بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>قوعام

شينجياڭداعى سەكسەننىڭ سەڭگىرىنە شىققان ءيىسقان قارتتىڭ بالا باعىپ الۋى جونىندە

الپىس جىلدا 30 بالاعا مەيىر باعىشتادى (حيكايا – بۇقارا بەينەسى)

«حالىق گازەتىنىڭ» تىلشىلەرى: ياڭ ميڭفاڭ، ارداق

2017.12.13 13:41     كەلۋ قاينارى : حالىق تورابى


  ءيىسقان بولەكباي قىزى (سولدا) كورشىسى حى گۇيحۋامەن اڭگىمەلەسۋدە (ماتەريالدىق سۋرەت)


  شينجياڭ التاي قالاسى 1 – مال فەرماسىنىڭ قىزىلتاس بولىمشە فەرماسىندا قازاق قارت ءيىسقاننىڭ مەيىرلى وتباسى تۇرادى. ول 60 جىلدان بەرى حانزۋ، قازاق، موڭعۇل، ۇيعۇر سىندى 4 ۇلتتان 30 نەشە بالانى باعىپ، ولاردى كۇتىمگە العان. بۇگىنگى تاڭدا بالالارى ەسەيىپ، پەرزەنتتەرى 128گە جەتكەن. ولاردىڭ ءبارى دە ءيىسقاندى «اپا» دەيدى.


  16 – قاراشا، التايدا قار جاۋىپ اشىلعان، كۇن كوزى كۇلىمدەپ تۇر. ءتىلشى ءۇرىمجى قالاسىنان ءبىر ءتۇن پويەزگە وتىرىپ، ءيىسقان اپانىڭ مەيىرلى وتباسىنا ات باسىن بۇرىپ، ادامدار اراسىنداعى مەيىر – ماحابباتتى سەزىندى.


  ءيىسقان اپانىڭ تىلشىگە ايتۋىنشا، ول 5 جاسقا شىققان جىلى اكەسى قايتىس بولعان، 8 جاسار اعاسى ەكەۋىن شەشەسى باعىپ – قاققان، تۇرمىستىڭ اۋىرتپالىعى باسقا تۇسكەندە كورشى – قولاڭدارى كوپ كومەك كورسەتكەن. ءبىر توقاشىن، ءبىر تەگەش ءسۇتىن، ءبىر شىنى تاماعىن بەرىپ دەگەندەي، ولارعا قارايلاسقان، ءيىسقان وسىنىڭ ءبارىن جۇرەگىنە ساقتاعان. ول ءوزىن ماپەلەپ وسىرگەن تۋعان جەرى مەن ونداعى مالشى قاۋىمنىڭ ەڭبەگىن شىن كوڭىلىمەن اقتادى.


  «اپامنىڭ قامقورلىعىن ماڭگى اقتاي الماسپىن»


  التايدىڭ قىسى ۇزاق ءارى قاتتى. ءۇي سىرتىندا بۇرقاسىن بورايدى، مەش ورناتقان ۇيدەگى سىپىدا ون شاقتى بالا پىر – پىر ۇيىقتايدى. بويى ۇزىندارىنىڭ سيراقتارى اشىق جاتىر؛ تاعى بىرنەشەۋى ۇيقىسىراپ سويلەيدى... 63 جاستاعى ۇيعۇر قارت نۇرتاي ءابدىقادىر تىلشىگە بالا كەزىن وسىلاي سۋرەتتەپ بەردى. كەزىندە نۇرتايدى ءيىسقان اپا ەڭ الدىمەن باعىپ العان، ول 60 جىل بويى مەيىر – ماحابباتقا كۋا بولعان.


  1956 – جىلى جاڭا عانا ەكى جاسقا تولعان نۇرتايدىڭ اناسى اۋىر ناۋقاسقا شالدىعىپ، نۇرتايعا قاراي المايدى، اكەسى ۇنەمى مال سوڭىندا بولاتىندىقتان، ونى باعۋى مۇمكىن ەمەس ەدى. مۇنى ەستىگە ءيىسقان نۇرتايدىڭ شەشەسىنە: «الاڭسىز بول، ءوز بالالارىم تاماقتان تارىقپاسا، سەنىڭ بالاڭدى دا اش قالدىرمايمىن»، ـــ دەگەن.


  ءيىسقان نۇرتايدى ۇيىنە اكەلىپ، ءوزىنىڭ ەكى بالاسىمەن بىرگە باققان. نۇرتاي سول كەزدەردى ەسىنە العاندا ىرزالىقپەن: «اپام ءبىزدىڭ قارنىمىزدى اشىرىپ كورگەن جوق، نان تاۋسىلسا، ناننىڭ قوقىمىن سۇتكە شىلاپ بەرەتىن، ءدامى قانداي تاماشا ەدى!» ـــ دەيدى.


  1960 – جىلى سول جەردەگى تۇڭعىش مەكتەپ ءيىسقاننىڭ ءۇيىنىڭ قاسىنان اشىلدى. ءبىراق، مالشىلار جىل بويى كوشىپ – قونىپ جۇرەتىندىكتەن، بالالارىن وقۋعا بەرەيىن دەسە دە، بالالاردىڭ تۇراقتاپ وقۋىنا مۇمكىندىك جوق بولاتىن. سوندىقتان، ولار ۇنەمى ءيىسقاندى ىزدەپ كەلىپ، ءيىسقاننىڭ كومەكتەسۋىن ءوتىنىپ، بالالارىن ونىڭ ۇيىنە جاتقىزىپ وقىتاتىن.


  ەرەنگۇل تولىسبەك قىزى: سول كەزدە ءيىسقان اپامنىڭ اكە – شەشەمنىڭ تىلەگىن جەردە قالتىرماعانىنا قازىرگە دەيىن راحىمەتىم شەكسىز، ـــ دەيدى. 1981 – جىلى باستاۋىش مەكتەپتى بىتىرگەن ەرەنگۇل ءيىسقاننىڭ ۇيىنە كەلىپ تۇرادى. ءۇش جىلدا ەرەنگۇل ۇيىنە ءۇش رەت قانا قايتقان. «جەر الىس، اتپەن ەكى كۇنشىلىك جول، قىستا قار قالىڭ، تەك جازدا عانا قايتاتىنىمىن»، ـــ دەيدى ول.


  ءۇش جىل وتە شىعادى، 1983 – جىلى ەرەنگۇل التاي قالاسىنداعى بەلگىلى ورتا تەحنيكۋمعا وقۋعا تۇسەدى. قازىر التاي قالالىق 1 – مال فەرماسىنىڭ قىزىلتاس بولىمشە فەرماسى باستىعىنىڭ ورىنباسارى مىندەتىن اتقاراتىن ەرەنگۇل: سول كەزدە اپام مەنى ۇيىنە جاتقىزىپ وقىتتى، مەنىڭ ءومىر جولىما جاڭا وراي سيلادى. ونىڭ قامقورلىعىن ماڭگى اقتاي الماسپىن، ـــ دەيدى. (تولىق مازمۇنىن حالىق گازەتىنەن وقىڭىز)


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار