«قوس ون ءبىر» كەزىندە زات ساتىپ العاندا الدانىپ قالماۋ ءۇشىن مىنا ماسەلەلەردى ءبىلىپ الىڭىز
2017.11.08 13:19 كەلۋ قاينارى : حالىق تورابى
سۋرەتتە: شينجياڭ ۇيعۇر اۆتونوميالى رايوندىق ونەركاسىپ – ساۋدا مەكەمەسى 7 – قاراشادا اڭگىمە ءماجىلىسىن وتكىزىپ، عالامتوردا شوعىرلى تۇردە وتىمدىلەندىرە ساتۋ قيمىلىن رەتكە سالۋ تۋرالى شينجياڭداعى ەلەكتروندىق ساۋدا تەكشەلەرىنە، كاسىپورىندارعا دابىل قاقتى.
حالىق تورابى، 8 – قاراشا، بەيجيڭ. ءتاڭىرتاۋ تورابى حابارلايدى: ەلەكتروندىق ساۋدانىڭ كۇن سايىن دامۋىنا جانە تولىسۋىنا ىلەسە، بۇگىنگى تاڭدا «قوس ون ءبىر» قيمىلى عالامتور ارقىلى زات ساتىپ الۋشىلار مەن ەلەكتروندىق ساۋدا تەكشەلەرى ءۇشىن شاتتىق كۇنى ەسەپتەلەدى. الايدا، الارماندار زات ساتىپ الۋدىڭ قىزىعىنا تۇسكەن كەزدە، عالامتورداعى شوعىرلى تۇردە وتىمدىلەندىرە ساتۋ بارىسىندا تۋىلاتىن جارناما، تاۋار ساپاسى جاعىنداعى ماسەلەلەر مەن تۇتىنۋ جاعىنداعى داۋ – داماي، ساتىپ العاننان كەيىنگى قىزمەت وتەۋ جاعىنداعى ماسەلەلەرگە دە بارىنشا بەرگەنى ءجون.
شينجياڭ ۇيعۇر اۆتونوميالى رايوندىق ونەركاسىپ – ساۋدا مەكەمەسى اڭگىمە ءماجىلىسىن اشىپ، عالامتوردا شوعىرلى تۇردە وتىمدىلەندىرە ساتۋ قيمىلىن رەتكە سالۋ جونىندە شينجياڭداعى ەلەكتروندىق ساۋدا تەكشەلەرىنە، كاسىپورىندارعا دابىل قاقتى، سونداي – اق، تۇتىنۋشىلارعا حاۋىپسىزدىك جاعىنداعى ساقتانۋ تانىمىن جوعارىلاتىپ، تۇتىنۋدا بايسالدى بولۋدى ەسكەرتتى.
العان زاتتى جەتى كۇن ىشىندە ەشقانداي سەبەپسىز قايتارۋعا بولادى دەگەن بەلگىلەمە عالامتوردا شوعىرلى وتىمدىلەندىرىپ ساتقان تاۋارلارعا دا جۇرەدى
شينجياڭ ۇيعۇر اۆتونوميالى رايوندىق ونەركاسىپ-ساۋدا مەكەمەسى عالامتوردى باقىلاۋ باسقارماسىنىڭ قىزمەتكەرى سۇن جيڭحاي: عالامتوردا وتىمدىلەندىرە ساتۋ قيمىلى بارىسىندا الدىمەن باعانى جوعارىلاتىپ الىپ، قايتادان ارزانداتۋ ارەكەتى زاڭسىز ارەكەت بولىپ تابىلادى، «قامبانى بوساتۋ باعاسى»، «پايدا تۇسپەيتىن باعا»، «عالامتور بويىنشا ەڭ ارزان» سىندى وتىمدىلەندىرۋ سوزدەرىن قولدانۋ ارەكەتى دە باعا زاڭىنا قايشى كەلەدى، ــ دەدى.
وتىمدىلەندىرە ساتۋ بارىسىندا وتىمدىلەندىرە ساتۋ قيمىلىنىڭ ۋاقىتىن، ءتاسىلىن، ەرەجەسىن الدىن – الا ۇقتىرۋ كەرەك. «تۇتىنۋشىلاردىڭ ۇقىق – مۇددەسىن قورعاۋ زاڭى» مەن «عالامتوردا تاۋار ساتىپ العاندا جەتى كۇن ىشىندە ەشقانداي سەبەپسىز قايتارۋعا بولاتىنى تۋرالى ۋاقىتتىق ءادىسناما» قاتارلى بەلگىلەمەلەر عالامتوردا وتىمدىلەندىرە ساتۋ قيمىلىنا دا قولدانىلادى، جەتى كۇن ىشىندە ەشقانداي سەبەپسىز قايتارۋعا بولاتىنى جونىندەگى بەلگىلەمەنى اتقارماۋ ارەكەتى زاڭعا قايشى ارەكەت بولىپ سانالادى.
شينجياڭنىڭ كەپتىرىلگەن جەمىس ونىمدەرى سىندى اۋىل شارۋاشىلىق قوسىمشا ونىمدەرىن عالامتوردا ساتۋ تۋرالى ايتقاندا، سۇن جيڭحاي: دەنساۋلىققا پايدالى ونىمدەر جونىندەگى جارنامادا ونىڭ رولى، حاۋىپسىزدىگى جاعىندا كەسەتە ايتقان نەمەسە كەپىلدىك بەرگەن سوزدەر جانە اۋرۋ – سىرقاۋلاردان ساقتانۋ، ەمدەۋ قاسيەتى جونىندەگى مازمۇندار قامتىلماۋى كەرەك. سونىمەن بىرگە، دەنساۋلىققا پايدالى ونىمدەر جونىندەگى جارنامانىڭ كورنەكتى ورنىنا «بۇل ءونىمدى ءدارى – دارمەك رەتىندە پايدالانۋعا بولمايدى» دەگەن ءسوز جازىلۋى كەرەك، ــ دەدى.
وتىمدىلەندىرە ساتۋ ەرەجەسىن ۇعىنىپ، ارزانداتىپ ساتۋ الدامشىلىعىنان ساقتانۋ كەرەك
عالامتور ارقىلى زات ساتىپ الاتىندارعا ءۇرىمجى قالالىق ساۋدا – ونەركاسىپ مەكەمەسى باستىعىنىڭ ورىنباسارى شياۋ جيانلي بىلاي دەپ ەسكەرتۋ جاسادى: وتىمدىلەندىرە ساتۋ قيمىلىنا قاتىناسۋ الدىندا شوعىرلى تۇردە وتىمدىلەندىرە ساتۋدىڭ مەرزىمىن، ءتاسىلىن جانە ەرەجەسىن، ءسوزسىز، ءبىلۋ كەرەك، سونداي – اق، ساتۋشى جاقپەن ابدەن سويلەسىپ، وتىمىلەندىرە ساتۋ قيمىلىنىڭ ەرەجەسىن قانىق ۇعىنعاننان كەيىن عانا زاتتى ساتىپ الۋ كەرەك. سونىمەن بىرگە، زات ساتىپ العاندا ساتۋشىعا بەرىلگەن باعاعا كوبىرەك نازار سالىپ، جالعان ۇگىتتەن ساقتانۋى كەرەك. زات ساتىپ الۋدان بۇرىن تاۋاردىڭ باعاسى جونىندەگى وزگەرىستەرگە نازار سالىپ، ءتۇرلى جولدار ارقىلى سالىستىرىپ، تاۋاردىڭ باعاسى تۋرالى احۋالدى ءبىلۋ، وسى ارقىلى جالعان ارزانداتۋ ارەكەتىنەن ساقتانۋ كەرەك.
شياۋ جيانلي: عالامتوردا زات العان كەزدە، ءسوزسىز، ساتۋشىمەن سويلەسكەن سوزدەر، زات ساتىپ الۋدىڭ ەلەكتروندىق ەسەپ ءنومىرى، اقشاسىن تاپسىرۋ ەستەلىگى سىندى ەلەكتروندىق ساندىق مالىمەتتەردى ساقتاۋعا نازار اۋدارىپ، زات ساتىپ الۋعا قاتىستى سپاتتاردى ساقتاۋ، تۇتىنۋ جاعىندا داۋ – داماي تۋىلعان كەزدە زاڭدى ۇقىق – مۇددەنى قورعاۋعا پايدالانۋ كەرەك، ــ دەدى.
ەلەكتروندىق ساۋدا سالاسىنىڭ ۋاكىلى رەتىندە، جيڭدۇڭ توبى باتىس سولتۇستىك بولەكتەگى الەۋمەتتىك ىستەر ءبولىمىنىڭ باس باقىلاۋشىسى چىن يۇيتاۋ ونەركاسىپ – ساۋدا تاراۋلارىنىڭ تالابىنا ساي، «تۇتىنۋشىلاردىڭ ۇقىق – مۇددەسىن قورعاۋ زاڭى»، «عالامتوردا تاۋار ساتىپ العاندا جەتى كۇن ىشىندە ەشقانداي سەبەپسىز قايتارۋعا بولاتىنى تۋرالى ۋاقىتتىق ءادىسناما » قاتارلى بەلگىلەمەلەردى قاتاڭ اتقاراتىنىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
