بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>قوعام

سيعا سي جاسا، سي – سياپاتتى قارىز دەپ ساناما

شىڭ يۇيلەي

2018.01.19 14:57     كەلۋ قاينارى : حالىق تورابى

  «الاعان قولىم بەرەگەن»، «جاقسىلىق ەتسە ەل ساعان، تيتتەي دە بولسا ۇمىتپا»، جۇڭگونىڭ ادامدار اراسىنداعى بارىس – كەلىس جونىندە ەڭ قاراپايىم ۇستانىمى وسى، كەي جەردە وسىنداي ارالاستىق سي - سياپاتىنىڭ بارعان سايىن باسقا ءتۇس الىپ كەلە جاتقانى ادامدى ويلاندىرادى.


  مىسالى، كەي قىستاقتاردا قۋانىش ۇستىندە استا – توك داستارقان جاياتىن، بالاسى جوعارى مەكتەپكە وتە الماسا جۇبانىش شارابىن ىشەتىن، بالاسى ومىر ەسىگىن اشپاي جاتىپ تىلەۋ شارابىن ىشەتىن، ءتىپتى ەشكىسى لاق تۋسا دا قوناق شاقىراتىن ادەت قالىپتاستى؛ كەي جەردە قالىڭمالدى وتە كوپ الادى، «ون مىڭ كۇلگىن، مىڭ قىزىل» (حالىق اقشاسىنىڭ كۇلگىنىنەن 10 مىڭ، قىزىلىنان 1000 دانا، جيىنى 150 مىڭ يۋان)، «جاڭاشا ءۇش التىن» (بۇرىنعىداي التىن جۇزىك، التىن سىرعا، التىن القا ەمەس، ءجۇز يۋاندىقتان 3 جىڭ، شامامەن 100 مىڭ يۋان)، «ءبىر جىلجيتىن مەن ءبىر تۇراقتى» (جىلجيتىنى ماشينا، تۇراقتىسى ءۇي) دەگەن سالتتار جارىققا شىقتى؛ كەي جەردە ارالاستىق سي – سياپاتتىڭ قايتارىمىن اسىرا بەرۋ ەتەك الدى، بۇل جولى ارالاستىق سي – سياپاتى رەتىندە 1000 يۋان الساڭىز، كەلەسى جولى ءسىز وعان سي – سياپات بەرگەندە 1200 يۋان بەرۋىڭىز كەرەك ...


  ءبىر ديحاننىڭ: جىل بويى تەر توگىپ، 10 مۋ جەردەن تاپقان كىرىسىمنىڭ ءبارىن وسىنداي سي – سياپاتپەن تاۋىستىم، ـــ دەپ كۇرسىنگەنىنە كۋا بولدىم. «كوڭىل جەتسە قازان – وشاعىن دا سۇراپ الاسىڭ»، «سي – سياپاتتىڭ ءوسىمى جوق، سيعا سي، سىراعا بال» دەسەك تە، جاڭاعىداي ارالاستىق باستاپقى قاسيەتىن جويىپ، ادامعا سالماق تۇسىرەتىن سي – سياپات قارىزىنا اينالىپ بارا جاتقانداي.


  قادىرى مەن قىمباتىن سەزىنە بىلگەن ارالاستىق قانداي جاقسى. مۇنداي سيلاستىقتىڭ توركىنى ـــ ادامگەرشىلىك، ول شىنايى سەزىم مەن پسيحيكانىڭ بەينەلەنۋى.


  جايشىلىقتاعى ءاربىر ەستە قالارلىق ساتتەردە تۋىس – تۋعان، دوس – جارانمەن باس قوسۋ قالىپتى جاعداي. توست كوتەرگەندە تاتاتىنىڭ شاراپ قانا ەمەس، ونى سيلاستىقتىڭ سيى دەپ ءبىل. وسىنداي سيلاستىقتىڭ ارقاسىندا ادامدار ءبىر – بىرىمەن كوڭىلىن توعىستىرىپ، ورنىقتى قوعامدىق قارىم – قاتىناس ورناتىپ، وسى ارقىلى ءبىر – بىرىنە ارقا سۇيەيدى.


  «تانىس – ءبىلىس كوبەيدى، ناعىز دوستار ازايدى». ادامدار اراسىنداعى مەيىرگە تولى قارىم – قاتىناستى اڭساپ وتىرىپ، ارالاس – قۇرالاستىقتىڭ ازايىپ بارا جاتقانىن سەزەسىڭ. سيعا سي جاساعان جاقسى، سي – سياپاتتى قارىز دەپ ويلاماۋ كەرەك، سالت – ءداستۇر مەن ناشار ادەتتىڭ شەت – شەكاراسىن پارىقتاۋىمىز، قانداي ادەت ۇيرەنۋىمىزگە تاتيدى، قانداي ادەتكە قارسى تۇرۋىمىز كەرەك ەكەنىن ءبىلۋىمىز قاجەت.


  جۋىردا اشىلعان ورتالىقتىڭ اۋىل – قىستاق قىزمەتى جونىندەگى اڭگىمە ماجىلىسىندە اۋىل – قىستاقتاعى ناشار ادەتتەردى كوزدە ۇستاي وتىرىپ، زاماننان قالعان ادەتتەردى وزگەرتۋ، ديحانداردىڭ رۋحاني الەمىن جوعارىلاتۋ، وركەنيەتتى اۋىل سالتىن، ۇلگىلى شاڭىراق ءداستۇرىن، قاراپايىم بۇقارا ستيلىن قالىپتاستىرۋ، اۋىلدار مەن قىستاقتاردا قوعامدىق وركەنيەت ءۇردىسىن ۇزدىكسىز جوعارىلاتۋدى ورتاعا قويدى ءارى مۇنى اۋىل – قىستاقتاردى كوركەيتۋ ستراتەگياسىنىڭ ماڭىزدى قۇرامداس بولەگى ەتىپ بەلگىلەدى. وتە جوعارى سي – سياپاتقا قارسى تۇرۋ، وتە جوعارى قالىڭمالعا قارسى تۇرۋ، استا – توك ىسىراپشىلدىققا قارسى تۇرۋ، توي – تومالاق پەن ءنازىر – قۇزىردى استا – توك وتكىزۋگە قارسى تۇرۋ بۇل دارىپتەمەنىڭ باستى تاقىرىبى بولىپ تابىلادى. ۇيرەنگەن ادەتتى وزگەرتۋ قيىن، ونىڭ تەتىگى حالىقتا، سي – سياپاتتى قارىز سەزىنەتىن مۇنداي نىسايعا ورىن قالدىرمايىق، شىنايى سيلاستىقتى قايتا قالپىنا كەلتىرەيىك.


  شىنايى سيلاستىق دەگەن استا – توك قوناعاسى مەن تارتۋ – تارالعىدا تۇرعان جوق. سي – سياپاتتىڭ تونىن جامىلعان ناشار ادەتتىڭ قامالىنان شىعىپ، سي – سياپاتتىڭ شىرماۋىنا تۇسپەستەن، جاڭا داۋىردەگى جاقسى ستيلمەن العا قادام باسايىق.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار