60 جاستاعىلاردى جىلدىق ەڭبەك اقىسى 400 مىڭ يۋانمەن جۇمىسقا قابىلداۋ
الي - بابا توبىنىڭ قىزمەتكەر قابىلداۋ جارناماسى قىزۋ تالقىعا اينالدى
2018.01.19 14:28 كەلۋ قاينارى : حالىق تورابى
حالىق تورابى، 19 – قاڭتار، بەيجيڭ. 16 – قاڭتار الي - بابا توبىنىڭ رەسمي تورابىندا جاريالانعان قىزمەتكەر قابىلداۋ جارناماسى قىزۋ تالقىعا اينالدى. جارناما مازمۇنى بىلاي: جىلدىق ەڭبەك اقىسى 350 مىڭدا 400 مىڭ يۋان ارالىعىندا، جاسى 60تان اسقانداردان تاۋباۋ سەنىمدى تۇتىنۋشىلارىن زەرتتەيتىن ارناۋلى ەكى مامان قابىلدايمىز. كاسىپتىك ادامداردىڭ ايتۋىنشا، بۇل قىزمەتكەر قابىلداۋ جارناماسى ەلەكترون ساۋدا تەكشەسىنىڭ، ينتەرنەت كاسىپورىنداردىڭ ورتا جاستاعىلار مەن قارتتاردىڭ تۇتىنۋ زور اۋقىمىنا نازار اۋدارا باستاعاندىعىن بىلدىرەدى.
بۇل قىزمەتكەر قابىلداۋ جارناماسىنىڭ ناقتى تالاپتارى تومەندەگىدەي: جاسى 60تان اسقان بولۋى كەرەك، وقۋ تاريحىنا شەك قويىلمايدى، ىستەگەن قىزمەتىنە شەك قويىلمايدى، بالا – شاعاسىمەن قارىم - قاتىناسى جاقسى بولۋى كەرەك، ورتا جاستاعىلار مەن قارتتاردان ۇنەمى ارالاساتىن دوستار شوعىرى بولۋى، وسى شوعىر ىشىندە ءبىرشاما ىقپالدى بولۋى كەرەك، ءبىر جىلدان جوعارى توراپتا زات ساتىپ العان تاجىريبەسى بولۋى كەرەك، ءۇش جىلدىق توراپتا زات ساتىپ العان تاجىريبەسى بارلار الدىمەن ويلاستىرىلادى، ت.ب. جارنامادا تاعى جىلدىق ەڭبەك اقىسىنىڭ 350 مىڭدا 400 مىڭ يۋان ارالىعىندا بولاتىندىعى ايتىلعان، سونىمەن بىرگە ەسكەرتپەگە KOL الاڭ ءبيىن بيلەي الاتىندار، تۇرعىندار كوميتەتىنىڭ مۇشەلەرى الدىمەن ويلاستىرىلادى دەلىنگەن.
الي - بابابا توبىنىڭ ايتۋىنشا، قىزمەتكەر قابىلداۋ جارناماسى جاريالانعان سوڭ، قىرۋار ادامنىڭ قىسقاشا ٶمىر بايانىن تاپسىرىپ العان. «ءبىرىنشى اينالىمداعى سارالاپ تاڭداۋدان كەيىن، ءبىز تالاپقا ۇيلەسەتىن ورتا جاستاعىلار مەن قاتتاردى باسقالاي ۋاقىت ورنالاستىرىپ بەتپە – بەت ەمتيحانعا شاقىرامىز، سونداي – اق، باقشا رايونى مەن تاۋباۋ ونىمدەر مەڭگەرۋشىسى ىشكەرىلەي اڭگىمەلەسەدى، رەسمي قابىلداناتىن نەمەسە قابىلدانبايتىنى ەڭ سوڭىندا بەلگىلى بولادى» دەدى.
حاڭجوۋ ميڭجۇي ماماندار قاراستىرۋ سەرىكتىگىنىڭ باس مەڭگەرۋشىسى شىن ميڭۇيەنىڭ ايتۋىنشا، الي - بابانىڭ بۇل جولعى قىزمەتكەر قابىلداۋدا بازارداعى كوزەۋلى تۇتىنۋشىلاردى نىسانا ەتە وتىرىپ، 60 جاستان اسقان ورتا جاستاعىلار مەن قارتتاردى تاڭداۋى ۇقساس جاستاعى جۇمىسشىلار ارقىلى ورتا جاستاعىلار مەن قارتتاردىڭ تالابى مەن قىزىعۋىن دۇرىس يگەرۋ ءۇشىن، سونىمەن بىرگە بۇل جىلجىمالى ينتەرنەتتىڭ دامۋىنا ىلەسىپ، ورتا جاستاعىلار مەن قارتتاردىڭ تۇتىنۋشىلار شوعىرى بارعان سايىن ماڭىزدى بولىپ بارا جاتقاندىعىن بىلدىرەدى.
ءىس جۇزىندە، بۇرىن كەبيىر ەلەكترون ساۋدا تەكشەلەرى جاريالاعان ەلىمىز قارتتارىنىڭ زات ساتىپ الۋىنا قاتىستى ۇلكەن ساندى مالىمەتتەردەن دە، «اق سامايلىلاردىڭ» ەلىمىزدىڭ ينتەرنەتتىك تۇتىنۋىنداعى جاڭا ارتۋ تۇيىنىنە اينالىپ بارا جاتقاندىعىن بايقاۋعا بولادى.
تەز قارقىنمەن ارتىپ بارا جاتقان ساندى مالىمەتتەن ورتا جاستاعىلار مەن قارتتاردىڭ جىلجىمالى ينتەرنەت قوعامىنا ٶز ەركىمەن ارالاسىپ كەلە جاتقاندىعىن كورەمىز. جىفۋباۋ 2017 – جىلى ەلىمىزدە ون مىڭعا تاياۋ ورتا جاستاعىلار مەن قارتتارعا «ينتەرنەتتىڭ جاڭا جاعدايىنا» رازىلىعى جونىندە تەكسەرۋ جۇرگىزگەندە، 90 پايىزعا تاياۋ ادام وسىنداي جاڭا جاعدايدى ٶز ەركىمەن قىزىعا ۇيرەنەتىندىگىن ايتقان.
جۇڭگو ەلەكترون ساۋدا ىستەرىن زەرتتەۋ ورتالىعىنىڭ مەڭگەرۋشىسى ساۋ لەيدىڭ ايتۋىنشا، قوعامنىڭ قارتتانۋ جاعدايى اۋىرلاسۋ بارىسىندا، ەلەكترون ساۋدا تەكشەسى، ينتەرنەت كاسىپورىندارى قارتتار مەن ورتا جاستاردان قۇرالعان وسى ءبىر كولەمدى تۇتىنۋشىلار شوعىرىنا بارعان سايىن ءمان بەرۋدە. «ءبىر جاعىنان، زەردەلى قولفون مەن جىلجىمالى اقى تولەۋ فورماسىنىڭ جاپپاي جالپىلاسۋىنا ىلەسىپ، قارتتار دا قاتتى بولشەك پەن قابىلەتتىك قامالىن اقىرىن - اقىرىن بۇزدى، كەيبىرەۋى اۋەلى توراپتان زات ساتىپ الۋ ادەتىن قالپتاستىردى، ەندى ءبىر جاعىنان، ەلەكترون ساۋدا تەكشەسى جونىنەن الىپ ايتقاندا، بۇل توپ استە ەلەۋسىز قالدىرۋعا بولمايتىن تۇتىنۋدىڭ جاڭا ارتۋ ءتۇيىنى».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
