تاعى قانشا «شياڭتان ەمحاناسى» الباتى اقى الۋدا؟
2017.12.20 13:22 كەلۋ قاينارى : حالىق تورابى
حابارعا قاراعاندا، ۋىن مىرزانىڭ اكەسىنىڭ ميىنا قان قۇيىلىپ، شياڭتان ەمحاناسىنا جاتىپ، 10 ايدان كەيىن قايتىس بولعاندا، ەمحانا 600 مىڭ يۋاننان استام ەمدەۋ قاراجاتىنىڭ تالونىن كەسكەن، كوپتەگەن اقى الۋ تۇرلەرى ءىس جۇزىندىك جاعدايعا ۇيلەسپەگەن. تەكسەرۋ ناتيجەسىنە قاراعاندا، ەمحانانىڭ الباتى اقى العانى شىندىق، وسى ىسكە قاتىستى ءبولىمنىڭ سەسترالار باستىعى مىندەتىنەن قالدىرىلىپ، ۋاقىتتىق بۇعالتىردىڭ مىندەتى اۋىستىرىلعان.
وسىنداي كۇماندى سۇراققا ەمحانانىڭ باعا كەڭسەسى جاۋاپ بەرىپ: «ەمحانا الباتى اقى كەسۋ ارقىلى ەمدەۋ قامسىزداندىرۋىنان قاراجات الداپ الدى دەگەن كۇندە دە، مۇنى ەمدەۋ قامسىزداندىرۋىنا جاۋاپتى مەكەمە باسقارۋى كەرەك» دەگەن، ولارعا مۇنداي قاتاڭ پوزيتسيا بىلدىرەتىندەي باتىلدىق قايدان بىتكەن؟
جەرگىلىكتى دەنساۋلىق ساقتاۋ – جوسپارلى تۋىت مەكەمەسىنىڭ ايتۋىنشا، شياڭتان قالالىق ورتالىق ەمحانانىڭ كۇتىمدەۋ قاراجاتىن، ەمدەۋ ماتەريالدارى قاراجاتىن ارتىق العانى شىندىق. جەرگىلىكتى ەمدەۋ قامسىزداندىرۋى مەكەمەسى بۇل ىسكە قاتىستى ەمحاناعا 3 ەسە تولەم بەرۋ جازاسىن كەستى. حابارعا قاراعاندا، ۋىن مىرزا اكەسىن ەمدەتۋگە 600 مىڭ يۋاننان استام اقشا جۇمساعان، ەمدەۋ قامسىزداندىرۋىنان كوتەرتكەننەن كەيىن ءوز قالتاسىنان كەتكەن اقشا 20 مىڭ يۋان بولعان. بۇل ينفورماتسيادان ەمحانانىڭ ەمدەۋ قامسىزداندىرۋى قاراجاتىن الداپ العانىن كورىپ الۋ قيىن ەمەس.
ەڭ جوعارى سوت پەن ەڭ جوعارى پروكۋراتۋرا شىعارعان «الدامشىلىق قىلمىستىق ىستەر دەلوسىن ءبىرجاقتى ەتۋدە ناقتى قولدانىلاتىن زاڭ جونىندەگى ءبىرقانشا ماسەلەگە تۇسىنىكتەمەدە» مىناداي دەپ انىق بەلگىلەنگەن: «اپاتتان قۇتقارۋعا، حاۋىپتەن اراشالاۋعا، تاسقىننان ساقتانۋعا، قامقورلىق جاساۋعا، كەدەيلەردى سۇيەمەلدەۋگە، بۇقارانى كوشىرۋگە، جىلۋ بەرۋگە، ەمدەۋگە بەرگەن قاراجات پەن زاتتاردى الداپ العاندارعا اۋىر جازا بەرۋ كەرەك».
بيىل جىل باسىندا، مەملەكەتتىك قازىنالىق تەكسەرۋ باسقارماسى ەمدەۋ قامسىزداندىرۋى قورىنىڭ ەسەبىن تەكسەرۋ ناتيجەسىن جاريالادى، بۇل قۇجاتقا قاراعاندا، ءىشىنارا بەلگىلەنگەن قۇرىلىمدار مەن جەكەلەر ەمدەۋ قامسىزداندىرۋى قورىنان قاراجات الداپ العان. مىسالى: بەلگىلەنگەن ەمدەۋ قۇرىلىمدارى مەن بەلگىلەنگەن ءدارى – دارمەكتى بولشەك ساتۋ دۇكەندەرىنەن 923 ورىن جالعان ەمدەۋ، ەمحانا ەسەبىن كوپ رەت ءۇزۋ قاتارلى تاسىلدەرمەن ەمدەۋ قامسىزداندىرۋى قاراجاتىنان 207 ميلليون يۋان الداپ الىپ، ءوز ورىندارىنىڭ كىرىسىنە قوسقان، ازداعان جەكەلەر سىرت جەردە ەمدەلۋ تالونىن جالعاننان كەسۋ ءتاسىلى ارقىلى ەمدەۋ قامسىزداندىرۋى قاراجاتىنان 10 ميلليون 71 مىڭ 100 يۋاندى الداپ العان. بۇدان ءبىز ەمدەۋ قامسىزداندىرۋى قاراجاتىن الداپ الۋدىڭ تەك ءبىرسىپىرا ەمدەۋ قۇرىلىمدارى عانا قالىپتاستىرعان ارەكەت ەمەس ەكەنىن بىلەمىز، باقىلاۋ قۇرىلىمدارى مۇنداي ىستەردى توقتاتۋدان سىرت، ءونىمدى ساقتانۋ شارالارىن قولدانۋ تىپتەن قاجەت؛ ىسكە قاتىستى قۇرىلىمداردان رەتتەۋ جۇرگىزۋدى تالاپ ەتۋدەن تىس، ىسكە قاتىستى جەكەلەردىڭ زاڭدىق جاۋاپكەرشىلىگىن قۋزاستىرۋ قاجەت.
باس شۋجي شي جينپيڭ كەزىندە ىسكە شاتىلعان ءمانساپتىلاردى قاتتى ايىپتاپ: «كەي جەردە كەدەيلەردى سۇيەمەلدەۋگە، اۋىل شارۋاشىلىعىنا، ەمدەۋ قامسىزداندىرۋىنا، ەڭ تومەنگى تۇرمىس دەڭگەيىن قامتاماسىزداندىرۋعا قاتىستى قاراجاتتارعا قيانات جاساۋ، ونى باسقاعا پايدالانۋ ىستەرى بار ەكەن، ونىڭ ۇستىنە وسى اقشالاردان پايدالانىپ پارا بەرىپ، ءمانساپ ساتىپ الادى ەكەن، بۇقارانىڭ <كۇن كورىس قاراجاتى> ءىشىنارا كادرلاردىڭ <ءمانساپ ساتىپ الاتىن> قاراجاتىنا اينالىپتى...مۇنداي جەكسۇرىن ارەكەتتەر ادامدى تىكسىندىرەدى»، ـــ دەگەن بولاتىن.
ايتۋعا تاتيتىنى، بيىل جىل باسىندا، شياڭتان قالاسى «شياڭتان قالالىق حالىق ۇكىمەتى كەڭسەسىنىڭ <شياڭتان قالاسىنىڭ قالا – اۋىل تۇرعىندارىنىڭ ەمدەۋ قامسىزداندىرۋى قاراجاتىن الداپ الۋ ىستەرى جونىندەگى قاتاڭ انىقتاۋ ارناۋلى ارەكەتىن اتقارۋ جوباسى> جونىندەگى ۇقتىرۋى» قاتارلى قاتىستى قۇجاتتاردى باسىپ تاراتقان. ىلە – شالا، شياڭتان ەمدەۋ قامسىزداندىرۋىن زەردەلى باقىلاۋ جۇيەسى ىسكە قوسىلعان، ەمدەۋ قۇرىلىمدارىندا ارتىق ەمدەۋ، ەمدەۋ قامسىزداندىرۋى قاراجاتىن الداپ الۋ ارەكەتتەرى بار ما، جوق پا، مۇنى ەمدەۋ قامسىزدانداندىرۋى تاراۋلارى تەكسەرسە بولدى انىقتاي الادى. الايدا، نەلىكتەن شياڭتان قالالىق ورتالىق ەمحاناسىنىڭ الباتى اقى الۋ نەمەسە ەمدەۋ قامسىزداندىرۋى قاراجاتىن الداپ الۋ ماسەلەسىن شەكتەي الماعان؟
ۋىن مىرزانىڭ: مەنىڭ اكەم مەملەكەت كادرى بولعاندىقتان، ەسەپتەن كوتەرتە الادى، ءبىراق، باسقالار قايتەدى؟ ەمدەۋ قامسىزداندىرۋىنا قاتىناسپاعاندار قايتەدى؟ ولار ناۋقاسىن ەمدەتە الا ما؟ ەمدەۋ قامسىزداندىرۋىنان پايدالانعانى ءۇشىن الباتى اقى الۋ دۇرىس پا؟ ـــ دەگەن سۇراۋلارى ادامعا وي سالادى، وعان تاتىمدى جاۋاپتى كىم بەرە الادى؟ ەمدەۋ قامسىزداندىرۋىنىڭ شەتىنەن كەمىرە بەرۋگە توزە بەرسەك، بۇل ازداعان ادامداردىڭ قالتاسىن قامپايتىپ، كوپ ادامدى سورلاتادى. بۇقارانىڭ كۇن كورىس قاراجاتىنىڭ ءبىر تيىنىن دا قىمقىرۋعا جول جوق، ەگەر قىلمىستىق ىستەر زاڭىنا قايشى كەلسە، ءسوزسىز، قاتاڭ جازالاۋ كەرەك. باقىلاۋ – باسقارۋ تاراۋلارىنىڭ بۇل ءىستى سوڭىنا دەيىن تەكسەرۋىن جانە قاتاڭ دا ناقتى ءتۇزىم ورناتىپ كەپىلدىك ەتۋىن ، بۇقارانىڭ كوڭىلىن ورنىقتىرۋىن ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
