شينجياڭ ساياسي كەڭەس مۇشەسى كەدەيلەردى سۇيەمەلدەۋ جايلى مىناداي پىكىر ءبىلدىردى:
بالىق اۋلاپ بەرگەننەن كورى، بالىق اۋلايتىن قارماق بەرگەن ابزال
2018.01.25 14:48 كەلۋ قاينارى : حالىق تورابى
حالىق تورابى، 25 – قاڭتار، بەيجيڭ. ءتاڭىرتاۋ تورابى حابارلايدى: پارتيا 19 – قۇرىلتايىندا كەدەيلىكتەن ارىلتۋدا قامال الۋ شايقاسىنىڭ جەڭىسىنە ءسوزسىز قول جەتكىزۋىمىز كەرەك دەپ اتاپ كورسەتىلدى. كەدەيلەر مەن كەدەي وڭىرلەردى بۇكىل ەلىمىزبەن بىرگە دوڭگەلەك داۋلەتتى قوعامعا جەتكىزۋ ـــ پارتيامىزدىڭ ايبىندى سەرتى.
شينجياڭنىڭ ەكى ءماجىلىسى مەزگىلىندە «كەدەيلەردى ءدالمە – ءدال سۇيەمەلدەۋ» ساياسي كەڭەس مۇشەلەرى بارىنشا كوڭىل بولگەن ماسەلەلەردىڭ ءبىرى بولدى. كوپتەگەن ساياسي كەڭەس مۇشەلەرى: بالىق اۋلاپ بەرگەننەن كورى، بالىق اۋلايتىن قارماق بەرگەن ابزال، كەدەيلىكتەن ارىلتۋدا قامال الۋدى جىگەرلەندىرۋ جانە اقىل – كەڭەس بەرۋمەن سايكەستىرگەن ءجون، ـــ دەپ قارادى.
كەدەيلىكتەن ارىلتۋدا قامال الۋعا بار قايراتىمىزدى سالۋىمىز كەرەك
23 – قاڭتار كۇنى شينجياڭ ۇيعۇر اۆتونوميالى رايوندىق ەكى ماجىلىستە اۆتونوميالى رايوندىق ساياسي كەڭەس مۇشەسى، اۆتونوميالى رايوندىق پارتكوم بىرلىكساپ ءبولىمى باستىعىنىڭ ورىنباسارى، اۆتونوميالى رايوندىق ساۋدا – ونەركاسىپ بىرلەستىگىنىڭ (باس ساۋدا قوعامى) پارتگرۋپپا شۋجيى شيە شۋان ءتىلشىنىڭ سۇحباتىن قابىلداعان كەزدە: كەدەيلىكتەن ارىلتۋدا قامال الۋ ـــ ءكەلەلى ساياسي مىندەت، جالپىلىق مەنشىككە جاتپايتىن كاسىپورىنداردى كەدەيلىكتەن قامال الۋعا بەلسەندى تۇردە ارالاستىرۋ ـــ اۆتونوميالى رايوندىق ساۋدا – ونەركاسىپ بىرلەستىگىنىڭ بۇلجىماس جاۋاپكەرشىلىگى جانە بورىشى، ـــ دەدى.
شينجياڭ ۇيعۇر اۆتونوميالى رايوندىق ونەركاسىپ – ساۋدا بىرلەستىگى 2016 – جىلى اۆتونوميالى رايوندىق كەدەيلەردى سۇيەمەلدەۋ كەڭسەسىمەن بىرگە «مىڭ كاسىپورىن مىڭ قىستاققا كومەكتەسۋ» اتىنداعى كەدەيلەردى دالمە – ءدال سۇيەمەلدەۋ قيمىلىن ۇيىمداستىرىپ، ءار دارەجەلى، ءتۇرلى ساۋدا قوعامدارى مەن حالىقتىق كاسىپورىنداردى وڭتۇستىك شينجياڭداعى اۋىل – قىستاقتارعا ىشكەرىلەي ارالاسۋعا، جەرگىلىكتى جاعدايمەن ۇشتاستىرا وتىرىپ، ءوز ارتىقشىلىقتارىن ساۋلەلەندىرىپ، ەرەكشەلىككە يە ءوندىرىستى كۇش سالا دامىتىپ، كاسىپتەنۋگە باۋراۋ، ساۋدا – ساتتىق جاعىندا سۇيەمەلدەۋ، شاعىن سومادا قارىز بەرۋ ارقىلى كومەكتەسۋ، الەۋمەتتىك يگىلىك سيپاتىندا جىلۋ اتاۋ، جۇپ قۇراپ- تۋىس تابۋ سىندى تاسىلدەر ارقىلى ناقتى شارالارمەن وڭتۇستىك شينجياڭداعى كەدەي قىستاقتارعا باعىتتامالى تۇردە كومەكتەسۋگە ۇيىمداستىردى.
قازىرگە دەيىن، بۇكىل شينجياڭدا 1666 حالىقتىق كاسىپورىن ارحيۆ تۇرعىزىلىپ كارتۋچكا تاراتىلعان 830 كەدەي قىستاققا كومەكتەستى، كومەككە يە بولعانداردىڭ سانى 169 مىڭ ادامعا جەتتى، ءتۇرلى كومەكتەسۋ نىساندارىنا 630 ميلليون يۋان قارجى قوسىلىپ، 5689 ادامنىڭ كاسىپتەنۋى ماسەلەسى شەشىلدى، كومەكتەسۋ قىزمەتى ناقتى ناتيجەگە قول جەتكىزدى. «مىڭ كاسىپورىن مىڭ قىستاققا كومەكتەسۋ» نىسانى اۆتونوميالى رايوننىڭ ون ءىرى ارناۋلى ارەكەت جوسپارى قاتارىنا ەنگىزىلدى.
شيە شۋان بىلاي دەپ قارايدى: قازىر وڭتۇستىك شينجياڭداعى ءتورت ايماق – وبلىستى ورنىقتى تۇردە كەدەيلىكتەن ارىلتۋدى ىسكە اسىرۋدىڭ كىلتى ـــ بايلىق شارت -جاعدايىن، وتە – موتە، اۋىل شارۋاشىلىعى ونىمدەرى بايلىعى سىندى ارتىقشىلىق پەن جىبەك جولى ەكونوميكالىق بەلدەۋىنە ورنالاسۋ سىندى باسىمدىلىقتى شىعار ءتۇيىن ەتە وتىرىپ، كەدەيلەردى ءوندىرىس ارقىلى سۇيەمەلدەۋ نىساندارىن عىلمي تۇردە جوسپارلاۋدا. كوشباسشى كاسىپورىنداردىڭ، كوپەراتيۆتەردىڭ، ىرگەلى وتباسىلىق شارۋاشىلىق ورىندارىنىڭ جەتەلەۋ رولىن تولىق ساۋلەلەندىرىپ، مۇددەمەن بايلانىستىرۋ مەحانيزمىن كەمەلدەندىرىپ، كەدەي ديحان وتباسىلارىنىڭ قاجەتتى تيىمدىلىككە كەنەلۋىنە كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
