- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قيىنشىلىققا ۇشىراعان جاندارعا شۋاق شاشتى
2017.02.09 14:54
«<جان قىسىلعاندا جاقىنىن تابادى› دەگەن عوي، ىشكى ولكەدەن كەلىپ، كومىر كەن جۇمىسشىسى بولىپ، وسى جۇمىستىڭ جاپاسىن تارتسام دا، وتباسى ءال – اۋقاتىمدى قايتسەم جاقسارتام، بالا ـ شاعامدى قايتسەم الاڭسىز تۇرمىسقا كەنەلتەمىن، ەلدىڭ الدىندا ۇيالماي جۇرەتىن كۇن قاشان تۋادى دەگەن اسقاق ارمان جانىمدى جەگىدەي جەپ ءجۇردى. تۇنىمەن كومىر كەندە ىستەپ، كۇندىز تەرى، ءجۇن الىپ، ءبىر اي جيناعان قوي ءجۇنى مەن ەشكى ءتۇبىتىن اۋدان قالاشىعىنا ساتقالى بارىپ، ساۋداگەر تابا الماي ارى – بەرى شاپقىلاپ جۇرگەنىمدە، نىلقى اۋدان قالاشىعىنان نۇرمامەت روزىموللا دەگەن ۇيعۇر ازاماتتى تاۋىپ الىپ، جاقىن ءبىر دوس تاپقانىما توبەم كوككە جەتكەندەي قۋاندىم. اكەلگەن زاتتارىمدى ەشنارسەگە قاراماستان 10 مىڭ يۋانعا باعالاپ، قولىما ناق اقشا ساناپ بەرگەندە، قالتامنىڭ قامپايعانىنا ءماز بولىپ قايتتىم»، ـ دەدى ليۋ جياكۇن كەشىرمەلەرىن ەسكە الىپ.
ليۋ جياكۇن نىلقى اۋدانى قۇجىرتاي اۋىلى ۇلانبۇلاق قىستاعىنىڭ ەگىنشىسى بولاتىن. 1983 ـ جىلى ناۋرىزدا وسى قىستاققا ىرگە تەپكەننەن كەيىن شينجياڭنىڭ ءىس جۇزىندىگىنە ۇيلەسۋ ءۇشىن مال باعۋ، ەگىن ەگۋ، مال بورداقىلاۋ جاعىنداعى تەحنيكالىق جۇمىستارعا يكەمى جوق ەدى، اۋەلى مۇنداي جۇمىستاردى ءتۇسىنىپ تە كەتپەيتىن. وسىنداي جاعدايدا جۇمىسىما كومەك قولىڭىزدى بەرىڭىزشى، مەن دە مال الىپ، مال بورداقىلاپ ساتىپ، تۇرمىسىمدى جاقسارتسام دەپ نۇرمامەتتى ىزدەپ بارادى. نۇرمامەت ءارى – ءسارى بولماستان ۇيىنە باستاپ بارىپ، ءوزىنىڭ مال بورداقىلايتىن قوراسىن، مال بورداقىلاۋدىڭ ءجون ـ جوسىعىن ابدەن كورسەتىپ تۇسىندىرەدى. سودان ليۋ جياكۇن 1985 ـ جىلى ماۋسىمدا نۇرمامەتتى 25 كيلومەتر شالعايداعى ۇيىنە ەرتىپ بارىپ، ودان قاي جەرگە قورا سالاتىنىن، مالدى قالاي بورداقىلايتىنىن سۇرايدى. ول 200 شارشى مەترلىك قورانىڭ شەرتوجىن سىزىپ، كورسەتىپ بەرەدى. سونىمەن قورانى ءبىتىرىپ، 15 توننا ءشوپ، 10 توننا جەم، 2 توننا تۇز ازىرلەپ، 20 تۇياق قوي ساتىپ الىپ بورداقىلايدى دا، ساتۋعا بولادى ـ اۋ دەگەن كەزدە نۇرمامەت روزىموللانى تاعى شاقىرىپ ءجون سۇرايدى. نۇرمامەت وعان اقىل - كەڭەسىن بەرىپ، ءجون كورسەتەدى. مالىن التى اي بورداقىلاعان سوڭ نۇرمامەتتى ەرتىپ كەلىپ وعان مالىن ساتىپ بەرۋدى ايتادى. نۇرمامەت ونىڭ مالىن 20 مىڭ يۋان پايداسىنا ساتىپ بەرىپ، وسى اقشاعا تاعى 30 باس تايىنشا ساتىپ الىپ، قوراسىنا سالىپ بەرەدى. تايىنشالار 4 اي بورداقىلانعان سوڭ، 30 مىڭ يۋان پايداسىنا تاعى ساتىپ بەرەدى. وتكەن جىلى ليۋ جياكۇن 70 تۇياق قوي ساتىپ الىپ باعىپ، 40 مىڭ يۋان كىرىس ەنگىزەدى.
ليۋ جياكۇن كەيىنگى شارۋالارى جونىندە: «وسى جۇمىسىمدى ءتىپتى دە كولەمدەندىرىپ، جىلقى باعىمشىلىعىمەن شۇعىلدانايىن دەپ، 2016 ـ جىلى جەلتوقساندا نىلقى اۋداندىق امانات ـ قارىز كووپەراتيۆىنەن 150 مىڭ يۋان قارىز الۋعا بارسام، كووپەراتيۆ كەپىل ادام تاۋىپ كەلۋىمدى ايتتى. سونان تۋىسىم بولىپ كەتكەن نۇرمامەت روزىموللاعا بارىپ جاعدايىمدى ايتىپ ەدىم، ءۇيىن كەپىلگە قويىپ، 150 مىڭ يۋان قارىز اقشا الىپ بەردى. بۇعان 80 باس قۇنان الىپ بورداقىلاۋدى جوسپارلاپ وتىرمىن.
تۋىسىم روزىموللانىڭ كومەگىندە مال بورداقىلاۋدىڭ قىرى مەن سىرىن يگەرىپ الدىم. 31 جىلدان بەرى ەكى وتباسى تاتۋ – ءتاتتى بولىپ، ارالاسىپ، <الىستاعى تۋىستان جاقىنداعى كورشى ارتىق> دەگەندەي، ۇلتتار ىنتىماعىنىڭ بەرەكەلى شاڭىراعىنا اينالىپ وتىرمىز. 1997 ـ جىلى مامىردا نۇرمامەت روزىموللا جۇبايى ەكەۋى ۇلكەن كۇبىگە سالىنعان پەكىس گۇلىن الىپ ءبىزدىڭ وتباسىمىزعا كەلىپتى، وسىنشا اۋرە بولعاندارىڭىز نە؟ - دەسەم، _ بۇل ەكى وتباسى اراسىنداعى دوستىقتىڭ سيمۆولى، وسى گۇلدى جاقسىلاپ باعىڭىزدار، ءبىز ۇيعۇر ۇلتى گۇلدى وتە جاقسى كورەمىز، _ دەگەن سوڭ سول گۇلدى كۇنى بۇگىنگە دەيىن جاقسى باعىپ، كوز قاراشىعىمىزداي قورعاپ كەلەمىز»، - دەدى.
نۇرمامەت روزىموللا نىلقى اۋدانىنىڭ نىلقى قالاشىعىنداعى 8 ۇلتتان قۇرام تاپقان 4 ـ تۇرعىندار كوميتەتىنە قاراستى مەشىتتىڭ زاڭدى ۋاكىلى. ول 1984 ـ جىلدان بەرى مەشىتتى زاڭ بويىنشا باسقارىپ، پارتيانىڭ ۇلت، ءدىن ساياساتىن بۇقاراعا ۇگىتتەۋگە جاۋاپتى بولۋمەن بىرگە، مەشىتكە گازەت ـ جۋرنالدار جازدىرىپ، بۇقارانى پارتيانىڭ زاڭ ـ ساياساتتارىنان حاباردار ەتىپ وتىرعاندىقتان، ول باسقارعان مەشىت 2003ـ جىلدان بەرى اۋدان، وبلىس، اۆتونوميالى رايون، مەملەكەت جاعىنان «ۇلتتار ىنتىماعىنداعى قوس بەستە جاقسى مەشىت»، «ۇلتتار ىنتىماعىنداعى ۇزدىك كوللەكتيۆ» بولىپ 12 رەت سيلانعان. ال نۇرمامەتتىڭ ءوزى قازىرگە دەيىن قيىنشىلىققا ۇشىراعان 23 ادامعا قول ۇشىن بەرىپ، جالپى 30 مىڭ يۋان جىلۋ اتاپ، بۇقارانىڭ العىسىن العان ازامات ەكەن.
نۇرمامەت ءبىر سوزىندە: «مەن باسقالارعا جاقسىلىق ىستەۋدى بورىشىم دەپ بىلەمىن. ويتكەنى جوقشىلىقتىڭ زاردابىن ابدەن تارتقان جانمىن. وزىمدە بار نارسەنىڭ باسقالاردا دا بولۋىن ءۇمىت ەتەمىن. سوندىقتان دا باسقالارعا قول ۇشىن بەرگىم، ولار ءۇشىن قىزمەت ەتكىم كەلىپ تۇرادى»، ـ دەدى. بەيسەنباي ساۋىت ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
