كەدەيلەردى سۇيەمەلدەۋ جاعىنداعى ستيل ماسەلەلەرى 6 جاقتاعى 25 ءتۇرلى ماسەلەدەن بايقالادى
مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ جاۋاپتىسى كەدەيلەردى سۇيەمەلدەۋ جاعىنداعى ستيل ماسەلەلەرى جونىندە سۇحبات بەردى
گازەتىمىز ءتىلشىسى گۋ جۇڭياڭ
2017.12.19 15:28 كەلۋ قاينارى : حالىق تورابى
جۋىردا مەملەكەتتىك كەڭەستىڭ كەدەيلەردى سۇيەمەلدەۋ – كوركەيتۋگە باسشىلىق ەتۋ گرۋپپاسى «كەدەيلەردى سۇيەمەلدەۋ جاعىنداعى ستيل ماسەلەلەرىن ارناۋلى وڭالتۋ جونىندەگى ۇقتىرۋدى» باسىپ تاراتىپ، 2018 – جىلدى كەدەيلىكتەن ارىلتۋدا قامال الۋ شايقاسىنداعى ستيل قۇرىلىسى جىلى ەتىپ بەلگىلەپ، بۇكىل ەلىمىز بويىنشا كەدەيلەردى سۇيەمەلدەۋ جاعىنداعى ستيل ماسەلەلەرىنە ارناۋلى رەتتەۋ جۇرگىزۋدى ماقۇلدادى. «ۇقتىرۋ» قانداي جاعدايدا ورتاعا قويىلدى؟ ارناۋلى وڭالتۋ مازمۇنى مەن شارالارى قايسىلار؟ مەملەكەتتىك كەڭەس كەدەيلەردى سۇيەمەلدەۋ كەڭسەسى امبەباپ ءبولىمىنىڭ مەڭگەرۋشىسى سۋ گوشيا گازەتىمىز ءتىلشىسىنىڭ سۇحباتىن قابىلدادى.
فورماشىلدىق سىندى ستيل ماسەلەلەرى كۇردەلى كەلەدى، مۇنداي ماسەلەلەرگە قاتاڭ شارالار قولدانۋ كەرەك
ءتىلشى: «ۇقتىرۋ» قانداي جاعدايدا ورتاعا قويىلدى؟
سۋ گوشيا: پارتيا 18 – قۇرىلتايىنان بەرى، كەدەيلىكتەن ارىلتۋ قىزمەتىندە وتە زور ىلگەرىلەۋشىلىك بولدى. 2016 – جىل ـــ كەدەيلىكتەن ارىلتۋدا قامال الۋدىڭ العاشقى جىلى، سول جىلى اۋىل – قىستاقتاعى كەدەيلەردىڭ سانىن 10 ميلليوننان استام ازايتۋ مىندەتى تولىق ورىندالدى، كەدەيلىكتەن ارىلتۋدا قامال الۋدىڭ العاشقى شايقاسىندا بۇكىلدەي جەڭىسكە جەتتىك. 2017 – جىلى اۋىل – قىستاقتاعى كەدەيلەر سانىن تاعى دا 10 ميلليوننان استام ازايتۋ مىندەتى جالپى جاقتان ورىندالىپ بولاتىنى ايقىن بولدى. قازىر كەدەيلىكتەن ارىلتۋدا قامال الۋدا جوعارعى جاقتان جوسپارلاۋ نەگىزىنەن ورىندالدى، ءتۇزىلىس پەن مەحانيزم نەگىزىنەن قۇرىلدى، ساياساتتىق شارالار نەگىزىنەن ورتاعا قويىلدى، الداعى جەردە ءىستىڭ تەتىگى وسىنى تياناقتاندىرۋدى مىقتى ۇستاۋدا بولىپ وتىر.
تياناقتاندىرۋدى مىقتى ۇستاۋ ـــ ستيل قۇرىلىسىنىڭ تەتىگى. بىلتىردان باستاپ، ءبىز فورماشىلدىق سىندى ستيل ماسەلەلەرىنىڭ كەدەيلىكتەن ارىلتۋدا قامال الۋ مىندەتىن تياناقتاندىرۋعا ىقپال ەتكەنىن بايقادىق، كەدەيلەردى سۇيەمەلدەۋ كەڭسەسى «كەدەيلەردى سۇيەمەلدەۋ قىزمەتىندەگى فورماشىلدىق سىندى ماسەلەلەردى شەشۋ جونىندەگى ۇقتىرۋدى» جاريالادى، بيىل شىلدە ايىندا تاعى دا «فورماشىلدىقتى ىشكەرىلەي جەڭىپ، نەگىزگى ساتىعا تۇسەتىن قىسىمدى جەڭىلدەتۋ جونىندەگى ۇقتىرۋدى» جاريالادى. الايدا فورماشىلدىق سىندى ستيل ماسەلەلەرى وتە كۇردەلى كەلەدى، ونى وڭالتۋدا، ءسوزسىز، قاتاڭ شارا قولدانۋ كەرەك. سوندىقتان، مەملەكەتتىك كەڭەستىڭ كەدەيلەردى سۇيەمەلدەۋ – كوركەيتۋگە باسشىلىق ەتۋ گرۋپپاسى بۇكىل ەلىمىز كولەمىندە كەدەيلەردى سۇيەمەلدەۋ جاعىنداعى ستيل ماسەلەلەرىن ارنايى رەتكە سالۋعا بەكىدى.
كەدەيلەردى سۇيەمەلدەۋ جاعىنداعى ستيل ماسەلەرى ءار ءتۇرلى، نەگىزىنەن مىناداي 6 جاقتان 25 ءتۇرلى ماسەلە بايقالادى
ءتىلشى: كەدەيلەردى سۇيەمەلدەۋ جاعىنداعى ستيل ماسەلەلەرى نەگىزىنەن قانداي ماسەلەلەر؟
سۋ گوشيا: «ۇقتىرۋدا» كەدەيلەردى سۇيەمەلدەۋ جاعىنداعى ستيل ماسەلەلەرى ءار ءتۇرلى بولىپ، نەگىزىنەن مىناداي 6 جاقتان 25 ءتۇرلى ماسەلە بايقالاتىنى ايتىلعان، مۇنىڭ ىشىندە «ءتورت تانىمنىڭ» السىزدىگى، جاۋاپكەرشىلىكتىڭ ءدال تياناقتانباۋى، قىزمەت شارالارىنىڭ دالمە – ءدال بولماۋى، قىزمەت ستيلىنىڭ تىڭعىلىقتى بولماۋى، قارجى باسقارۋ مەن پايدالانۋدىڭ ءبىر ارناعا تۇسپەۋى، باعالاۋ مەن باقىلاۋدىڭ قاتاڭ بولماۋى سىندى ماسەلەلەر قامتىلادى. تۇپتەپ كەلگەندە، كوپ ءبولىمى فورماشىلدىق پەن تورەشىلدىك بولىپ سانالادى.
مىسالى: كەدەيلىكتەن ارىلتۋ بارىسىندا اپتىقپالىق پەن سوزباقتاتۋ ماسەلەسى، قىزمەت ستيلى تىڭعىلىقتى ەمەس، شىنايى ەمەس،الدامكوستىك ىستەۋ، بارلىعىن ءبىر تاياقپەن ايداۋ، بۇقارانىڭ تىلەگىنە تولىق قۇرمەت ەتپەۋ ماسەلەسى ورىن تەۋىپ وتىر. بۇل ماسەلەلەردىڭ ورىن تەبۋى كەدەيلىكتەن ارىلتۋدا قامال الۋ قىزمەتىن تياناقتاندىرۋعا زور ىقپال ەتىپ، كەدەي بۇقارانىڭ ۇقىق – مۇددەسىنە اۋىر زيان سالىپ، پارتيا مەن ۇكىمەتتىڭ وبىرازىنا اۋىر زالال جەتكىزدى. سوندىقتان، ستيل ماسەلەسى قازىرگى كەدەيلىكتەن ارىلتۋدا قامال الۋ قىزمەتىنىڭ ماڭىزدى فاكتورىنا اينالدى.
ۇزاق ۋاقىتتىق ۇتىمدى وڭالتۋ مەحانيزمىن قۇرۋ، كەدەيلەردى سۇيەمەلدەۋ جاعىنداعى بۇرىس ستيلدەر جونىندە مالىمدەۋ بولادى ەكەن، دەرەۋ سوڭىنا دەيىن تەكسەرۋ كەرەك
ءتىلشى: ارناۋلى وڭالتۋدىڭ نەگىزگى شارالارى قايسىلار؟
سۋ گوشيا: ءبىز توعىز جاقتان شارا قولدانامىز: ءبىرىنشى، بۇكىل ەلىمىز بويىنشا 3 جىل بويى كەدەيلەردى سۇيەمەلدەۋ قىزمەتىندەگى كادرلەردى كۋرسقا قاتىناستىرامىز. ەكىنشى، قىستاقتا تۇرىپ كەدەيلەرگە كومەكتەسۋدى ءبىر ارناعا تۇسىرەمىز. ءۇشىنشى، تەكسەرۋ – زەرتتەۋدى اناعۇرلىم جاقسارتا تۇسەمىز. ءتورتىنشى، نەگىزگى ساتىعا تۇسەتىن قىسىمدى جەڭىلدەتەمىز. بەسىنشى، كەدەيلەردى سۇيەمەلدەۋ – كوركەيتۋ جاعىنداعى ايدىك مالىمەت تەكشەسىن كەمەلدەندىرەمىز. التىنشى، اۋدان دارەجەلى كەدەيلىكتەن ارىلتۋدا قامال الۋ نىسان قورىن قۇرامىز. جەتىنشى، كەدەيلەردى سۇيەمەلدەۋ قاراجاتىنان يگىلىكتەنەتىن نىسانداردى اشىق جاريالاۋ ءتۇزىمىن كەمەلدەندىرەمىز. سەگىزىنشى، باعالاۋدى قاتاڭداتامىز. توعىزىنشى، كورنەكتى ماسەلەلەردى تەكسەرىپ انىقتايمىز.
ءتىلشى: كەدەيلەردى سۇيەمەلدەۋ كەڭسەسى قانداي جاقتاردا «ۇقتىرۋ» مازمۇنى دايەكتى تياناقتاندىرۋدى مىقتى ۇستايدى؟
سۋ گوشيا: 2018 – جىل ـــ ستيل جىلى، بۇل قىزمەتتى ويداعىداي ىستەۋ ءۇشىن، ءبىز، بىرىنشىدەن، قۇجات رۋحىن كەڭ كولەمدە ۇگىتتەۋىمىز كەرەك. ەكىنشىدەن، اتقارۋ جوباسىن جاساۋعا قۋزاۋ سالۋىمىز جانە باقىلاۋىمىز كەرەك. باسشىلىق ەتۋ گرۋپپاسىنا مۇشە ورىندار مەن ءارقايسى ولكە، اۆتونوميالى رايون، توتە قاراستى قالالارداعى كەدەيلەردى سۇيەمەلدەۋگە باسشىلىق ەتۋ گرۋپپالارىنان سايكەستى ناقتى جوبانى بەلگىلەۋدى تالاپ ەتەمىز. ۇشىنشىدەن، اۋىل – قىستاق كادرلەرىنە تەكسەرۋ – زەرتتەۋ جۇرگىزىپ، ولاردىڭ ستيلدى جاقسارتۋ جاعىنداعى ۇسىنىستارى مەن پىكىرلەرىن قابىلدايمىز.
ەڭ سوڭىندا وڭالتۋدىڭ ۇزاق مەرزىمدىك ۇتىمدى مەحانيزمىن قۇرامىز. مالىمدەۋ، تەكسەرۋ ءتۇزىمىن ورناتىپ، اشىق تەكسەرۋ مەن جاسىرىن تەكسەرۋدى ۇيىمداستىرىپ، كەدەيلەردى سۇيەمەلدەۋ جاعىنداعى بۇرىس ستيلدەر جونىندە مالىمدەۋ تاپسىرىپ العان جاعدايدا، ماسەلەنى سوڭىنا دەيىن تەكسەرەمىز. انىقتاۋ جانە اشكەرەلەۋ ءتۇزىمىن ورناتىپ، كەدەيلەردى سۇيەمەلدەۋ جاعىنداعى انىقتالعان ماسەلەلەردى دەر كەزىندە ءتۇرلى جاقتارعا حابارلاندىرامىز. نەگىزگى تۇلعالىق جاۋاپكەرشىلىك پەن باقىلاۋ جاۋاپكەرشىلىگىن قۋزاستىرۋ ءتۇزىمىن ورناتىپ، كەدەيلەردى سۇيەمەلدەۋ جاعىنداعى ستيل ماسەلەلەرى كوپ تۋىلاتىن وڭىرلەر مەن ورىنداردا قاتىستى باسشىلار مەن جەكەلەردىڭ جاۋاپكەرشىلىگىن قۋزاستىرامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
