ستۋدەنت قارىزدىڭ شىرماۋىنا شاتىلىپ، 13 مىڭ يۋان قارىزى ميلليون يۋانعا وسكەن
2018.05.02 14:05 كەلۋ قاينارى : حالىق تورابى
حالىق تورابى، 2 – مامىر، بەيجيڭ. «زاڭ - ءتۇزىم گازەتىنىڭ» حابارلاۋىنشا، جۋىردا گۋاڭدۇڭ ولكەسى شىنجىن قالاسى نانشان رايوندىق حالىق پروكۋراتۋراسى ستۋدەنتتەردى قارىز بەرۋ ارقىلى شىرعاعا ءتۇسىرۋ دەلوسى جونىندە قولعا الۋ بۇيرىعىن بەكىتىپ، الدامكوستىك ىستەۋ ، سويقان شىعارۋ سىندى كوپ ءتۇرلى قىلمىس بويىنشا، قازىرگە دەيىن وسى دەلوعا قاتىستى قىلمىس كۇماندىلارىنان 11 ادامدى قولعا الۋدى بەكىتتى.
زيانعا ۇشىراۋشىنىڭ ءبىرى شىنجىن قالاسىنداعى بەلگىلى جوعارى مەكتەپتىڭ ستۋدەنتى بولىپ، عالامتوردا قۇمار تىگۋ ويىنىنا بەرىلىپ، اكە – شەشەسى بەرگەن تۇرمىستىق قاراجاتتى پايدالانىپ بولعاننان سىرت، ءبىرتالاي قارىزعا بۋىلعان، ول ساباقتاسىنىڭ تانىستىرۋى بويىنشا، مەكتەپ سىرتىنداعى بەلگىلى قارىز بەرۋ سەرىكتەستىگىنەن قارىز العان، كەيىن قارىزدى دەر كەزىندە قايتارا الماعاندىقتان، قىسقا عانا ەكى اي ىشىندە، قارىزى 6000 يۋاننان 100 نەشە مىڭ يۋانعا ءوسىپ، 20 نەشە ەسە ارتقان.
زيانعا ۇشىراعان تاعى ءبىر وقۋشى قول كومپيۋتەر الۋ ءۇشىن ساباقتاسى ارقىلى قارىز بەرۋ سەرىكتەستىگىنەن قارىز العان، 2015 – جىلدان باستاپ، باستابىندا العان 13 مىڭ يۋان قارىزى بىرتىندەپ جينالا كەلە ءبىر ميلليون يۋاننان اسىپ، 100 ەسەگە جۋىق ارتقان.
ستۋدەنتتەر ءۇستى - ۇستىنە جامالا بەرگەن قارىزدى قايتارا الماعان كەزدە، قارىز بەرۋ سەرىكتەستىگى جەكەلىك ينفورماتسياسى بويىنشا ستۋدەنتتەردىڭ اتا – اناسىن تاۋىپ، ولارعا قۇقاي كورسەتىپ، قارىزدى قايتارۋعا ماجبۇرلەيدى.
ۇعىسۋعا قاراعاندا، ستۋدەنتتەرگە قارىز بەرەتىن مۇنداي تەكشەلەر زيانعا ۇشىراۋشىلاردان تەك اتالعان زاڭسىز تەكشەگە نەمەسە قارىز بەرۋشىگە وقۋشىلىق كۋالىگى مەن ازاماتتىق كۋالىگىن بەرۋدى، سونىمەن بىرگە، وتباسىنداعىلاردىڭ تەلەفون ءنومىرىن، ياكي، ۇنەمى حابارلاساتىن ادامنىڭ تەلەفون ءنومىرىن بەرۋدى سۇرايدى، تەك وسى ينفورماتسيالاردى بەرۋ ارقىلى عانا نەشە مىڭ يۋان، ءتىپتى ون مىڭ يۋاننىڭ ۇستىندە ناق اقشا قارىز الۋعا بولادى، بۇل مەكتەپ اۋلاسىنداعى قارىز الۋ رەسميەتى قاراپايىم، قارىز الۋ شارتى وڭاي، قارىز سوماسى قوماقتى بولعان قارىز الۋ ءتاسىلى بولىپ ەسەپتەلەدى.
ستۋدەنتتەرگە قارىز بەرۋ مەن قارىز بەرۋ ارقىلى شىرعالاۋ دەلولارى ستۋدەنتتەرگە جانە ولاردىڭ وتباسىنا اۋىر زيان سالادى، ونىڭ ۇستىنە، بۇعان ساياتىن ستۋدەنتتەردىڭ سانى مول، قارجى مولشەرى قوماقتى بولعاندىقتان، مۇنداي دەلولاردىڭ سيپاتى ەرەكشە ناشار. وتە جاسىرىن، نىساناعا العان توبى وتە زور، تارالۋ كولەمى كەڭ بولعاندىقتان، مۇنداي دەلولاردى اشكەرەلەۋدە ءتۇرلى شارالاردى بىردەي قولدانۋ كەرەك بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
