- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مۇيىزدەن ءمۇسىن جاساۋدىڭ شەبەرى نۇرلانجان
اقىلباي مۇقامەتالي ۇلى (ءوز ءتىلشىمىز )
2017.02.15 13:43
كۇنەس اۋدانى سوربۇلاق قالاشىعى سوربۇلاق قىستاعىنىڭ تۇرعىنى نۇرلانجان تۇرسىنبەك ۇلى -اۋىل – قىستاقتار كەرەكسىز زات سانالاتىن ءمۇيىز بەن اعاش تامىرلارىنان ءمۇسىن جاساپ كادەگە جاراتقان ونەرلى ازامات. ول وسى ونەرىمەن كاسىپتەندى، بۇل كۇندەرى ونىڭ ادەمى مۇسىندەلگەن ءار تۇردەگى ساندىك بۇيىمدارى ونىڭ شەبەرلىگىن ايگىلەدى، ارنايى تاپسىرىس بەرىپ، ساتىپ الاتىندار كوبەيدى.
جاس ءمۇسىنشى نۇرلانجاننىڭ اتا – اناسى - سوربۇلاق قىستاعىندا ەگىن سالىپ، قوسىمشا باعىمشىلىقپەن شوعىلداناتىن قاراپايىم ەگىنشىلەر، اكەسى تۇرسىنبەك ايگىلى كۇيشى، كومپوزيتور ءاشىم دۇڭشى ۇلىنىڭ نەمەرەسى بولىپ، ول ءوز كەزىندە اعاش اربا، اعاش ىدىس – اياق، دومبىرا جاسايتىن تانىمالى ۇستا بولاتىن. نۇرلانجان سول ونەرلى اكەنىڭ جولىن قۋىپ، ونەگە الىپ ءوستى. «اكە كورگەن وق جونار» دەمەكشى، ول 2005 – جىلى نارات قالاشىعىندا تۇراتىن دۋبەك دەگەن مۇسىنشىدەن مۇيىزدەن ءمۇسىن جاساۋ ونەرىن 4 جىلداي ۇيرەنگەن سوڭ، 2010 – جىلدان باستاپ ءوز الدىنا ءمۇسىن ويىپ، سيىردىڭ، قوشقاردىڭ، تەكەنىڭ جانە ءتۇرلى اڭداردىڭ مۇيىزىنەن ساندىك، كورىنىستىك بۇيىمدار مەن ساياحات بۇيىمدارىن جاساپ ساتتى. ول مۇسىندەپ جاساعان ساندىك بۇيىمدارىن ىلە وبلىسىنا توتە قاراستى ورىنداردىڭ قولونەر بۇيىمدارى كورمەسىنە تالاي رەت قاتىناستىردى. ايتالىق، ونىڭ مۇيىزدەن جاساعان توتىقۇستىڭ، ءساندى دە ىقشامدى دومبىرانىڭ، ۇشار بالىقتىڭ، كوركەم قالامساۋىتتىڭ مۇسىندەرى 2012 – جىلى ىلە وبلىستىق مادەنيەت مەكەمەسى ۇيىمداستىرعان قولونەر بۇيىمدارى كورمەسىندە « ۇزدىك تۋىندى » بولىپ باعالاندى. ول 2013 – جىلى ىلە وبلىسى جاعىنان وتكىزىلگەن جەكە كاسىپكەرلەردىڭ جىلدىق باعالاۋىندا « كاسىپتەنۋدىڭ ەگەيى »، كۇنەس اۋدانى جاعىنان « ون تاڭداۋلى كاسىپتەنۋدىڭ شەبەرى » بولىپ ماراپاتتالدى. مۇنان تىس، ونىڭ ءتۇرلى اڭداردىڭ مۇيىزىنەن جاساعان بيىكتىگى 1.40 مەتر، ەنى 1.20 مەتر كەلەتىن ۇلكەن ايداعار ءمۇسىنى 2014 – جىلى ىلە وبلىستىق ساياحات مەكەمەسى وتكىزگەن قولونەر بۇيىمدارى كورمەسىندە «ىلە تاڭداۋلى ساياحات قولونەر بۇيىمى» سيلىعىن الدى. ول بۇل الىپ ايداعاردىڭ ءمۇسىنىن 16 مىڭ يۋانعا ساتتى.
بەس ساۋساعىنان ونەر تالعان بۇل شەبەر ءمۇسىنشى قولونەرىن ءتىپتى دە دامىتىپ، كاسىپ كولەمىن كەڭەيتۋ ءۇشىن 2015 – جىلى قازاقستانعا بارىپ ءبىر جىلداي ارناۋلى اعاششىلىق ونەرىن ۇيرەندى. قازاقستاننان قايتىپ كەلگەن سوڭ، 2016 – جىلى ءوز اۋلاسىنان اعاش ىدىس – اياق جاسايتىن شەبەرحانا قۇردى، بۇعان جالپى 50 مىڭ يۋان قارجى جۇمساپ ەلەكتر سۇرگى، ەلەكتر بۇرعى، اعاش قالىپتاۋىش، شاڭ سورعىش سياقتى اعاششىلىققا قاجەتتى جابدىقتاردى ساتىپ الدى. قازىر بۇل كاسىپكەر اق قايىڭ، جابايى تال، جابايى ءجۇزىم اعاشتارىنان ۇلتتىق مۋزىكا جابدىقتارىنىڭ مودەلى، اعاش استاۋ، اعاش تەگەنە، اعاش ساپتاياق سياقتى 70 نەشە ءتۇرلى قولونەر بۇيىمىن جاساپ، ونى ىلە وبلسىنا توتە قاراستى ورىنداردا التاي، كۇيتۇن، موري سياقتى اۋدان، قالالاردا تولايىم جانە بولشەك باعادا ساتۋدا. مۇنان تىس، ول جاڭادان اشىلعان «مەيىر عالامتور» سەرىكتىگى ارقىلى ونىمدەرىن تانىستىرىپ، توردا تاپسىرىس بەرگەن الارمانداردىڭ تالابى بويىنشا دا ءونىم وندىرەدى.
بۇل كۇندەرى ونىڭ شەبەرحاناسىندا ءۇش قىزمەتكەر ءار ايدا ەكى مىڭ يۋان مولشەرىندە ەڭبەكاقى الىپ جۇمىس ىستەيدى. ايىنا 10 مىڭ يۋان مولشەرىندە كىرىس كىرگىزىپ وتىرعان ول قازىرگە دەيىن 10 نەشە ءمۇسىنشىنى تاربيەلەپ جەتىلدىردى. مۇسىنشىلىك پەن اعاششىلىق ونەردى قاتار يگەرگەن نۇرلانجان تۇرسىنبەك ۇلى ءوزىنىڭ كاسىپتەنۋ بارىسى تۋرالى توقتالعاندا: «باستابىندا وزىمدە دۇكەن بولماعاندىقتان جاساعان مۇسىندەرىمدى نەگىزىنەن باسقالاردىڭ دۇكەنىنە قويىپ ساتاتىنمىن، ءبىراق، تاپقان تابىستىڭ كوبى ارالىقتاعى ساۋداگەرلەردىڭ قالتاسىندا كەتەتىن، بىلتىردان باستاپ ءوز الدىما شەبەرحانا قۇرىپ دۇكەن اشقان سوڭ، پايدا تۇگەل وزىمدە قالىپ، كىرىسىم جاقساردى. ەندىگى جەردە شەبەرحانانى ارناۋلى كاسىپورىن ەتىپ قۇرىپ، ماركا الىپ، قولونەر بۇيىمدارىمدى قوراپتاپ بازارعا شىعارۋدى جوسپارلاپ وتىرمىن. وسى كاسىپكە قارجى قوسىپ كومەكتەسپەكشى بولعان قارجىگەرلەر بولسا، ولاردى قارسى الامىن» دەدى.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
