بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>قوعام

قۇرىلتاي رۋحى جىگەر سيلاعان – شيپاگەر

2017.11.03 14:14    

  2013 – جىلى مەملەكەت جاعىنان «ەڭ سۇيىكتى اۋىل – قىستاق شيپاگەرى» اتاعىن العان جۇماتاي اۋباكىر ۇلى تابانى كۇرەكتەي 25 جىلدان بەرى تەكەس اۋدانىنىڭ سوناۋ شالعايداعى بوزادىر وتارىندا ءومىرىن مالشى قاۋىممەن بىرگە وتكىزىپ، اجالعا اراشاسى، جارالىعا جەبەۋشى بولدى. ول ورگە سالساڭ ورشەلەنە شاپقان جۇيرىكتەي شيپاگەرلىك ستيل، ءمورالىن شىنايى ءىس - ارەكەتىمەن بەينەلەپ، ونەگەلىك رولىن بارعان سايىن ساۋلەلەندىرە ءتۇستى. العاشقى جىلدارى تاۋ قويناۋىنداعى ءار سايدا وتىرعان مالشىلاردى ارالاپ ءجۇرىپ ەمدەدى. قايسى مالشى سىرقاتتانسا نەمەسە جىعىلىپ جارالانسا كۇندىز – ءتۇن دەمەي سونىڭ ۇيىنە كەيدە اتتى، كەيدە جاياۋ بارىپ تەكسەرىپ - ەمدەگەنىن وتارداعى ءار ۇلت مالشى قاۋىمى كۇنى بۇگىنگە دەيىن اڭىز عىپ ايتادى. ونىڭ ادامگەرشىلىك، ىزگىلىگىنە ەرەكشە سۇيىنەدى.

  «ەڭبەگى باردىڭ، ونبەگى بار» دەگەندەي جۇماتاي اۋباكىر ۇلى 2015 – جىلى «مەملەكەتتىك ۇلتتار ىنتىماعىنىڭ ۇلگىسى» بولىپ سايلانعان، وسى جىلى 30 – قىركۇيەكتە باس شۋجي شي جينپيڭ نەگىزگى ساتىداعى ۇلتتار ىنتىماعىنىڭ تاڭداۋلى ۋاكىلى جۇماتاي اۋباكىر ۇلىن قابىلدادى. جۇكەڭ باس شۋجيمەن كەزدەسكەن ەرەكشە قۋانىشتى ءساتىن ەسكە الىپ: «ءسىزدىڭ ىزگى ىستەرىڭىزدەن حابارلىمىن، ءسىز شينجياڭنىڭ نەگىزگى ساتىسىنان كەلگەن اۋىل – قىستاق شيپاگەرىسىز، قايتىپ بارعاننان كەيىن ۇزدىكسىز قۇلشىنىپ، حالىق ءۇشىن ۇزدىكسىز قىزمەت كورسەتۋىڭىزدى ءۇمىت ەتەمىن دەگەن تاپسىرماسى كۇنى بۇگىنگە دەيىن كوكىرەگىمدە سايراپ تۇر. مەن، ءسوزسىز، باس شۋجيدىڭ تاپسىرماسىن ورىنداپ، كەزدەسكەن ءارقانداي قيىنشىلىقتاردى جەڭىپ، ۇدىرە العا تارتامىن. ۇلتتار ىنتىماعىن قورعاپ <ءۇش ءتۇرلى كۇشكە>، <ەكىبەتكەيلەرگە> باتىل قارسى تۇرىپ، پارتيا، ۇكىمەتتىڭ كۇتكەن ءۇمىتىن اقتاۋعا جانە باتىل ءۇن قاتىپ، ايقىن پوزيتسيا بىلدىرۋگە بەلسەنە اتسالىسىپ، ساپالى قىزمەت وتەۋگە ساقاداي ساي تۇرامىن»، - دەدى.

  پارتيا 19 – قۇرىلتايىنىڭ ءساتتى اشىلعانىن اۋىزعا العاندا ول: «باس شۋجيدىڭ بايانداماسىن تىڭداعانىمدا جىگەرىم تاسقىنداپ، بولاشاققا دەگەن سەنىمىم ارتىپ، پارتيانىڭ مەيىر – شاپاعاتىنا شىنايى ءىس - ارەكەتىم ارقىلى العىسىمدى ءبىلدىرۋ بەكىمىنە كەلدىم»، -دەپ اعىنان اقتارىلدى. ول جالعاستى: «باس شۋجي شي جينپيڭ 19 – قۇرىلتايدا جاساعان بايانداماسىندا حالىقتىڭ دەنساۋلىعىنا قاتىستى ساياساتتاردى كەمەلدەندىرىپ، حالىق بۇقاراسىنىڭ دەنساۋلىعى ءۇشىن كەمەلدى، مەرزىمدى قىزمەت وتەۋ كەرەك. جۇڭگوشا ەرەكشەلىككە يە نەگىزگى ەمدەۋ - دەنساۋلىق ساقتاۋ ءتۇزىمىن، ەمدەۋ قامسىزداندىرۋ ءتۇزىمىن جانە ساپالى، جوعارى ءونىمدى ەمدەۋ، قىزمەت وتەۋ جۇيەسىن جاپپاي قۇرىپ، وسىزاماندانعان شيپاحانا باسقارۋ ءتۇزىمىن اقاۋسىزداندىرىپ، نەگىزگى ساتىداعى ەمدەۋ، دەنساۋلىق ساقتاۋ جۇيەسى مەن كەمەلدى ەمدەۋ قوسىنى قۇرىلىسىن كۇشەيتۋدى العا قويدى. بۇل ءسوزدىڭ ماڭىزىن جەتە تانىپ، ءوزىمنىڭ تاماشا قىزمەت ىستەۋ ستيلممەن شىنايى ۇشتاستىرىپ، بوزادىر وتارىنداعى مالشى قاۋىم ءۇشىن قۇلشىنا ىستەيمىن. جۋىرداعى ەكى، ءۇش جىل ىشىندەگى بوزادىر وتارىنداعى زور وزگەرىستەر ونداعى مالشى قاۋىمعا ۇلكەن ءۇمىت، شەكسىز قۋانىش باعىشتادى. بۇرىن بۇل وتاردا ەلەكتر جوق بولۋمەن بىرگە، قاتىناس جولدارى وتە قيىن بولاتىن. سىرقاتتانعان مالشىلار ەمدەلۋدىڭ جانە شيپاگەر جەتىسپەۋدىڭ ازابىن ءبىر كىسىدەي تارتقان ەدى.

  قازىر بوزادىر وتارىندا جاڭا شيپاحانا سالىنىپ، ەلەكتر جەتكىزىلىپ، حابارلاسۋ جابدىقتارى ورناتىلىپ، جول قاتىناسى دا بارعان سايىن جاقساردى. بۇرىنعى ەكى شيپاگەردەن قازىر 8 شيپاگەرگە ارتتىرىلىپ، ەمدەۋ شارت – جاعدايى بارعان سايىن جاقسارۋدا. بۇل جاعداي باس شۋجي شي جينپيڭنىڭ شينجياڭداعى ءار ۇلت حالقىنا كوڭىل ءبولۋىنىڭ، قامقورلىق جاساۋىنىڭ ناتيجەسى»،- دەپ كەسىپ ايتتى.

  جۇماتاي اۋباكىر ۇلى 2014– جىلى مەملەكەت جاعىنان «ەڭ سۇيىكتى شينجياڭدىق»، 2015 – جىلى اۆتونوميالى رايون جاعىنان «ۇزدىك قىزمەتكەر»، 2016– جىلى «ۇزدىك پارتيا مۇشەسى»، 2016 – جىلى مەملەكەت جاعىنان «ەڭ كورىكتى وتباسى» سياقتى داڭقتى اتاققا يە بولعان، قاجىماي – تالماي حالىق ءۇشىن قىزمەت ىستەگەن العاباسار كوممۋنيست، تاڭداۋلى شيپاگەر، ۇزدىك اق حالاتتى جاۋىنگەر. جاماعات شاربەك ۇلى

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

مادەنيەت