ينتەرنەتتەگى ۇتىس بەلەتىنىڭ قايتا ورالۋىنان ساقتانايىق
2018.06.22 14:12 كەلۋ قاينارى : حالىق تورابى
الەم چەمپيوناتى جانكۇيەرلەردىڭ سالتاناتتى مەرەكەسى ءارى باسەكەلىك سيپاتتاعى ۇتىس بەلەتتەرىنىڭ قانى جەرگە تيمەيتىن جاقسى وراي. ايتسەدە، وسى بىرنەشە كۇندە دوستار شەڭبەرىندە جاريالانعان ينتەرنەتتەن ساتىپ العان ۇتىس بەلەتىنىڭ سۋرەتى كوڭىلگە كۇمان ۇيالاتتى: ينتەرنەتتەگى بەلگىلەمەگە قايشى ساتىلاتىن ۇتىس بەلەتتەرىن تازالاۋ – رەتكە سالۋ ەرتە باستان – اق جۇرگىزىلگەن ەمەس پە ەدى؟ قالايشا ءالى كۇنگە دەيىن ينتەرنەتتەن ۇتىس بەلەتىن ساتىپ الۋعا بولادى؟ وسىنداي كۇدىكپەن ينتەرنەتتەن ىزدەستىرگەن سوڭ، شىنىندا دا، ءىشىنارا ينتەرنەت تەكشەلەرىنىڭ بەلگىلەمەگە قايشى تۇردە ۇتىس بەلەتىن ساتىپ جاتقانىن بايقادىق.
ينتەرنەتتە ۇتىس بەلەتىن ساتۋ دەگەن جاقىندا عانا جاڭادان پايدا بولعان ءىس ەمەس. ناقتى دۇكەننەن ساتىپ العانعا قاراعاندا، ينتەرنەتتەن ۇتىس بەلەتىن ساتىپ الۋ قولايلى، ساتىپ الۋ ينفورماتسيالارىن تەكسەرۋگە دە قولايلى. سوندىقتان، بىرنەشە جىل الدىندا ينتەرنەتتە ۇتىس بەلەتىن ساتۋ سوماسى جەدەل ارتتى.
الايدا، مۇندا قاشان دا ءتۇرلى كومەسكى ماسەلەلەر جاسىرىنىپ جاتادى.
مىسالى، ءىشىنارا جالعان ۇتىس بەلەتىن ساتۋ توراپتارى ۇتىس بەلەتىن ساتۋ ورتالىعىمەن سەلبەستىك ورناتپاستان، ءوز بەتتەرىمەن ۇتىس بەلەتىن ساتادى. ۇتىسكەرلەر شاعىن سوماداعى سيلىققا يە بولسا، ونى الا الۋى مۇمكىن، ايتسەدە، ەگەر سيلىق سوماسى قوماقتى بولسا، بۇل توراپتار دەرەۋ اككىلىككە سالىنىپ، تايىپ تۇرادى، ياكي، سيلىقتى بەرۋدەن باس تارتادى. ۇتىسكەرلەردىڭ شاعىمداناتىن جەرى جوق، ءوز مۇددەلەرى اۋىر زيانعا ۇشىرايدى.
تاعى ءبىر مىسال كەلتىرسەك، ينتەرنەت ارقىلى ۇتىس بەلەتىن ساتىپ العاندا، ۇتىسكەرلەر مەن توراپ اراسىندا ينفورماتسيا جاعىندا اۋىر دارەجەدە سايكەسسىزدىك ءومىر سۇرەدى. ەگەر داۋ – شار بولا قالسا، وسىنداي سايكەسسىزدىك سەبەبىنەن ۇتىسكەرلەر زيانعا ۇشىرايدى.
ۇتىس بەلەتىن ساتاتىن كوپتەگەن توراپتار جونىنەن ايتقاندا، تۇتىنۋشىلاردىڭ ينفورماتسياسىنىڭ حاۋىپسىزدىگى دە ءىرى ماسەلە. حاۋىپسىزدىك جاعىنداعى ءونىمدى ساقتانۋ شارالارى جەتەرسىز بولعاندىقتان، ۇتىسكەرلەردىڭ سالاۋاتى مەن اككاۋنت ينفورماتسيالارى سىندى ماڭىزدى دەرەكتەردىڭ جوعالۋى نەمەسە بوتەن نيەتتەگىلەردىڭ پايدالانىپ كەتۋى سىندى حاۋىپ – قاتەر وتە كۇشتى بولادى.
فۋتبول جانكۇيەرلەرى جونىنەن ايتقاندا، ۇتىس بەلەتىن ساتىپ الۋ ارقىلى ولار وزدەرى دە جارىسقا ارالاسقانداي سەزىنىپ، سپورت جارىسىن تاماشالاۋدى اناعۇرلىم قىزىقتى ەتۋدى ويلايدى، ايتسەدە، ينتەرنەتتەگى ۇتىس بەلەتىنىڭ حاۋىپ – قاتەرىن وپ – وڭاي بايقاۋعا بولادى. وسىنداي كومەسكى حاۋىپ – قاتەرلەردى ويلاستىرعاندىقتان، 3 جىلدىڭ الدىندا قازىنا مينيسترلىگى سىندى سەگىز مينيسترلىك – كوميتەت بىرگە ۇقتىرۋ شىعارىپ، ينتەرنەتتە بەلگىلەمەگە قايشى ۇتىس بەلەتىن ساتۋدى جاپپاي اداقتاعان جانە رەتكە سالعان. الايدا، قازىرگى جاعدايدان قاراعاندا، قوماقتى پايدانىڭ ەلىكتىرۋىمەن، بۇل توراپتار ءالى دە بىلە تۇرا بىلمەسكە سالىنۋدا.
شىنتۋايتىندا، ۇتىس بەلەتى سالاسى ينتەرنەتتى شەتكە قاقپايدى. قايتا، ينتەرنەت تەحنيكاسى وسىزامانعى ۇتىس بەلەتى سالاسىنىڭ جەدەل دامۋىندا ماڭىزدى رول اتقارعان، قازىرگى تاڭدا، ۇتىس بەلەتىن ناقتى دۇكەندەردە ساتۋدىڭ ءوزى ينتەرنەت تەحنيكاسىنان قول ۇزە المايدى. ءبىراق، ۇتىس بەلەتىنىڭ ەرەكشەلىگىن ەسكەرە وتىرىپ، ينتەرنەتتە ۇتىس بەلەتىن ساتۋدى قاتاڭ باسقارۋ كولەمىنە ەنگىزۋ، ينتەرنەت ارقىلى بەلگىلەمەگە قايشى تۇردە ءوز بەتىمەن ۇتىس بەلەتىن ساتۋ ارەكەتتەرىنە باتىل تيىم سالۋ كەرەك.
الەم چەمپيوناتى وتكىزىلۋ ۇستىندە، ۇتىس بەلەتىن ساتۋ دا توقتامايدى. بەلگىلەمەگە قايشى تۇردە ۇتىس بەلەتىن ساتۋ توراپتارىنىڭ قالىڭ ۇتىسكەرلەرگە كەلتىرەتىن حاۋىپ – قاتەرىنەن قايتكەندە ساقتانۋعا بولادى، بۇعان باقىلاۋ – باسقارۋ تاراۋلارىنىڭ بارىنشا ءمان بەرۋى قاجەت ەكەنى ءشۇباسىز. قانشا ايتقانمەن، ۇتىسكەرلەردىڭ زاڭدى ۇقىق – مۇددەسىن قورعاۋ ۇتىس بەلەتى سالاسىنىڭ اقاۋسىز دامۋىنىڭ ءتۇبىرلى العى شارتى ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
