«وردانى» وڭعا باستىرعان جەلەكتى
اقىلباي مۇقامەتالي ۇلى
2017.04.06 15:00
ءۇي اشەكەيلەۋ كاسىبى ۇلتىمىز كاسىپكەرلەرى ءالى دە ەركىن كىرىسە قويماعان اقتاڭداق كاسىپتەردىڭ ءبىرى. وسىنداي تىڭ كاسىپكە جول سالعان ىسكەر جەلەكتىلەردىڭ ءبىرى قۇلجا قالاسىنىڭ تۇرعىنى كۇلاش دالەلقان قىزى. جەتى جاسىندا اكە – شەشەسىنەن بىردەي ايىرىلعان ول اجەسىنىڭ كومەگىندە حانزۋشا 8– كلاسقا دەيىن عانا وقي الدى. تولىقسىزدى تاۋىسقان سوڭ جانباعىس ءۇشىن قۇلجا قالاسىنداعى ءۇي اشەكەي ماتەريالدارى سەرىكتىگىندە كوپ جىل ءۇي اشەكەي ماتەريالدارىن ساتىپ جۇمىس ىستەدى. وسىنداي قارا جۇمىس ىستەپ وتباسىن اسىراۋمەن بىرگە، وزىنەن كەيىنگى ىنىلەرى مەن سىڭلىلەرىن جوعارى مەكتەپتەردە وقىتتى. قىزمەتكە ورنالاستىردى. ول ءۇي اشەكەي ماتەريالدارىن ساتۋ بارىسىندا ءۇي اشەكەيلەۋ كاسىبىنىڭ قىرى مەن سىرىنا قانىعا ءتۇستى، ءۇي اشەكەيلەۋگە قانداي ماتەريال ىستەتىلەتىندىگىن، قانداي ماتەريالداردىڭ ساپالى، جارامدى بولاتىندىعىن، ءۇي اشەكەيلەۋ كاسىبىنىڭ بولاشاعى بارلىعىن سەزگىرلىكپەن باعامداپ، وعان تەرەڭ سۇيىسپەنشىلىك ورناتتى، تۇراقتى كاسىپ ەتىپ ۇستاۋعا بەل بۋدى. سونىمەن مۇنى 2000– جىلدان 2005– جىلعا دەيىن شينجياڭ ءۇي اشەكەيلەۋ شۋەيۋانىندا ءوز قاراجاتىمەن ءۇي اشەكەيلەۋ، جوبالاۋ كاسىپتەرىن ۇيرەندى.
ادەتتەگى زات ساتۋشىدان ءوز الدىنا كاسىپتەنۋگە ءورىس اشقان كۇلاش ۇرىمجىدەن ارناۋلى ءۇي اشەكەيلەۋ كاسىبىن ۇيرەنىپ كەلگەن سوڭ 2006– جىلى ءوز الدىنا ءۇي اشەكەي ماتەريالدارى دۇكەنىن اشتى. ءبىراق ءۇي اشەكەيلەۋ ماتەريالدارىنىڭ ساتىلۋى ءبىرشاما باياۋ بولىپ، كوپ ۋاقىت اقشا ۇستاپ تۇراتىندىقتان، كەيىن «وردا ءۇي اشەكەيلەۋ ورتالىعىن» قۇرىپ، ءۇي اشەكەيلەۋ، ءۇي اشەكەيلەۋدى جوبالاۋ سىندى جۇمىستارمەن شۇعىلداندى. ماتەريال ساپاسىنا كەپىلدىك ەتىپ، تۇتىنۋشىلاردىڭ سەنىمىنە يە بولۋ ءۇشىن، ءۇي اشەكەيلەۋگە قاجەتتى ماتەريالداردىڭ دەنىن ىشكى ولكەلەردەگى ءۇي اشەكەيلەۋ ماتەريالدارىن وندىرەتىن ءىرى زاۆودتاردان ارناۋلى بۇيىرتىپ العىزدى. قازىر بۇل ورتالىقتا ەلەكتر جولى، اعاششى، سىرشى، سۋ قۇبىرى، فارفور شىنى توسەۋ، ءۇي قابىرعالارىن اعارتىپ، ءتۇستى قاعاز جاپسىرۋ سىندى التى جۇمىس تۇرىندە 40 حانزۋ جۇمىسكەر ءار ايدا ورتا ەسەپپەن 7 – 8 مىڭ يۋان ەڭبەكاقى الىپ جۇمىس ىستەيدى. ءوز كۇشىنە سۇيەنىپ قۇرعان بۇل «وردا ءۇي اشەكەيلەۋ ورتالىعىنىڭ» جۇمىس ءتارتىبىن شىپ – شىرعاسىن شىعارماي اسا ۇقىپتىلىقپەن باسقارىپ وتىرعان ايەل قوجايىن كۇلاش قول استىنداعى جۇمىسكەرلەردى شەبەرلىكپەن ىستەتىپ، ولاردىڭ قولونەرىنەن يكەمدىلىكپەن پايدالانا ءبىلدى. ءۇي اشەكەيلەۋ ءۇشىن الدىن - الا جار سالىپ جارناما بەرىپ، قۇلاقتاندىرۋ شىعارعان جوق، قايتا جۇمىس ساپاسى مەن جۇمىس ونىمدىلىگىن جاقسارتۋ ارقىلى قاريدارلاردى وزىنە باۋرادى. مۇندا، ول «وردا ءۇي اشەكەيلەۋ ورتالىعىنىڭ» قىزمەت وتەۋ ساپاسىن بارىنشا جاقسارتتى، ءۇي اشەكەلەۋگە سەنىمدى، ساپالى، كورىنىسى ادەمى ماتەريالداردى پايدالاندى، جۇمىس كوتەرىپ الۋدىڭ جاۋاپكەرشىلىگىن كۇشەيتىپ، جۇمىسكەرلەردىڭ ىستەپ جاتقان جۇمىسىنا بولعان تالاپتى جوعارىلاتتى. ءۇي اشەكەيلەۋدىڭ ساپا جاعىنداعى سەنىمدىلىگى كۇشتى بولعاندىقتان، وعان ىلە وبلىسىنا توتە قاراستى 8 اۋدان، ءبىر قالادان ادەيى ىزدەپ كەلىپ، ءۇي اشەكەيلەتەتىندەر بارعان سايىن كوبەيىپ، جىلىنا 100 دەن استام ءۇيدى اشەكەيلەيتىن دەڭگەيگە جەتكەن.
ول ءاربىر ءۇيدى تۇرعىنداردىڭ كوڭىلىندەگىدەي كوركەم ەتىپ اشەكەيلەۋمەن بىرگە، اعاش تەگەنە، اعاش شىنى، اعاش وجاۋ سىندى اعاش ىدىس – اياقتاردى، قالقان، شوقپار، قامشى سىندى ەجەلگى قارۋلاردى، قوبىز، سىبىزعى، سىرناي، دومبىرا تەكتەس ءداستۇرلى مۋزىكا اسپاپتارىن، تۇسكيىز، اياققاپ، بەسقالتا، كەستەلى سومكە، ۇكىلى تاقيا سىندى ۇلتىمىزدىڭ كەستەلى قولونەر بۇيىمدارىن ساتاتىن ارناۋلى دۇكەن اشىپ، حالقىمىزدىڭ ءداستۇرلى بەيزاتتىق مادەني مۇرالارىن جۇرتقا جاريا ەتتى. بۇل قولونەر بۇيىمدارىنىڭ كوبىن قازاقستان، قىرعىزستان ەلدەرىنەن ەنگىزدى. ول وسى ۇلتتىق ونىمدەردەن ايىنا 5 مىڭ يۋان تازا پايدا تابۋدا. وندا ەكى قىزمەتكەر ەڭبەگىنە قاراي ءتيىستى ەڭبەكاقىلارىن الىپ، ۇلتتىق قولونەر بۇيىمدارى مەن ۇلتتىق مۋزىكا اسپاپتارىن ساتۋمەن اينالىسادى ەكەن. كۇلاش ءوزىنىڭ بەيزاتتىق مادەني مۇرا تۇرىندەگى بۇل ءداستۇرلى ۇلتتىق بۇيىمداردى بازارعا سالۋداعى ماقساتى جونىندە توقتالعاندا: «قازىر ادامداردا ءداستۇرلى ۇلتتىق قولونەر بۇيىمدارىنا ءبىر ءتۇرلى قىزىعاتىن، ونى ارناۋلى ساتىپ الىپ مۇرا رەتىندە ۇيىندە ساقتاپ قوياتىن جاقسى داعدى قالىپتاستى. بۇل تۇرعىنداردىڭ ۇلتتىق قولونەر بۇيىمدارىنا بولعان سۇرانىسىن ارتتىردى. تاعى ءبىر جاعىنان، ءوزىم اشەكەيلەگەن ءار بىر جانۇيادا قازاقى اعاش ىدىس – اياقتار مەن كەستە بۇيىمدارىنىڭ بولۋىن، ونى تۇتىنۋىن، كەيىنگى ۇرپاقتارعا مۇرا ەتىپ جالعاستىرۋىن ءۇمىت ەتتىم. دۇكەنىمىزدەگى ۇلتتىق قولونەر بۇيىمدارىن ۇلتىمىز الارماندارىنان تىس، باسقا ۇلت الارماندارى، اسىرەسە، حانزۋ جولداستار كوبىرەك الادى، مۇندا، ساياحات مەرەكەسى مەزگىلىندە ەرەكشە ءوتىمدى بولۋدا. بۇدان حالقىمىزدىڭ ءداستۇرلى ۇلتتىق قولونەر بۇيىمدارى باسقا ۇلت ۋاكىلدەرىن دە باۋراپ وتىرعاندىعىن بايقاۋعا بولادى»، - دەدى.
بۇل جارتى الەم سانالاتىن جەكەلتىلەر قاۋىمى قول سالىپ ىستەۋگە باتىلدىق ەتە بەرمەيتىن كۇردەلى كاسىپ − ءۇي اشەكەيلەۋ ونەرىن مۇقيات يگەرىپ، قاريدارلاردىڭ جۇرەك تۇكپىرىنەن ورىن العان كۇلاش دالەلقان قىزى ەندىگى جەردە «وردا ءۇي اشەكەيلەۋ ورتالىعىنىڭ» كولەمىن ءتىپتى دە كەڭەيتىپ، ونى ورتالىقتان ارناۋلى سەرىكتىك ەتىپ قۇرىپ، جۇمىس ونىمدىلىگىن ءتىپتى دە جوعارىلاتۋدى، ءۇي اشەكەيلەۋ ونەرىن ۇيرەنگىسى كەلگەن ۇلتىمىز جاستارىنان كوپتەپ شاكىرت تاربيەلەۋدى كوزدەپ وتىر ەكەن.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
