بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>قوعام

شىلدە ايىنداعى جاڭا بەلگىلەمەلەر: زەينەتكەرلىك قاراجاتى جونىندە جاڭا ءتۇزىم اتقارىلادى، قارتايعاندا اناعۇرلىم الاڭسىز كۇتىمدەنۋگە شارت – جاعداي جاراتىلادى

2018.06.25 13:44     كەلۋ قاينارى : حالىق تورابى

  زەينەتكەرلىكتى قامسىزداندىرۋ قورىن ورتالىقتان رەتكە سالۋ ءتۇزىمى اتقارىلادى، كۇندەلىكتى تۇتىنۋ بۇيىمدارىن يمپورت ەتۋدەگى كەدەندىك باجىسى اناعۇرلىم تومەندەتىلەدى، كاسىپورىنداردىڭ تابىس باجىسى جاعىنداعى وزىندىك قۇن قاراجاتىن كەمەيتۋ ماسەلەسى جونىندە ەڭ سوڭعى انىق بەلگىلەمە شىعارىلادى ... شىلدەدەن باستاپ، ءبىرقىدىرۋ جاڭا زاڭ – تۇزىمدەر تۇرمىسىمىزعا ىقپال ەتەدى.


  زەينەتكەرلىكتى قامسىزداندىرۋ قورىن ورتالىقتان رەتكە سالۋ ءتۇزىمى 1 – شىلدەدەن باستاپ اتقارىلادى


  مەملەكەتتىك كەڭەس 13 – ماۋسىمدا «كاسىپورىن جۇمىسشى – قىزمەتكەرلەرىنىڭ نەگىزدىك زەينەتكەرلىك قامسىزداندىرۋ قورىن ورتالىقتان ءبىرتۇتاس رەتكە سالۋ ءتۇزىمىن ورناتۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەپ اتالادى). «ۇقتىرۋدا» زەينەتكەرلىكتى قامسىزداندىرۋ قورىن ورتالىقتان ءبىرتۇتاس رەتكە سالۋ ءتۇزىمىنىڭ 1 – شىلدەدەن باستاپ رەسمي اتقارىلاتىنى انىق بەلگىلەنگەن.


  ەڭبەككۇش بايلىعى جانە قوعامدىق قامتاماسىزداندىرۋ مينيسترلىگى مينيسترىنىڭ ورىنباسارى يوۋ جۇننىڭ ايتۋىنشا، ورتالىق رەتكە سالاتىن قور ءارقايسى ولكەنىڭ زەينەتكەرلىكتى قامسىزداندىرۋ قورىنان جوعارىعا تاپسىراتىن قاراجاتى ارقىلى قالىپتاسادى. كاسىپورىندار مەن جۇمىسشى – قىزمەتكەرلەردىڭ جەكە تولەيتىن اقىسى ءالى دە قازىرگى ساياسات بويىنشا اتقارىلادى، ەسەپتەن تىسقارى قاراجات تاپسىرمايدى. مەملەكەتتىك زەينەتكەرلىكتى قامسىزداندىرۋ قورىنىڭ سول مەرزىمدەگى كىرىس – شىعىسىنىڭ جالپى مولشەرىندە ەشقانداي وزگەرىس بولمايدى، الەۋمەتتىڭ جالپى اۋىرتپالىعىن ارتتىرمايدى، زەينەتكەرلىكتى قامسىزداندىرۋ قاراجاتىن تاپسىرۋ سالىستىرماسىن جوعارىلاتپايدى.


  قوردى ورتالىقتان رەتكە سالۋ ءتۇزىمىن ورناتۋ قازىرگى زەينەتكەرلىكتى قامسىزداندىرۋدا جاسالاتىن مامىلەنى ەسەپتەۋ – تاراتۋ ءادىسى مەن رەتكە سالۋ ادىسىندە وزگەرىس تۋدىرمايدى، سوندىقتان بۇل زەينەتكە شىققاندارعا جاسالاتىن مامىلەگە ىقپال ەتپەيدى، قوردى ورتالىقتان رەتكە سالۋ ءتۇزىمىن ورناتۋ ارقىلى زەينەتكەرلىكتى قامسىزداندىرۋ ءتۇزىمىنىڭ جالپى بەتتىك حاۋىپ – قاتەرگە توتەپ بەرۋ قۋاتىن ارتتىرىپ، جەر – جەردىڭ زەينەتكەرلىكتى قامسىزداندىرۋ قاراجاتىن ۋاعىندا، تولىق تاراتۋىنا كەپىلدىك ەتەدى.


  كۇندەلىكتى تۇتىنۋ بۇيىمدارىن يمپورت ەتۋدەگى كەدەن باجىسى 1 – شىلدەدەن باستاپ ازايتىلادى


  30 – مامىردا اشىلعان مەملەكەتتىك كەڭەستىڭ ۇنەمىلىك ىستەر ماجىلىسىندە كۇندەلىكتى تۇتىنۋ بۇيىمدارىن يمپورت ەتۋدەگى كەدەندىك باجىنى ءبىرشاما زور كولەمدە تومەندەتىپ، بۇقارانىڭ كوپ ۇيەكتەنگەن تۇتىنۋ قاجەتىن اناعۇرلىم قاناعاتتاندىرۋدى ماقۇلدادى. بۇل ەلىمىزدىڭ اۆتوكولىكتى يمپورت ەتۋ باجىسىن ءبىرشاما زور كولەمدە تومەندەتكەننەن كەيىن، ەسىك اشۋدى ۇزدىكسىز كەڭەيتۋ جانە بۇقارانىڭ قاجەتىن قاناعاتتاندىرۋ ءۇشىن جولعا قويعان تاعى ءبىر ماڭىزدى شاراسى.


  ماجىلىستە مىناداي بەلگىلەنگەن: بيىل 1 – شىلدەدەن باستاپ، كيىم – كەشەك، اياق كيىم، باس كيىم، اس ۇيدە ىستەتىلەتىن بۇيىمدار مەن سپورت جانە شىنىعۋ بۇيىمدارى سىندى بۇيىمداردىڭ يمپورت ەتۋ كەدەن باجىسى ورتا ەسەپپەن %15.9تەن %7.1كە تومەندەتىلەدى؛ كىر جۋعىش، توڭازىتقىش سىندى وتباسىلىق ەلەكتر جابدىقتارىن يمپورت ەتۋدەگى كەدەن باجىسى ورتا ەسەپپەن %20.5تەن %8كە تومەندەتىلەدى؛ باعىمشىلىق تۇرىندەگى، اۋشىلىق تۇرىندەگى سۋ ونىمدەرى مەن مينەرالدى سۋ سىندى وڭدەلگەن ازىق – تۇلىكتەردى يمپورت ەتۋدەگى كەدەن باجىسى ورتا ەسەپپەن %15.2تەن %6.9كە تومەندەتىلەدى؛ پاراشوكتەر مەن تەرىنى كۇتىمدەۋ، شاش كۇتىمدەۋ سىندى اجارلاندىرۋ بۇيىمدارىن جانە ءىشىنارا ءدارى – دارمەكتەر مەن سالاماتتىقتى ساقتاۋ ونىمدەرىن يمپورت ەتۋدەگى كەدەن باجىسى ورتا ەسەپپەن %8.4تەن %2.9كە تومەندەتىلەدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار