شينجياڭ ءوندىرىس – قۇرىلىس بيڭتۋانى 3 – ديۆيزياسى 2 – مال فەرماسى 3 – ليانىنىڭ ليانجاڭى ليۋ چياندۇڭ
كۇنلۇن تاۋىنداعى جاقسى ليانجاڭ
2017.05.19 13:25 كەلۋ قاينارى : حالىق تورابى
شينجياڭ ءوندىرىس – قۇرىلىس بيڭتۋانى 3 – ديۆيزياسى 2 – مال فەرماسىنىڭ 3 – ليانى تەڭىز دەڭگەيىنەن 3470 مەتر بيىكتىكتەگى كۇنلۇن تاۋىنىڭ سولتۇستىك باۋرايىندا. ءتىلشى 11 – مامىر كۇنى 3 – لياننىڭ باس شتابىنا كەلدى. كوك كۇمبەز اسپان استىندا الاڭدا بەس جۇلدىزدى قىزىل تۋ جەلبىرەيدى. لياندەگى حالىق جاساقتارى رەتتى تورتكىل ساپ تۇزەپ،ارشىندى قادام تاستاپ، ۇران شاقىرادى. ليانجاڭ ليۋ چياندۇڭ تورتكىل ساپ الدىندا زور داۋىسپەن ۇزدىكسىز بۇيرىق بەرۋدە.
وتانىمىزدىڭ شەكاراسىن كۇزەتۋ قانشا ماشاقاتتى بولسا دا ءوزىمدى باقىتتى سەزىنەمىن
ليۋ چياندۇڭ: ليانىمىزگە قاراستى 160 مىڭ مۋ جەر بار، 37 مىڭ مەترلىك شەكارا سىزىعىمەن جاناسىپ جاتادى، 68 مىڭ مۋلىق جايىلىم بار. لياندەگى 52 ۇيعۇر وتباسى ءارى مالشى ءارى شەكارا كۇزەتشىسى، - دەيدى.
لياننىڭ باس شتابى فەرما شتابىنان 160 كيلومەتر قاشىقتىقتا، 2 – فەرماداعى ەڭ شالعاي، ەڭ ماشاقاتتى، تەڭىز دەڭگەيىنەن ەڭ بيىك جەردەگى لياندەردىڭ ءبىرى. لياننىڭ ءتورت جاعى نەگىزىنەن تاۋ جولدارى بولىپ، بۇرما جولدار مەن تەرەڭ سايلار كوپ. باسىڭىزدى كوتەرسەڭىز جالاما جارتاستاردى، تومەنگە قاراساڭىز تەرەڭ شاتقالداردى كورەسىز. اۆتوكولىك جالاما قۇزبەن جۇرگەندە عاجاپتانىپ وتىراسىز.
ليۋ چياندۇڭ 2013 – جىلى وسى اراعا ليانجاڭ بولىپ كەلگەننەن بەرى، وسى تاۋ جولىمەن سەرىك بولدى. ءبىر جولى قىزمەتتەن مالىمەت بەرۋ ءۇشىن فەرما شتابىنا بارا جاتقاندا، جول كوكتايعاق مۇز بولعاندىقتان، ول وتىرعان پيكاپ 20 نەشە مەتر جەرگە دەيىن تايعاناپ بارادى، باقىتقا جاراي ماشينا جولدىڭ شەتىندەگى تاس رەشاتكاعا سوعىلىپ توقتايدى.
سولاي بولسا دا، ليۋ چياندۇڭ وسى تاۋ جولىمەن ەڭ كوپ جۇرەتىن ادام. ليۋ چياندۇڭ: مال باعۋ تۇيىندەرىن ارالاپ تەكسەرۋ مەنىڭ مىندەتىم. مالشىلاردىڭ تۇرمىسىن، ءتورت تۇلىكتىڭ احۋالىن، شەكارانىڭ حاۋىپسىزدىگىن دەر كەزىندە ءبىلىپ وتىرۋىم كەرەك، - دەيدى.
ول ءار كۇنى لياندەگى مال باعۋ تۇيىندەرى اراسىنداعى تاۋ جولىندا كەيدە اتپەن، كەيدە موتوسيكلمەن،ءتىپتى كەيدە جاياۋ زىرلايدى. ليۋ چياندۇڭ جارتى جىلعا جەتپەيتىن ۋاقىتتا قاراستى وڭىردەگى بارلىق مالشىلاردىڭ وتباسىنا بارىپ، بارلىق مال قوراسىن ءبىر بىردەن كوزدەن كەشىرىپ شىعادى. ساۋلىقتاردىڭ تولدەۋى، قورالى قويلاردى كوشىرۋ، اۋرۋدان ساقتانۋ ۆاكسيناسىن سالۋ كەزىنىڭ بارلىعىندا ول الدىڭعى شەپكە بارادى. كەيدە كەشتە مالشىلاردىڭ ۇيىنە قونىپ قالادى. ليۋ چياندۇڭ ۇيعۇرشانى جاقسى سويلەيدى، ونى كورگەندە مالشىلاردىڭ ايتار ءسوزى تاۋسىلمايدى.
شەكاراداعى ليان بولعاندىقتان، ليۋ چياندۇڭ حالىق جاساقتارىنىڭ جاتتىعۋىن قاتاڭ قاداعالايدى. باقتاشى موللاازيز ماقسۇت: ليۋ ليانجاڭ ءبىزدى باستاپ، ءبىر جاعىنان، ءوندىرىستى، ءبىر جاعىنان، ورنىقتىلىقتى مىقتى ۇستادى. ءبارىمىز ونى قولدايمىز، - دەدى.
بىرنەشە جىل بويى ۇستىرتتە جۇرگەندىكتەن، ليۋ چياندۇڭنىڭ ەرىندەرى كوگەرىپ، كوزدەرى دە قانتالاپ تۇراتىن بولعان. ول: ەشتەڭ ەتپەيدى، وتان شەكاراسىن قورعاۋدىڭ ماشاقاتى مول بولسا دا ءوزىمدى باقىتتى سەزىنەمىن، - دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
