىلاي دەپ بەلگىلەنگەن: «ادەبيەت – كوركەمونەر تۋىندىلارى، مەيلى ونىڭ بەينەلەۋ ءتاسىلى نەمەسە فورماسى قالاي بولسىن، عىلىم جانە ادەبيەت – كوركەمونەر سالاسىنداعى بارلىق تۋىندىنى قامتيدى، مىسالى، ءسوز قوسىلعان نەمەسە قوسىلماعان مۋزىكا ...»؛ 5 – تارماعىنىڭ 1 – تارماقشاسىندا بىلاي دەپ بەلگىلەنگەن: «وسى شارتتىڭ قورعاۋىندا بولاتىن تۋىندىلار جونىنەن ايتقاندا، اۆتور تۋىندى جاراتىلعان مەملەكەتتەن وزگە وسى شارتتى جاساسقان وداقتاس ەلدەردە وسى ەلدىڭ زاڭى ءوز ازاماتتارىنا قازىر بەرگەن جانە مۇنان كەيىن بەرۋى مۇمكىن بولعان ۇقىقتاردان يگىلىكتەنەدى»، سونداي – اق «جۇڭحۋا حالىق رەسپۋبليكاسىنىڭ اۆتورلىق ۇقىق زاڭىنىڭ» 48 – تارماعىنداعى بەلگىلەمەلەر.
ادۆوكاتتىڭ حاتىندا بىلاي دەلىندى: ديماش ۇقىق بەرىلىپ، رۇقسات ەتىلمەگەن جاعدايدا «وپەرا 2» ءانىنىڭ ءسوز، مۋزىكا ۇقىعىن ءوز بەتىمەن پايدالانىپ، ۇقىققا سۇعاناقتىق جاساپ، ۆيتاسقا، پۋدوۆكينگە ناشار ىقپال تۋدىردى. حۋنان جاساندى سەرىك تەلەۆيزياسى مەن ديماش جاقتىڭ ادۆوكاتتىڭ حاتىن تاپسىرىپ العان سوڭ ۇقىققا سۇعاناقتىق جاساۋ ارەكەتىن دەرەۋ توقتاتۋلارىن، «دۇنيە جۇزىندەگى جۇڭگولىق مۇھاجىرلاردىڭ، جۇڭگولىقتاردىڭ كوكتەم مەرەكەسىن قارسى الۋ بىرلەسپە ساۋىق كەشى» كونسەرتىندەگى «وپەرا 2» ءانىنىڭ تاراتىلۋىن توقتاتۋىن، «وپەرا 2» ءانىن قامتىعان ءارقانداي ماتەريالدى قايتارىپ الۋىن جانە ءوشىرۋىن تالاپ ەتەمىز. بۇدان تىس، زاڭ بويىنشا ۇقىق الماۋ العى شارتىندا ديماشتىڭ «وپەرا 2» ءانىنىڭ سوزىمەن، مۋزىكاسىمەن قاتىستى ءارقانداي ۇقىق جۇرگىزۋىنە بولمايدى، بۇل ءاندى ەندىگارى اشىق ورتادا ورىنداۋىنا، كونسەرت نومىرلەرىن جاساۋ بارىسىندا وسى اننەن پايدالانۋىنا بولمايدى.
ديماش «مەن ءانشىمىن» باعدارلاماسىندا بوي كورسەتكەن سوڭ، ميكروبلوگتا تۇراقتى نازار اۋدارۋشىلارى لەزدە ءبىر ميلليوننان استى، سەرىكتىكتەردىڭ جارناماعا شاقىرۋى دا قاۋىرت باستالدى. كەيبىرەۋلەر ديماش اسقان تالانتتى ءانشى دەپ قارايدى، كوپ ساندى كورەرمەن ونىڭ ونەرىنە ءتانتى بولىپ ماداق جاۋدىرادى. سوندىقتان كەيبىر ءان اۋەسكەرلەرى ونى ونەر جاعىنان ۆيتاسپەن سالىستىرادى.
ديماش كەزىندە ەكى رەت بىلاي دەگەن: مەنىڭ ەكىنشى ۆيتاس دەپ اتالعىم كەلمەيدى، ويتكەنى مەن «وپەرا 2» ءانىن ۆيتاستان ەكى تون جوعارى ايتا الامىن. وسى ءسوز بەلگىلى دارەجەدە ۆيتاستىڭ كوپتەگەن جاقتاۋشىلارىنىڭ قارسىلىعىن تۋدىرعان.
بۇل جونىنەن ۆيتاس اقپارات دانەكەرىنىڭ تىلشىلىگىن قابىلداعاندا بىلاي دەگەن: ءوزىم ديماشتىڭ اندەرىن ەستىگەنمىن، ول وتە جاس، توتەنشە ونەرلى، «وپەرا 2» ءانىن دە جاقسى ايتادى، الايدا ونىڭ ءتول ءانىن ەستىگەن ەمەسپىن، بۇل جاعىنان بىردەڭە دەۋ قيىن، الداعى جەردە ءتول تۋىندىلارىنىڭ بولۋىن ءۇمىت ەتەمىن.
ۆيتاسپەن سالىستىرعاندا، ونىڭ دەمەۋشىسى پۋدوۆكين ءتىپتى دە قىزىنىپ ءجۇر، ءتىلشىنىڭ حات ساندىق ارقىلى جاساعان تىلشىلىگىن قابىلداعاندا ول حۋنان جاساندى سەرىك تەلەۆيزياسىنىڭ ارەكەتىن ەرەكشە ۇيلەسىمسىز بولدى دەپ باعالادى. ول بىلاي دەدى: «باعدارلامانى جاساۋعا قاتىناسقان تەلەۆيزيا ستانسياسى مەن مۋزىكا قيمىلى ساۋداگەرلەرى مىنانى ءبىلىپ قويۋعا ءتيىس، ديماش ۆيتاستىڭ مۋزىكاسىن ورىنداپ شىققان بۇل باعدارلامالاردىڭ بارلىعى زاڭسىز، ەگەر رەسەيدە بولسا، مەن ءبىر اي ىشىندە ونى جۇرتتىڭ كوزىنەن تاسا ەتەر ەدىم، سونداي – اق قىرۋار تولەم الار ەدىم».
حۋنان جاساندى سەرىك تەلەۆيزياسى ءالى جاۋاپ قايتارعان جوق
بۇل جونىندە ديماشتىڭ دەمەۋشى سەرىكتىگىندەگى جاۋاپتى قىزمەتكەر بىلاي دەدى: ادۆوكات قازىر دەمالىپ جاتىر، قازىرشە جاۋاپ بەرە المايدى. حۋنان جاساندى سەرىك تەلەۆيزياسى دا جاۋاپ قايتارمادى. الايدا ديماش تەلەۆيزوردا: بۇل ءاندى ءوز قالاۋىممەن ايتقان جوقپىن، ــ دەدى. ءبىر حاباردا ايتىلۋىنشا، ديماش «دۇنيە جۇزىندەگى جۇڭگولىق مۇھاجىرلاردىڭ، جۇڭگولىقتاردىڭ كوكتەم مەرەكەسىن قارسى الۋ بىرلەسپە ساۋىق كەشىندە» «وپەرا 2» ءانىن ورىنداۋدى جوسپارلاماعان، ءاندى باعدارلاما گرۋپپاسى ۇسىنىس قويعان سوڭ قايتادان تاڭداعان.
ءبىر كاسىپتىك قايراتكەر بىلاي دەدى: ءانشىنىڭ تەلەۆيزيانىڭ ءان باعدارلاماسىنا قاتىناسۋىنىڭ ءوزى ــ قايشىلىقتى جاعداي، ويتكەنى ايتاتىن ءاننىڭ بارلىعىن تەلەۆيزيا بەلگىلەيدى، ءانشى دەمەۋشى سەرىكتىكتىڭ سىزىعىمەن ءجۇرۋى كەرەك، مۇندايدا ءانشى ءوزىنىڭ مۋزىكالىق دارىنىن تولىق بەينەلەي المايدى. مىنە، بۇل ــ پۋدوۆكيندى الاڭداتىپ وتىرعان ماسەلە، ەگەر ىشكى ولكەلەردە ساۋدالىق كونسەرتتەردە بولسا، كوپتەگەن ۇيىمداستىرۋشى جاقتىڭ ديماشتان «وپەرا 2» ءانىن ايتۋدى نەمەسە ۆيتاسقا قانىق تۋىندىلاردى ورىنداۋدى تالاپ ەتۋى ابدەن مۇمكىن، بۇل ۆيتاسقا وراسان زور زيان تۋدىرماق. قازىر ۆيتاستىڭ رەسەيدەگى كونسەرتتەرى ناۋرىز ايىنىڭ سوڭىنا دەيىن ءتىزىلىپ بولدى، ول ساۋىردە جۇڭگوعا كەلىپ كونسەرت قويادى. پۋدوۆكين: «ءبىزدىڭ جاسىمىز ۇلعايدى، دەسە دە بارىنشا قۇلشىنامىز» دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
