«1 – مامىر» دەمالىسىنان كەيىن مىناداي وزگەرىستەر سىزگە ىقپال ەتەدى
2017.05.03 14:44 كەلۋ قاينارى : حالىق تورابى
«1 – مامىر» دەمالىسى كوزدى اشىپ جۇمعانشا وتە شىقتى، مەزەتتىك دەمالىستان كەيىن قايتادان قىزمەتكە كىرىسىپ كەتكەن بولارسىز. دەمالىستان كەيىن مىناداي 10 جاقسى حاباردى ءبىلىپ قويعانىڭىز ءجون.
ءبىرىنشى، ءۇش ءىرى حابارلاسۋ سەرىكتەستىگى اقىنى ارزانداتادى
جۇڭگو جىلجىمالى حابارلاسۋ سەرىكتەستىگى
2017 – جىلى 1 – مامىردان باستاپ، جۇڭگو جىلجىمالى حابارلاسۋ سەرىكتەستىگى 21 مەملەكەت پەن رايونعا الىس ارالىقتى تەلەفون اقىسى مينۋتىنا 6.88 يۋان نەمەسە مينۋتىنا 1.88 يۋاننان مينۋتىنا 49 تيىنعا دەيىن ارزانداتىلادى، 49 مەملەكەت پەن رايونعا الىس ارالىقتى تەلەفون اقىسى مينۋتىنا 6.88 يۋان نەمەسە 1.88 يۋاننان مينۋتىنا 99 تيىنعا دەيىن ارزانداتىلادى. سونىمەن بىرگە، «ءبىر بەلدەۋ، ءبىر جول» بويىنداعى بارلىق 64 مەملەكەت پەن رايونعا حالىقارالىق رايون اتتاعان تەلەفون اقىسى 99 تيىنعا ارزانداتىلادى؛ 53 مەملەكەت پەن رايونعا حالىقارالىق رايون اتتاعان تور اعىمى اقىسى 30 يۋان \ 60 يۋان \ 90 يۋاندىق كۇندىك شەكتەۋسىز تور اعىمىنا وزگەرتىلەدى.
جۇڭگو تەلەگراف حابارلاسۋ سەرىكتەستىگى
جۇڭگو تەلەگراف حابارلاسۋ سەرىكتەستىگى 1 – مامىردان باستاپ 73 مەملەكەت پەن رايونعا الىس ارالىقتى تەلەفون اقىسىن تومەندەتىپ، ورتا ەسەپپەن %90 ارزانداتىپ، بۇكىلدەي ءبىر يۋاننان تومەن دەڭگەيگە تۇسىرەدى، مۇندا ا ق ش، كانادا، تايلاند، مالايزيا، گەرمانيا قاتارلى 24 باعىتتا تەلەفون اقىسى مينۋتىنا 49 تيىنعا تومەندەتىلەدى، اۆستراليا، جاڭا زەللانديا، يندونەزيا، سايبان، فرانسيا قاتارلى 49 باعىتتا تەلەفون اقىسى مينۋتىنا 99 تيىنعا ارزاندايدى.
جۇڭگو بىرلەسپە حابارلاسۋ سەرىكتەستىگى
جۇڭگو بىرلەسپە حابارلاسۋ سەرىكتەستىگى دە «ءبىر بەلدەۋ، ءبىر جول» بويىنداعى مەملەكەتتەر مەن ءتۇيىندى باعىتتارداعى مەملەكەتتەرگە الىس ارالىقتى تەلەفون اقىسىن تومەندەتەدى، مۇندا 25 مەملەكەت پەن رايونعا تەلەفون اقىسىن مينۋتىنا 49 تيىنعا تومەندەتەدى، ەڭ الدىمەن شياڭگاڭ، ا ق ش، كانادا قاتارلى نەگىزگى مەملەكەتتەر مەن رايوندارعا 1 – مامىردان باستاپ اتقارادى. 1 – ماۋسىمنان باستاپ، حالىقارالىق رايون اتتاعان تور اعىمى اقىسىن اناعۇرلىم ارزانداتىپ، تور اعىمىنىڭ ەكى ءتۇرلى كۇندىك جيناقتاماسىن ىسكە قوسىپ، مۇندا 130 مەملەكەت پەن رايون قامتىلادى، تۇتىنۋشىلار زاكاز ەتپەي – اق 5 يۋانمەن باستالاتىن تور اعىمى جيناقتاماسىنا يە بولادى، بۇل اقى پايدالانۋىنا قاراي وزدىگىنەن جوعارىلاپ، ءار كۇنى تۇتىنۋى 25 يۋانعا نەمەسە 55 يۋانعا جەتكەندە تور اعىمى اقىسىن ونان ارى تەگىن ەسەپتەيدى، تور اعىمى شەكسىز بولادى.
ەكىنشى، قورا – جاي سالاسىندا بانكەدەن قارىز بەرۋدە «باعىتتامالى تۇردە ءوسىم قوسىلادى»
ۇعىسۋعا قاراعاندا، بەيجيڭدە جاڭا ۇيلەر مەن وتكەرمەلەنگەن ۇيلەرگە بانكەدەن قارىز بەرۋ شارتى اناعۇرلىم جوعارىلاتىلادى. 1 – مامىردان باستاپ، ءىشىنارا بانكەلەر جاڭا ءۇي مەن وتكەرمەلەنگەن ءۇيدى ءوز اتىندا تۇڭعىش رەت ساتىپ الۋشىلارعا قارىز بەرگەندە ولشەمدى ءوسىم مولشەرىن قولدانادى، ەكىنشى رەت ءۇي ساتىپ الۋشىلارعا ولشەمدى ءوسىم مولشەرى نەگىزىندە ءوسىم %20 جوعارىلاتادى. بۇل ورتالىق بانكەنىڭ قورا – جاي بازارىنا «باعىتتامالى تۇردە ءوسىم قوسۋ» شاراسىنىڭ باستالىپ كەتكەنىن كورسەتەدى.
ءۇشىنشى، «جۋىندى مايدى ىستەتۋگە» كۇش سالا سوققى بەرەدى
جۋىردا مەملەكەتتىك كەڭەس كەڭسەسى «‹جۋىندى مايدى› جونگە سالۋ قىزمەتىن اناعۇرلىم كۇشەيتۋ تۋرالى پىكىردى» تاراتىپ، «جۋىندى مايدى ىستەتۋگە» جالپى بەتتىك سوققى بەرۋدىڭ ۇزاق مەرزىمدىك مەحانيزمىنە ورنالاستىرۋ جاسادى.
ءتورتىنشى، تۇرعىنداردىڭ ەمدەلۋدى قامسىزداندىرۋىنا قازىنالىق كومەك 30 يۋان ارتتىرىلادى
ەڭبەككۇش بايلىعى جانە قوعامدىق قامتاماسىزداندىرۋ مينيسترلىگىنىڭ تورابىنىڭ حابارلاۋىنشا، ەڭبەككۇش بايلىعى جانە قوعامدىق قامتاماسىزداندىرۋ مينيسترلىگى مەن قازىنا مينيسترلىگى جۋىردا «2017 – جىلعى قالا – قالاشىق تۇرعىندارىنىڭ نەگىزدىك ەمدەلۋدى قامسىزداندىرۋ قىزمەتىن ويداعىداي ىستەۋ تۋرالى ۇقتىرۋدى» تاراتىپ، 2017 – جىلى تۇرعىنداردىڭ ەمدەۋ قامسىزداندىرۋىنا ءار دارەجەلى قازىنادان كىسى باسىنا بەرىلەتىن قازىنالىق كومەكتى 2016 – جىلعى نەگىزدە 30 يۋان ارتتىرىپ، ورتا ەسەپپەن ءار ادامعا جىلىنا 450 يۋانعا جەتكىزۋدى ورتاعا قويدى. مۇنان سىرت، 2017 – جىلى قالا – اۋىل تۇرعىندارىنىڭ ەمدەۋدى قامسىزداندىرۋىنا جەكەلەردىڭ اقى تاپسىرۋ ولشەمىن 2016 – جىلعى نەگىزدە 30 يۋان جوعارىلاتىپ، ورتا ەسەپپەن ءار ادامعا جىلىنا 180 يۋانعا جەتكىزەدى.
بەسىنشى، زەرتتەرمەندەردىڭ زەرتتەۋ قاراجاتى جوعارىلاتىلادى
عىلىم – تەحنيكا مينيسترلىگى جۋىردا جاريالاعان «‹13 – بەسجىلدىق› مەزگىلىندە مەملەكەتتىڭ عىلىم – تەحنيكا دارىندىلارىن جەتىلدىرۋ جوسپارىندا»، 2020 – جىلعا دەيىن، ەلىمىزدە دارىندىلاردى قارجىلاندىرۋدىڭ كوپ نەگىزدى مەحانيزمىن قۇرۋ ورتاعا قويىلعان، مەملەكەتتىك زەرتتەۋ جانە دامىتۋ سالاسىندا قىزمەتكەرلەردىڭ جىلدىق زەرتتەۋ قاراجاتى ورتا ەسەپپەن 2014 – جىلعى 370 مىڭ يۋاننان 500 مىڭ يۋانعا جوعارىلاتىلىپ، دامىعان ەلدەرمەن الشاقتىق اناعۇرلىم ازايتىلادى.
التىنشى، بۇكىل ەلىمىزدەگى ساياحات رايوندارىنىڭ حاۋىپسىزدىگىن وڭالتۋ ارەكەتىن ورىستەتەدى
مەملەكەتتىك ساياحات مەكەمەسىنىڭ 26 – ساۋىردە جاريالاۋىنشا، مامىردان قاراشاعا دەيىن، بۇكىل ەلىمىز بويىنشا ساياحات رايوندارىندا اۆتوكولىك مايعا الۋ، حاۋىپتى نىسانداردى تەكسەرۋ، كورىنىس رايوندارىندا ساياحاتشىلار مولشەرىن تەجەۋ جانە شەكارادان شىعىپ ساياحاتتاۋ حاۋىپسىزدىگىنە كەپىلدىك ەتۋ قاتارلى جاقتاردا ساياحات حاۋىپسىزدىگىن وڭالتۋ ارەكەتىن ورىستەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
