ۇشقىشسىز ۇشاق ۇشتاعان جىگەر
ەرسىنالى سۇلتان ۇلى
2017.07.17 13:55
قولىندا اۆتوماتتى مەڭگەرگىشى بار ەكى جىگىتتىڭ ەگىس باسىنداعى قيمىلى كىم -كىمدى دە ەلەڭ ەتكىزبەي قويمايدى، ەگىنشىلەردىڭ جۇزىنە كۇلكى ءۇيىرىلدى. ەگىستىكتە ۇشقىشسىز ۇشاق تەتىگىن مەڭگەرىپ، ەگىنشىلەر ءۇشىن قىزمەت وتەگەن ەكى ازامات -ءسالىم الماسبەك ۇلى مەن ەرسىن باقىت ۇلى ەدى.
ءسالىم الماسبەك ۇلى قۇلجا اۋدانى اۋليە اۋىلىنىڭ تۇلەگى، ول ءۇرىمجى كاسىپتىك ۋنيۆەرسيتەتىندە وقىپ جۇرگەندە وسى كاسىپكە نەگىز قالاپتى، 2016 – جىلى مامىردا مەملەكەتتىك ستۋدەنتتەر يگىلىك جاراتۋ جارىسىنا قاتىناسقان ول عىلمي لەكسياسى ارقىلى 3-بولدى. جوعارى مەكتەپتى ءبىتىرىپ اۋىلدا كاسىپ كوزىن اشقان ول تىلشىگە: بالا كەزىمدە ۇشاق جۇرگىزۋ ەڭ ۇلكەن ارمانىم ەدى، 3 - كلاس وقىپ جۇرگەندە اعام ەكەۋىمىز كارتوم قاعازدان ۇشاق جاساعان ەدىك، سول كەزدە ءوزىمىزدىڭ جاساعان ۇشاعىمىز بولسا، ونى ۇشىرىپ ادامزاتتىڭ يگىلىگىنە جاراتساق دەپ تامسانۋشى ەدىم، جوعارى مەكتەپكە وقۋعا تۇسكەننەن كەيىن تەحنيكاعا قاتىستى نازاريالىق ساباقتاردى كوپتەپ ۇيرەندىم، مەكتەپ ءبىتىرۋدىڭ الدىندا مەكتەپ مەنى ۇشقىشسىز ۇشاق قۇراستىراتىن جانە جوندەيتىن ءبىر اۆياتسيا سەرىكتىگىنە پراكتيكاعا جىبەردى، مەن سول رەتكى پراكتيكالىق كۋرسقا قاتىناسىپ، ۇشقىشسىز ۇشاقتى قالاي قۇراستىرۋ، قالاي جوندەۋ جونىندە ساباق ۇيرەندىم. ويىمداعى ارمانىم رەالدىققا اقىرى اينالدى، ۇيرەنگەن ءبىلىمىمدى امالياتتا قولدانا باستادىم. ۇشقىشسىز ۇشاق - اۆتوماتتى مەڭگەرۋ جابدىعى مەن جۇمساق بولشەك تەحنيكاسى ءبىر تۇلعاندىرىلعان جوعارى تيپتى، جوعارى تەحنيكالى جابدىق. سوندىقتان دا مەن وسى ۇشقىشسىز ۇشاق ارقىلى كاسىپتەنۋدى جانە ەگىنشىلەر ءۇشىن يگىلىكتى جۇمىس ىستەۋدى تاڭدادىم، - دەدى. ەندى ءبىر ازاماتىمىز ىلە «جينيىڭ» كەڭىستىك تەحنيكا شەكتى سەرىكتىگىنىڭ باس ديرەكتورى ەرسىن باقىت ۇلى، ول تىلشىگە: مەن مەكتەپ بىتىرگەننەن كەيىن ءوز الدىما يگىلىك جاراتۋ ماقساتىمەن وسى سەرىكتىكتى قۇردىم. قازىر سەرىكتىكتە جۇمىس ىستەيتىندەر كوبەيىپ كەلەدى. حانزۋ، ۇيعۇر، حۇيزۋ قاتارلى ءار ۇلت ازاماتتارىنىڭ بەرەكەلى شاڭىراعىنا اينالدى. بىرەۋىمىز قارجى شىعارىپ، ەندى بىرەۋىمىز تەحنيكامەن قامداپ سەلبەسىپ جۇمىس باستاپ وتىرمىز. ءبىز وسىنداي قىزۋ ىنتا، بەرەكە -بىرلىك ارقىلى ۇشقىشسىز ۇشاقتى حالىق يگىلىگىنە جاراتۋدىڭ قامىندا ءجۇرمىز. وتكەن قىستان بەرى ۇشاق ۇشىرۋ، قوندىرۋ سىناق باسقىشتارىن قايتا – قايتا تاجىريبەدەن وتكىزىپ، ازىرلىك كوردىك. مىنە ەندى كوكتەم مەن جازعا قاراي مايساعا ءدارى شاشۋ قوندىرعىسىن ورناتىپ جۇمىس باستادىق، - دەدى.
ەرسىن باقىت ۇلى قۇلجا قالاسىنىڭ تۇلەگى، ىلە پەداگوگيكا ينستيۋتىنان وتكەن جىلى شىلدەدە وقۋ بىتىرگەن ول قازىر ءبىر سەرىكتىكتىڭ ديرەكتورى، سەرىكتىكتە 33 ادام جۇمىس جۇرگىزەدى ەكەن، ەڭ العاش ءبىر ۇشقىشسىز ۇشاقپەن جۇمىس باستاعان ولاردىڭ قوعامدا قولداۋشىلارى مەن سەلبەسۋشىلەرى بارعان سايىن كوبەيدى، قازىر 8سەرىكتىكتە شاعىن تيپتى ءدارى شاشۋ ۇشاعى جۇمىس ىستەيدى. الداعى جوسپارى جونىندە ەرسىن: ءبىز 2017 – جىلى سەرىكتىكتى 400 دەي تەحنيك جۇمىسشىسى بار كولەمدى سەرىكتىك ەتىپ قۇرۋدى جوسپارلاپ وتىرمىز، ۇشقىشسىز ۇشاقپەن ءدارى شاشۋ دا بىرىنشىدەن استىقتىڭ جاپىرىلۋىنان ساقتانۋعا بولاتىنىن؛ ەكىنشىدەن ويداعىداي ءدارى شاشۋ ونىمدىلىگىنە قول جەتكىزۋگە بولاتىنىن ناقتى تاجىريبەدەن وتكىزدىك. ىلە وڭىرىندە ەگىنشىلەردىڭ ويلاعان ويىنان شىعۋ، سولار ءۇشىن قىزمەت وتەۋ ءبىزدىڭ مىندەتىمىز،-دەدى. مەن ولارعا تىلشىلىك ىستەۋ بارىسىندا الدا تاعى دا جۇرت القاۋىن الاتىن يگىلىكتى جۇمىس ىستەپ، جۇمىس كولەمىن ۇلعايتاتىن سەنىمدەرىن سەزىنىپ، ۇشقىشسىز ۇشاق ۇشتاعان جىگەرلەرىڭ مۇقالماسىن دەگەن تىلەك ايتتىم.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
