عالامتور ارقىلى زات ساتىپ العان تۇتىنۋشىلاردىڭ ۇقىق – مۇددەسىن قالاي قورعايمىز (ساياساتتىق تالداۋ ــ رەفورمانى جاپپاي تەرەڭدەتۋ جونىندە ⑧)
ۇكىمەت پەن كاسىپورىنداردىڭ عالامتورداعى جانە ادەتتەگى سەلبەستىگىن كۇشەيتىپ، سەنىمدى ەلەكتروندىق ساۋدا ورتاسىن جاراتايىق
گازەتىمىز ءتىلشىسى لين ليلي
2017.11.30 13:56 كەلۋ قاينارى : حالىق تورابى
ورتالىقتىڭ رەفورمانى تەرەڭدەتۋ گرۋپپاسى 2016 – جىلى قاراشا ايىندا 29 – رەتكى ماجىلىسىندە «ەلەكتروندىق ساۋدا سالاسىنداعى سەنىمدىلىك قۇرىلىسىن جاپپاي كۇشەيتۋ جونىندەگى جەتەكشى پىكىردى» ماقۇلداۋدان وتكىزىپ، ەلەكتروندىق ساۋدانىڭ جالپى بارىسىنداعى سەنىمدىلىك قۇرىلىسىن كۇشەيتىپ، نارىقتانعان باعالاۋ جۇيەسىن كەمەلدەندىرىپ، سەنىمدىلىكتى باقىلاۋدى كۇشەيتىپ، شىنشىل دا سەنىمدى ەلەكتروندىق ساۋدانى دامىتۋ ورتاسىن جاراتۋعا كۇش سالدى.
پارتيا 19 – قۇرىلتايىنىڭ بايانداماسىندا تۇتىنۋ ءتۇزىلىسى مەن مەحانيزمىن كەمەلدەندىرۋ جانە ىلگەرىلەتۋ، تۇتىنۋدىڭ ەكونوميكانىڭ دامۋىنداعى نەگىزدىك رولىن كۇشەيتۋ ورتاعا قويىلعان. عالامتور قازى تۇتىنۋشىلاردىڭ ماڭىزدى تۇتىنۋ الاڭىنا اينالدى، ەلەكتروندىق ساۋدا جەدەل دامىپ، 2017 – جىلدىڭ الدىڭعى جارتىسىنا دەيىن، ەلىمىزدە عالامتور ارقىلى زات ساتىپ الاتىن تۇتىنۋشىلاردىڭ سانى 500 ميلليون ادامنان استى. الايدا، جالعان – جارامسىز زاتتاردى ساتۋ، ساپاسىز زاتتى ساپالى زاتتىڭ ورنىندا ساتۋ سىندى سەنىمدىلىكتەن ايىراتىن ماسەلەلەر تۇتىنۋشىلاردىڭ زاڭدى ۇقىق – مۇددەسىنە زيان جەتكىزىپ، تيجارات بارىسىندا سەنىمدىلىككە ءمان بەرەتىن كوپتەگەن كاسىپورىندارعا كەسىرىن تىگىزدى. ينتەرنەت داۋىرىندە پايداكوستىكپەن زاڭعا قايشىلىق جاسايتىن ارەكەتتەردى قالاي قۇرىقتاۋ كەرەك؟ ەلەكتروندىق ساۋدا سالاسىنداعى زاڭعا قايشى، سەنىمدىلىككە نۇقسان جەتكىزەتىن ارەكەتتەرگە سوققى بەرۋ مەن ونى رەتكە سالۋدا جاڭا تەحنيكانىڭ، جاڭا ادىستەردىڭ رولىن قايتكەندە ساۋلەلەندىرۋگە بولادى؟ وسى جونىندە ءتىلشى ساۋالناما جۇرگىزگەن بولاتىن.
جالعان – جارامسىز زاتتارعا سوققى بەرۋ ارەكەتىنەن كەيىن، ءبىر توپ ەلىكتەۋشى دۇكەندەر عالامتوردان شەگىنىپ شىقتى
عالامتور ارقىل ۇنەمى ايەلدەر كيىمىن ساتىپ الاتىن شاڭحايداعى بەلگىلى جوعارى مەكتەپ وقۋشىسى ليۋ ي جۋىردا العان زاتىن قايتارۋعا ءوتىنىش بەرمەكشى بولادى. ول بەلگىلى ساپالى بۇيىمدى شەتەلدەن ۋاكىلدىك ساتىپ اكەلىپ بەرەتىن عالامتور دۇكەنىنەن ساۋدا سارايىنداعىمەن ۇقساس زاتتى كورىپ قالادى، عالامتوردا زاتتى ساتۋشى بۇل زاتتىڭ ساپالى بۇيىم ەكەنىن، زاتپەن قامداۋشى جاقتان تىكەلەي ساتىپ العانىن، باعاسى رەسمي تورابىنداعى باعاسىنىڭ 60 پايىزىنداي عانا ەكەنىن ايتادى. ول: سول كەزدە مەن بۇعان سەندىم، زاتتى تاپسىرىپ العان كەزدە ماتەريالىنىڭ ساۋدا سارايىنداعى زاتتىڭ ماتەريالىمەن ۇقسامايتىنىن، جالعان زات ەكەنىن بايقادىم، ــــ دەيدى. ارينە، مۇنداي زيانعا ۇشىراعان ادام تەك ول عانا ەمەس.
تاعى ءبىر جاقتا، حاڭجوۋ قالاسى يۇيحىڭ رايونىنداعى بەلگىلى جۇپىنى تۇرعىندار تۇراعىندا، ءبىر بويجەتكەن كومپيۋتەردىڭ الدىندا وتىر، ءۇي ىشىندە 400دەن استام جالعان – جارامسىز كيىم – كەشەك پەن مىڭنان استام جالعان ماركا تاقتاسى جانە جۋۋ ەسكەرتپەسى جاتىر. جىجياڭ ياباۋ توبى زاڭ ىستەرى ءبولىمىنىڭ جاۋاپتىسى جاڭ جىحۋا يۇيحاڭ رايوندىق بازار باسقارۋ مەكەمەسىنىڭ تەكسەرۋ ۇلكەن اترەتىمەن بىرگە وسى ۇيگە كەلىپ، جالعان – جارامسىز ايەلدەر كيىمىن ساتاتىن عالامتور دۇكەنىن تەكسەردى. ول: بەلگىلى پوسومداعى ساپالى كويلەك جىبەكتەن توقىلعان ، ال، بۇل كويلەك جالعان شيفوننان توقىلعان ، ەكەۋىنىڭ وزىندىك قۇنى اراسىندا 1000 يۋانعا جۋىق پارىق شىعادى، ــــ دەيدى.
سول كۇنى تەكسەرۋ ۇلكەن اترەتى مۇنان باسقا 3 ورىنداعى جالعان – جارامسىز زات ساتۋ اپانىن انىقتاپ، تاۋار ۇقىعىنا قول سۇققان 855 بۇيىمدى قولعا ءتۇسىردى، ساپالى بۇيىمنىڭ باعاسى بويىنشا ەسەپتەگەندە، بۇل زاتتاردىڭ باعاسى 3 ميلليون يۋاننان اسادى.
جىجياڭ ياباۋ توبىنىڭ قاتىستى جاۋاپتىسى چيۋ يىڭ: ءار جىلى ءونىمدى زەرتتەۋگە 60 ميلليون يۋاننان استام قارجى قوسامىز، جالعان – جارامسىز زاتتار سەرىكتەستىككە اۋىر زيان سالادى، جالعان زاتتاردىڭ ساپاسىنىڭ ناشارلىعى ماركانىڭ اتاعىنا زيان سالىپ قالماستان، ماركانىڭ باعا جۇيەسىن دە بىلىقتىرادى، ــــ دەيدى. جاڭا كيىم بازارعا شىعىسىمەن، بازاردان وسىعان ۇقساس جالعان بۇيىم بايقالادى. 2012 – جىلدان بەرى، سەرىكتەستىك ەلەكتروندىق ساۋداعا ارالاسىپ، 2015 – جىلى ەلەكتروندىق ساۋدا توبىن قۇرىپ، عالامتوردا وزدەرىنىڭ دۇكەندەرىن جۇرگىزگەن. ەلەكتروندىق ساۋدا بارعان سايىن زات ساتۋداعى ماڭىزدى جولعا اينالۋدا، الايدا، عالامتور دۇكەندەرىندەگى جالعان زاتتار كاسىپورىندى اۋرە – سارساڭعا سالىپ كەلەدى. جالعان بۇيىمداردى ساتاتىن عالامتور دۇكەندەرى جاسىرىنۋعا ەپتى، زاتتى جولدايتىن جەردى انىق جازبايدى، عالامتوردان سىرت ناقتى زات ساتاتىن دۇكەنىن تابا المايسىز. جالعان زاتتاردى ساتاتىن دۇكەندەردىڭ سانى وتە كوپ، كاسىپورىننىڭ ءبىر – بىرلەي تەكسەرۋىنىڭ وزىندىك قۇنى وتە جوعارى.
وسى رەت جالعان – جارامسىز بۇيىمدارعا سوققى بەرگەننەن كەيىن، جالعان – جارامسىز بۇيىمداردى ساتاتىن قالىڭ دۇكەندەر عالامتوردان شەگىنىپ شىقتى، رەسمي توراپتاعى زاتتاردىڭ ساتىلۋى قالپىنا كەلدى. چيۋ يىڭ: ەلەكتروندىق ساۋدا تەكشەلەرى سەنىمدىلىككە باعا بەرۋ جۇيەسىن اناعۇرلىم كەمەلدەندىرە ءتۇسۋى، زاڭعا قايشىلىق جاساعاندار مەن سەنىمدىلىكتەن ايىرىلعانداردىڭ قايتادان عالامتور دۇكەنىن اشۋىن قيىنداتۋ كەرەك، ــــ دەيدى. جالعان – جارامسىز بۇيىمداردىڭ ساپالى بۇيىم رەتىندە ساتىلۋىنان ساقتانىپ، تۇتىنۋشىلاردىڭ الدانىپ قالۋىنان تۇبىرىنەن ساقتانۋ كەرەك.
كاسىپورىن، ۇكىمەت، ەلەكتروندىق ساۋدا تەكشەلەرى سەلبەسۋ ارقىلى دالمە – ءدال سوققى بەرۋى كەرەك
ەكى ايدىڭ الدىندا، يۇيحاڭ رايونى بازار باسقارۋ مەكەمەسى اتالعان دەلوداعى جالعان بۇيىم ساتۋ كۇمانىنا قاتىستى عالامتور دۇكەنىنىڭ ينفورماتسياسىن تاپسىرىپ الىپ، دەرەۋ ارناۋلى تەكسەرۋ گرۋپپاسىن قۇرعان.
وسى دەلودا الدىڭعى شەپتە سوققى بەرۋگە قاتىناسقان ۋاڭ شياۋبين: عالامتورداعى جالعان – جارامسىز زاتتارعا سوققى بەرۋدە كوپتەگەن قيىن ماسەلەلەر ساقتالىپ وتىر، بىرىنشىدەن، عالامتور دۇكەنىندەگى بۇيىمنىڭ جالعان ەكەنىن تۇراقتاندىرۋ، ەكىنشىدەن، عالامتور ارقىلى عالامتوردان تىس ناقتى دۇكەنىن تابۋ، ــ دەيدى. وسى رەتكى دەلودا ولار عالامتوردا انىقتاۋ، عالامتوردان تىس ورنىن تۇراقتاندىرۋ، ناقتى دۇكەنگە بارىپ سوققى بەرۋ ءتاسىلىن قولدانعان.
ءبىر دەلو كوپ دەلومەن قاتىستى بولىپ، جالعان بۇيىمداردى جاسايتىن بۇكىل لەنياسىن تالقاندادى
2013 – جىلى اليبابا باقشا رايونى يۇيحاڭعا ىرگە تەپتى. يۇيحاڭ رايوندىق بازار باسقارۋ مەكەمەسى تەكسەرۋ ۇلكەن اترەتىنىڭ باستىعى ۋ حۋانگىن: وسىنشاما ءىرى تەكشەنىڭ كەلۋى ەكونوميكانىڭ دامۋىن ىلگەرىلەتۋمەن بىرگە، باقىلاۋ – باسقارۋعا دا قىسىم ءتۇسىردى، ــــ دەيدى. جالعان – جارامسىز زاتتار، سەنىمدىلىگىن جالعان تاسىلمەن جوعارىلاتۋ ــــ ەلەكتروندىق ساۋدا سالاسىنداعى سەنىمدىلىك جاعىنداعى ەكى ءىرى ماسەلە بولىپ تابىلادى، سونداي – اق، يۇيحاڭ رايونىنىڭ سەنىمدىلىكتەن ايىرىلۋ ارەكەتتەرىنە سوققى بەرۋدەگى نەگىزگى ءتۇيىنى ەسەپتەلەدى. ءبىرقىدىرۋ ىزدەنىستەر ارقىلى، 2016 – جىلى جالعان – جارامسىز لۋيس – ۆيتتون شارپىسىن ساتۋ دەلوسىنا سوققى بەرۋ بارىسىندا، «الي ايدىك مالىمەتى + بازار باسقارۋ جاعىنداعى زاڭ اتقارۋ» سىندى ۇكىمەت پەن كاسىپورىن سەلبەسكەن فورمانى قالىپتاستىردى.
ۋ حۋانگىن: سول جولى جالعان – جارامسىز زات ساتاتىن اپاندى تالقانداعاننان كەيىن، ءبىز سونىمەن توقتاپ قالمادىق، قايتا، ناق مايداندا قول جەتكىزگەن قامداۋ جەلىسىنىڭ ينفورماتسياسى بويىنشا، ايدىك مالىمەتپەن ۇشتاستىرا وتىرىپ تالداۋ جاساپ، ءبىر دەلو ارقىلى 20 نەشە دەلونى انىقتادىق، ــــ دەيدى، ەڭ سوڭىندا ولار جالعان – جارامسىز بۇيىمداردى جاسايتىن بۇكىل جەلىنى تالقانداپ، بۇل ءىستىڭ سەسكەندىرۋ رولى زور بولعان.
2017 – جىلعى عالامتور نارىعىن باقىلاۋ – باسقارۋ ارناۋلى ارەكەتى بۇكىل ەلىمىز بويىنشا ورىستەتىلۋدە. مامىر ايىنان بەرى، يۇيحاڭ رايوندىق بازاردى باقىلاۋ – باسقارۋ مەكەمەسى ۇكىمەت پەن كاسىپورىن سەلبەسە وتىرىپ جالعان – جارامسىز زاتتارعا سوققى بەرۋ فورماسىن اناعۇرلىم كەمەلدەندىردى. ۋ حۋانگىن: وسىنداي دەلونى انىقتاۋ تاجىريبەمىزدى باسقا جەرلەردىڭ دە پايدالانۋىن، ولاردىڭ دا اليبابانىڭ تەكشەلىك باسىمدىلىعىنان پايدالانىپ، سىرتقى ولكەلەردى جالعان – جاراقسىز بۇيىمدارعا سوققى بەرۋدەگى ساندى مالىمەت ءجىپ ۇشىمەن قامداۋىن ءۇمىت ەتەمىز، ــــ دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
