ۇستىرتتە تاۋىس ءوسىرۋشىنىڭ ارمانى
_ موڭعۇلكۇرە اۋدانى ۇزىنبۇلاق اۋىلىنداعى اۋىلعا قايتىپ كاسىپ جاراتقان ستۋدەنت سۇن جياڭمەي جونىندە
2017.03.20 14:48
1997–جىلى سۇن جياڭمەي ءوزىنىڭ جوعارى مەكتەپ وقۋ ارمانىن جۇزەگە اسىرا الماي، ادەتتەگى تەحنيك جۇمىسشىلار مەكتەبىنە وقۋعا تۇسەدى. جوعارى مەكتەپ ەمتيحانىنداعى ساتسىزدىك ونى بۇدان كەيىنگى ءومىر جولىن قالاي باسۋ جونىندە ەرىكسىز تولعاندىردى. سونىمەن ول ءوزىنىڭ باعىمشىلىق پەن ەكپەشىلىك كاسىبىنە دەگەن قىزىعۋشىلىعىنان مەكتەپ بىتىرگەن سوڭ وسى سالادان ۇلكەن ءىس تىندىرۋ بەكىمىنە كەلدى. ءبىراق ءومىر جولى بۇرالاڭ دەگەندەي ول مەكتەپ بىتىرگەن سوڭ ءوزىنىڭ يگىلىك جاراتۋ ارمانىن توقتاتا تۇرىپ، تۇرمىس قۇرىپ، پەرزەنتتى بولىپ، قاراپايىم تۇرمىس كەشىرەدى. 2008–جىلدىڭ ءبىر كۇنى ول ورتالىق تەلەۆيزياسىنىڭ 7–ارناسىندا كۇندەلىكتى تاراتىلىپ جاتاتىن «اۋقاتتانۋ جولى» ايدارشاسىنان تاۋىس باعىمشىلىعى جونىندەگى حاباردى كورگەننەن كەيىن كوكەيىنە تاعى ءبىر رەت اسقاق ارمان ۇيالايدى.
2009–جىلى ول ءوزىنىڭ تاۋىس باعىمشىلىعىمەن شۇعىلدانۋ ويىن جۇبايىنا ايتقان كەزدە بۇكىل وتباسىنداعىلار قارسى تۇردى، جۇبايى اشۋلى تۇردە وعان «موڭعۇلكۇرەنىڭ اۋا رايى ءبىرشاما سۋىق، تاۋىستى قالاي باعۋعا كەلەدى»–دەگەندى ايتادى. الايدا وتباسىنداعىلاردىڭ تويتارىسى ونىڭ جىگەرىن مۇقالتا المادى. سونىمەن سۇن جياڭمەي 20 مىڭ يۋان اقشاعا يۇننان ولكەسىنىڭ شيشۋاڭباننا دەگەن جەرىنەن 50 تاۋىس بالاپانىن ەنگىزەدى. ءبىراق تاجىريبەنىڭ كەمشىلدىگىنەن قىس ماۋسىمى كىرە سالىسىمەن تاۋىس پالاپانىنان تەك ون نەشەسى عانا ءتىرى قالادى. ونىڭ ۇستىنە اۋلانىڭ تارلىعى، تاۋىس سانىنىڭ كوپتىگى دە ولاردىڭ ولۋىنە سەبەپشى بولدى. تاجىريبە ساباق قورىتىندىلاعاننان كەيىن ول جياڭشيدان تاعى 50 تاۋىس بالاپانىن العىزادى، تاۋىستىڭ ومىرشەڭدىك قۋاتىن ارتتىرۋ ءۇشىن سۇن جياڭمەي موڭعۇلكۇرە اۋدانى ءناسىلدى جىلقى فەرماسىنىڭ اۋىل–قىستاعىنان 3 مۋ جەر ساتىپ ارناۋلى باعىمشىلىق بازاسىن قۇرادى ءارى تاۋىستارعا ارناۋلى قىستان شىعاتىن ءۇي سالعىزادى. ول ۇزدىكسىز ىزدەنىس جاساۋ ارقىلى تاۋىس باعىمشىلىعى تەحنيكاسىن نەگىزىنەن يگەرىپ بولادى. سونىمەن بىرگە، موڭعۇلكۇرەنىڭ ءۇستىرتتى اۋارايىنىڭ تاۋىس باعىمشىلىعىنا ەرەكشە ۇيلەسەتىندىگىن، دەرت–دەربەزدەن ساقتانۋىنا ءتيىمدى ەكەنىن بايقايدى.
تاۋىستار كۇن ساناپ جەتىلىپ كەلە جاتقانىمەن، قيىنشىلىق بارعان سايىن كوبەيە بەرەدى. ايتالىق، بىرىنشىدەن، تاۋىس اسا كىرپياز قۇس، ونىڭ قاناتى بىلعانىپ قالسا، ونىڭ كوڭىل كۇيى مەن دەنساۋلىعىنا ىقپال جاسايدى. ەكىنشىدەن، تاۋىس 10 مەتردەن جوعارى ۇشا الاتىندىقتان، تاعىلىق قاسيەتى باسىم بولىپ، ازىراق ساڭلاۋ بولسا بولدى ۇشىپ شىعىپ كەتەدى. ۇشىنشىدەن، تاۋىستىڭ جۇمىرتقالاۋى از بولىپ، ءبىر تاۋىس ءبىر جىلدا تەك 30 داي جۇمىرتقا تابادى. ونىڭ ۇستىنە تاۋىس بيىك جەرلەردە جۇمىرتقا باسقاندى جاقسى كورەتىندىكتەن جۇمىرتقا جەرگە ءتۇسىپ شاعىلىپ كەتۋ حاۋىپى دە كۇشتى. تورتىنشىدەن، تاۋىستىڭ بالاپان باسىپ شىعارۋىنا دا شارت–جاعداي قاجەت، بالاپان باسقاندا ىڭعايلى جىلى تەمپەراتۋرانى قاجەت ەتەتىندىكتەن، تەمپەراتۋرا تۇراقتى بولماسا بالاپان باسىپ شىعارۋى دا قيىن بولادى. بەسىنشىدەن، تاۋىستار ءبىر–بىرىمەن وڭاي قاقتىعىساتىندىقتان، جارالانۋ جاعدايى كوپ تۋىلادى. وسىنداي قات–قابات قيىنشىلىقتارعا ءدوپ كەلگەن سۇن جياڭمەي ءار كۇنى تاۋىس باعىمشىلىعىنا قاتىستى كىتاپتاردى كورىپ، توردان قاتىستى ماتەريالداردى قاراستىرىپ، تاجىريبەلى تەحنيكتەردى ۇسىنىس ەتىپ، اقىرى قيىن ماسەلەلەردى شەشۋدىڭ جولىن تاپتى.ول ءار كۇنى تاۋىس ساڭعىرىعىن تازالاپ، قورانىڭ ءىشىن دەزينفەكسيالاپ، جەم مەن سۋدى قاتار دايىنداپ تۇردى؛ جۇمىرتقانىڭ شاعىلۋ حاۋىپىن ازايتۋ ءۇشىن جەرگە قالىڭ قۇم شاشىپ قويدى؛ تاۋىستاردىڭ قاقتىعىسىپ قالۋ حاۋىپىن ازايتۋ ءۇشىن ولاردى ءبىر – بىرىنەن وڭاشالاپ باعۋ ءادىسىن قولداندى، ياعني ەركەك تاۋىستارعا ۇيلەسىمدى سايكەستىرۋ جۇرگىزىپ، ولاردى قىرعاۋىلمەن ارالاستىرىپ باقتى، مۇنداي بولعاندا قاقتىعىسىپ قالۋدىڭ الدىن الۋعا بولادى. سۇن جياڭمەي توردان تاۋىستىڭ بالاپان باسىپ شىعارۋ ۋاقىتىنىڭ 28 كۇن، ال تاۋىقتىڭ بالاپان باسىپ شىعارۋ ۋاقىتىنىڭ 21 كۇن ەكەنىن تەكسەرىپ–انىقتاعاننان كەيىن، جۇرەكتىلىكپەن اسا باعالى تاۋىستىڭ جۇمىرتقاسىن مەكيەننىڭ باسىپ شىعارۋىنا بەردى. 21 كۇن تولعاندا مەكيەن بۇرىنعىسىنداي قورادان كەتەتىندىكتەن، ول تاعى دا باسقا مەكيەندەردى اكەپ جالعاستى بالاپان باستىردى. ەڭبەگى باردىڭ ونبەگى بار دەگەندەي، ءبىر جىلدا مەكيەن ارقىلى 50 تاۋىس بالاپانىن باستىرىپ شىعاردى.
ۇزدىكسىز قۇلشىنۋ مەن ىزدەنۋدىڭ ارقاسىندا سۇن جياڭمەي اۋلادا تاۋىس باعۋ مەن تاۋىستا بولاتىن دەرت–دەربەزدەن عىلمي ساقتانۋدىڭ ءتۇرلى تەحنيكالارىن تولىق يگەرىپ بولدى. ەندىگى ساتىدا باعىمشىلىق كولەمىن قالاي كەڭەيتۋ جونىندە تولعاندى، ايتارعا وڭاي بولعانىمەن مۇنىڭ دا وزىندىك قيىنشىلىعى بولدى. قارجىنىڭ تاپشىلىعى، ادام كۇشىنىڭ جەتىسپەۋى ونىڭ باسىن ابدەن قاتىردى. وسىنداي شەشۋشى ساتتە موڭعۇلكۇرە اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى سۇن جياڭمەيگە 400 مىڭ يۋاندىق شاعىن سومالى كەپىلدىك قارىز اقشا بەرىپ، ونىڭ قيىن وتكەلدەن وتۋىنە كومەكتەستى. نەشە ون جىل تاۋىس باعىمشىلىعىمەن شۇعىلدانۋىنىڭ ارقاسىندا ونىڭ باققان تاۋىسىنىڭ سانى بۇرىنعى 10 نەشە دەن 300 گە كوبەيدى. قاجىرلى قۇلشىنىسى ارقىلى ەكونوميكالىق ونىمدىلىككە قول جەتكىزدى.
ءبىر تاۋىستىڭ ءبىر جىلدىق جەمىنە كەتەتىن اقشا 100 يۋاننان اسپايدى، تاۋىستىڭ ءجۇنىنىڭ ءار كيلوگرامىن 200 يۋانعا ساتۋعا بولادى، ەگەر، بازارعا سالىناتىن ەتتى تاۋىستان بىرەۋىن باقسا بۇل 10 تاۋىق باققانمەن بارابار. بۇدان تىس، تاۋىستىڭ قاۋىرسىنىنان اشەكەي بۇيىمدارىن جاساۋعا بولادى. ءبىر تاۋىستىڭ ءجۇنىنىڭ وزىنەن ءبىر جىلدا 500 يۋان كىرىس كىرگىزۋگە بولادى. تاۋىس باعىمشىلىعىمەن شۇعىلدانۋدىڭ ەڭ پايدالى جەرى تاۋىس ۇلگىسىن جاساۋ، ونى ۇيگە قوياتىن بولسا ادەمى كورىنەدى، 3 جاسار تاۋىستان ۇلگى جاساۋعا بولادى، ونىڭ كەيبىرەۋىن 10 مىڭ يۋانعا ساتۋعا بولادى.
ءوزىم اۋقاتتانسام اۋقاتتانعان ەسەپ بولمايدى، قايتا شارۋالاردى اۋقاتتانۋعا قاراي باستاسام عانا اۋقاتتانعان بولامىن. مەيلى تاۋىس باعىمشىلىعىمەن شۇعىلدانۋ ويى بارلار بولسىن، مەيلى تاۋىس بالاپانى مەن جۇمىرتقاسىن ساتىپ العالى كەلگەندەر بولسىن، سۇن جياڭمەي ولارعا تەحنيكالىق جاقتان اقىسىز قىزمەت وتەدى. بيىل كوكتەمدە ول باعىمشىلىق بازاسىندا تاعى تۇيە قۇس، مىسىر تاۋىعى، حانىشا تاۋىق، جابايى ۇيرەك سياقتى ەرەكشە قۇس تۇرلەرىن باقتى. تاۋىسپەن قاتار باسقا دا كاسىپتەردى قاتار دامىتۋ ءۇشىن ول ورايدى دەركەزىندە مىقتى يگەرىپ، ەرەكشە باعىمشىلىق پەن اس–سۋ كاسىبىن قاتار جۇرگىزىپ، «تاۋىس باقشاسى» شارۋالار شاتتىعى ساياجايىن قۇردى. ساياحاتتىڭ قاۋىرت مەزگىلىندە ونىڭ باقشاسىنا كەلىپ سيرەك كەزدەسەتىن قۇس تۇرلەرىن تاماشالايتىن ساياحاتشىلاردىڭ اياعى ۇزىلمەدى. بۇگىنگى كۇنى ونىڭ ساياجايىندا جەرگىلىكتى ورىنداعى تۇرعىنداردان 20 ادام قىزمەت ىستەپ كاسىپتەنىپ وتىر. سۇن جياڭمەيدىڭ قۇرعان بازاسى ماڭايىنداعى تۇرعىنداردى كەدەيلىكتەن ارىلتىپ اۋقاتتانۋعا باستايتىن نەگىزگى ارناعا اينالدى. تاۋىس باعىمشىلىعى سۇن جياڭمەيدىڭ تاعدىرىن وزگەرتىپ قانا قالماستان، جەرگىلىكتى شارۋالارعا دا كوپتەگەن تيىمدىلىكتەر جەتكىزدى.
كاسىپ اشۋ _ ۇزاق ۋاقىتتىق جول. الايدا سۇن جياڭمەي ءوزىنىڭ دۇرىس باعىتىن تاپتى، ونىڭ بۇدان كەيىن دە كوپتەگەن جەتىستىكتەرگە قول جەتكىزەتىنە سەنىمىمىز كامىل. شۇي جيڭجيڭ
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
