كادرلار مەن بۇقارا ۋيچات تۇعىرىن كۇشپەن قوستىرۋدان مەزى بولدى
2018.01.09 13:32 كەلۋ قاينارى : حالىق تورابى
جۋىردا نەگىزگى ساتىعا احۋال ۇعىسۋ جانە تەكسەرۋ جۇرگىزۋ سەبەبىمەن بارعانىمىزدا، ءىشىنارا مەكەمەلەر مەن ءىسورىنداردىڭ ۋيچات تۇعىرى، APP سىندى وسىزامانعى ينفورماتسيا تاسىلدەرىنەن پايدالانىپ ساياساتتى ۇگىتتەپ، ۇكىمەت قىزمەتىن جاريالاپ وتىرعانىن ۇعىستىق، بۇل بۇقارانىڭ ءىس بىتىرۋىنە قولايلى جاقسى ءىس ەكەن. ءبىراق، ءىشىنارا مەكەمەلەر مەن ءىسورىندارى قاتتامدار بويىنشا مىندەت بەكىتىپ، قولفونعا ورناتۋدى، تۇعىرعا قوسىلۋدى كۇشپەن تالاپ ەتەدى ەكەن. APP، ۋيچات تۇعىرىنىڭ كەيبىرەۋىن مەكەمەلەر قۇرعان، كەيبىرەۋىن جەرگىلىكتى ورىن قۇرعان، كەيبىرەۋىن ءبىر مەكەمە بەلگىلى قيمىل ءۇشىن قۇرعان. بۇقارا ءىس بىتىرگەلى كەلسە، ولاردان الدىمەن APP ورناتۋدى، قولفون نومىرىمەن تىركەلۋدى، جەكەلىك ينفورماتسياسىن تولتىرۋدى تالاپ ەتەدى، كەيدە ءتىپتى كۇشپەن 100 ~ 200 ادامعا ورناتقىزۋ مىندەتىن قويادى.
مۇنداي ءتارتىپ وتە كۇردەلى، ۋاقىتتى جەگەنمەن قويماي، بۇقارانىڭ تور اعىمىن جانە تەلەفون اقىسىن سارىپ قىلادى، بۇعان بۇقارانىڭ پىكىرى كۇشتى. نەگىزگى ساتىداعى كادرلار قىزمەتكە شىققاندا، ءتۇرلى APP جانە ۋيچات تۇعىرلارىن اشۋى، دوستار شەڭبەرىنە جولداۋى، جۇرەكشە جيناۋى جانە ونى قيىپ الىپ، باستىققا اڭىس ەتۋى كەرەك، ولار دا بۇدان ابدەن مەزى بولعان.
مەكەمەلەر مەن ءىسورىندارىنىڭ APP جانە ۋيچات تۇعىرلارىن زورلىقپەن جالپىلاستىرۋىنا شۇعىل نازار اۋدارۋىمىز كەرەك. ەڭ الدىمەن، ۇكىمەت APP جانە ۋيچات تۇعىرى سىندى ينفورماتسيا تاسىلدەرىن ىسكە قوسقاندا، جوعارىنىڭ جوبالاۋىن كۇشەيتۋى، ۇيعارىمدى، نىساندى ساراپتاۋدى جانە اڭىس ەتۋ مەحانيزمىن كەمەلدەندىرۋى كەرەك. بۇقارانىڭ قاجەتىن شىعار ءتۇيىن ەتىپ، بۇقارانىڭ اڭىس بىلدىرەتىن ارناسىن ىركىلىسسىزدەندىرۋ كەرەك. قىزمەت ءتۇيىنىن ەكونوميكانىڭ دامۋ ساپاسىن ارتتىرۋ مەن حالىق تۇرمىسىن ۇزدىكسىز جاقسارتۋ جاعىنا يكەمدەۋ كەرەك، ات ۇستىلىكتەن، كوز الداعىنى عانا ويلاۋدان اۋلاق بولۋ كەرەك.
ونان كەيىن، ۇكىمەتتىڭ ينفورماتسيالاندىرۋ قۇرىلىسىن جاي عانا اكىمشىلىك قۇرىلىم بويىنشا جۇرگىزبەۋ كەرەك، ول عالامتوردىڭ ەرەكشەلىگىنە جانە سيفرلى دەرەكتەردىڭ قاسيەتىنە ساي كەلۋى كەرەك، سيفرلى دەرەكتەردى ۇيلەسىمدى تۇردە جاريالاپ، نارىقتىڭ قاجەتى بويىنشا قاتىستى عالامتور تاسىلدەرىنەن پايدالانۋ جانە قىزمەت كورسەتۋمەن قامداۋ كەرەك، بۇقاراعا قىزمەت كورسەتۋ سىندى باستى ماقساتتان اۋىتقىپ، اكىمشىلىك تاسىلمەن كۇشپەن جالپىلاستىرماۋ جانە قولفونعا ورناتۋدى مىندەتتەمەۋ، جاڭا مەديادان پايدالانعان فورماشىلدىقتان ساق بولۋ كەرەك. ۇشىنشىدەن، سان قۇبىلعانعا، سىرتى جىلتىراعان ساياسي ناتيجەنىڭ سوڭىنا تۇسۋگە، فورماشىلدىققا اۋەس مەكەمەلەر مەن ءىسورىندارىن قاتاڭ تەكسەرىپ انىقتاۋ، وسى ارقىلى سەس كورسەتۋ اسەرىن قالىپتاستىرۋ كەرەك.
سىچۋان ولكەسى لۋجوۋ قالاسىنان لي شياۋبو، چىن شۋەچياڭ
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
