بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>قوعام

پارتيا 19– قۇرىلتايىنىڭ ۋاكىلى يۇي جيڭ: قىستاق تۇرعىندارى كەدەيلىكتەن ارىلماسا، ءبىز دە قىزمەت ورنىمىزدان شەگىنبەيمىز

2017.10.09 15:05     كەلۋ قاينارى : حالىق تورابى


  ول ەكى جىلدىڭ الدىندا قىستاقتا تۇرىپ كەدەيلەردى سۇيەمەلدەۋگە ەشقانداي رەنىشسىز ءوز ەركىمەن تىزىمدەلدى.

  ەكى جىلدان كەيىن، ول قىستاق تۇرعىندارىن باستاپ، بىرتىندەپ كەدەيلىكتەن ارىلتىپ، كوڭىلدەرىنە سەنىمدىلىك ۇيالاتتى.

  ول: «ەگەر ءبىر وتباسى كەدەيلىكتەن ارىلماسا، ءبىزدە قىزمەت ورنىمىزدان استە شەگىنبەيمىز» دەگەن سەرت بەرىپ، قىستاقتا تۇرىپ كەدەيلەردى سۇيەمەلدەۋگە قاتىناسقان كادرلاردىڭ جاۋاپكەرشىلىك پەن مىندەتتى ارقالاۋ ەرىك – جىگەرىن ايگىلەدى.

  ول ــ پارتيا 19 – قۇرىلتايىنىڭ ۋاكىلى يۇي جيڭ.

  جينجاي اۋداندىق جۇڭگوشا ەمحانانىڭ قىزمەتكەرىنەن، قىستاقتا تۇرىپ، كەدەيلەردى سۇيەمەلدەۋگە، داۋان قىستاعىنىڭ ءبىرىنشى شۋجيى بولعانعا دەيىنگى ەكى جىلدىق شىنىعۋ بارىسىندا، بۇرىن مىنەزى ۇياڭ يۇي جيڭ بارعان سايىن ىسكەر بولا باستادى.

  2015 – جىلى بۇكىل ەلىمىز بويىنشا قىستاقتا تۇرىپ كەدەيلەردى سۇيەمەلدەۋ قىزمەتى ورىستەتىلدى، ادەتتە قىزمەت ورنىندا وزگەلەرگە كومەكتەسۋگە ءازىر تۇراتىن يۇي جيڭ بەلسەندىلىكپەن تىزىمدەلىپ، اۋدان قالاشىعىنان اۆتوكولىكپەن ءبىر ساعاتتا باراتىن داۋان اتتى تاۋلى قىستاققا كەلدى. ول كەزدە مىڭ نەشە وتباسى تۇراتىن بۇل قىستاقتا ارحيۆ تۇرعىزىلعان كەدەي وتباسىلارىنان 211 وتباسى بار بولاتىن.

  جينجاي اۋدانىنىڭ اۋىل – قىستاعىندا تۋىلعان «80 – جىلداردىڭ تۇلەگى» بولعان، يۇي جيڭنىڭ بالا كەزىنەن وسى ءبىر قاتپار- قاتپار قارا تاۋ مەن وسى تاۋ باۋرايىندا تىرشىلىك ەتىپ جاتقان ادامدارعا دەگەن ماحابباتى وزگەشە بولاتىن. قىستاق تۇرعىندارىنىڭ كەدەيلەسۋ سەبەبىن جەتە ءتۇسىنۋ ءۇشىن، يۇي جيڭ بۇكىل قىستاقتاعى 37 گرۋپپانى تۇگەل ارالاپ شىعادى. داۋان قىستاعىنىڭ يرەلەڭدەگەن تاۋ جولىندا ونىڭ ارىق ءارى نازىك تۇلعاسى ۇنەمى كوزگە شالىناتىن. كۇندىز قىستاق تۇرعىندارىنىڭ ۇيىنە بارىپ، كەشتە ماتەريالداردى رەتتەۋ يۇي جيڭنىڭ قىستاقتا تۇرعاننان بەرى قالىپتاستىرعان تۇرمىس ادەتى ەدى.

  داۋان قىستاعىندا 2017 – جىلى كەدەيلىكتەن ارىلتۋدى جوسپارلاعان وتباسىلارىنىڭ ءبىرى ــ چىن زىشىننىڭ وتباسى، جەر ورتاسى جاسقا كەلگەن چىن زىشىن باۋىر ەتى بالاسىنان ايرىلىپ، جۇبايى قايتىس بولعان، نەمەرەسىمەن بىرگە جان - جاعىنان جەل گۋلەگەن تام ۇيدە تۇراتىن. يۇي جيڭ ورتا ەسەپپەن اپتاسىنا ءۇش رەت ونىڭ ۇيىنە بارىپ، ونى قايتكەندە ەرتەرەك كەدەيلىكتەن ارىلتۋعا بولاتىنى تۋرالى جوسپار قۇراتىن، كەدەيلەردى سۇيەمەلدەۋ جاعىنداعى ساياساتتاردان پايدالانىپ، وعان ءتۇرلى تيىمدىلىكتەردى ازىرلەپ بەرەتىن.

  داۋان قىستاعى قىستاق ءبولىمىنىڭ قابىرعاسىندا كەدەيلىكتەن ارىلتۋدىڭ ۋاقىت كەستەسى بار: قىستاقتا بيىل 34 وتباسىنداعى 113 ادامدى كەدەيلىكتەن ارىلتۋ، 2019 – جىلعا بارعاندا بۇكىل قىستاق بويىنشا تۇگەلدەي كەدەيلىكتەن ارىلتۋ جوسپارلانعان.

  يۇي جيڭ: كوپتەگەن ادامدار مەنەن وكىنەتىن – وكىنبەيتىمىندى سۇرايدى، مەن وكىنبەيمىن دەپ جاۋاپ بەرەمىن، مەن بۇرىنعى ءسوزىمدى قايتالايمىن، داۋان قىستاعىندا، ەگەر ءبىر وتباسى كەدەيلىكتەن ارىلماسا، وندا مەن دە قىزمەت ورنىمنان شەگىنبەيمىن، ــ دەيدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار