كوپىرمەلىككە باساتىن، وركەۋدەلىككە سالىناتىن نىسايداعى ماقالالار جونىندە: ماقالانى دا دۇرىس جازا المايتىن كۇيگە تۇستىك پە؟
لين فىڭ
2018.07.03 14:29 كەلۋ قاينارى : حالىق تورابى
[رەداكتوردان]
جازۋ ستيلى كىشى – گىرىم ءىس ەمەس.
جۋىردان بەرى «الدىنا جىعىلىپ جالبارىندى»، «ەڭىرەپ ەسىنەن تاندى»، «قورىققانىنان بۇتىنا قويا بەردى» دەگەندەي كوپىرمەشىلدىك، وركەۋدەلىك نىسايداعى ماقالالار كوپ جازىلىپ، الەۋمەتتىك سەنىمدىلىكتىڭ بەدەلىنە داق ءتۇسىرىپ، الەۋمەتتىك اڭىس ورتاسىن بىلعاپ، حالىقتىڭ كوڭىل - كۇيىن بۇرمالادى، مۇنداي ماقالالار ستيلدى دۇرىستاپ، ەلگە تاربيە بەرۋگە، حالىق تىلەگىن ۇيىستىرۋعا، كىرشىكسىز عالامتور كەڭىستىگىن جاراتۋعا ءتيىمسىز بولىپ ەسەپتەلەدى.
اقپارات قۇرالدارىنىڭ كوپىرمەلىككە باسىپ، وركەۋدەلىككە سالىناتىن، ءسانى بار دا ءمانى جوق ماقالا ستيلدەرىن تۇزەتىپ، باس شۋجي شي جينپيڭنىڭ ماقالا ستيلىنە قويعان «قىسقا دا نۇسقا، تىڭ مازمۇندى» بولسىن دەگەن تالابىن تياناقتاندىرۋ، سونى ادەبي ستيلدى قالىپتاستىرۋ، دۇرىس ستيلدى ۇستانۋ ءۇشىن، بۇگىننەن باستاپ، حالىق تورابىنىڭ كوزقاراس ارناسى «كوپىرمەلىككە باساتىن، وركەۋدەلىككە سالىناتىن نىسايداعى ماقالا ستيلى جونىندە ءۇش شولۋ» اتتى جەلىلەس شولۋلارىن جاريالايدى.
ءبىر ماقالانىڭ تاتىمدى – تاتىمسىزدىعى ماقالانىڭ ءامالياتتى بەينەلەي العان – الماعانىمەن، الەۋمەتتىك جاعدايدى باقىلاعان – باقىلاماعانىمەن بايلانىستى بولادى. ەگەر ماقالا كوپىرمەلىككە باسىپ، وركەۋدەلىككە سالىنعان ستيلمەن جازىلسا، ماقالاعا الىپ قاشپا تاقىرىپ قويىلسا، ءىس جۇزىندە جاعداي ونداي بولماسا، وقىعان ادامعا وجار سەزىلۋمەن قويماي، ۇگىتتىڭ قۇنىن جويىپ، ەل اڭىسى ورتاسىن دا بىلعايدى.
جۋىردا عالامتوردا «ا ق ش قورىقتى»، «جاپونيا ۇرەيلەندى»، «ەۆروپا وكىندى» سىندى تاقىرىپتاعى ماقالالاردىڭ كورىلىمى كوپ بولدى. ايتسەدە ،اتالمىش «كەرەمەت» ماقالالاردى وقىپ كورسەڭىز، ماقالانىڭ ورەسىندە ەشقانداي جاڭالىق جوقتىعى الاڭداتادى. مىسالى: كەيبىر ماقالالاردى كوپىرتىپ جازىپ، ءبارىن ءبىر شىبىقپەن ايداپ، «مىنا سالالاردا جۇڭگو دۇنيە ءجۇزى بويىنشا ءبىرىنشى بولدى، مويىنداماعان ادام قالمادى» دەپ ۇراندايدى؛ كەيبىر ماقالانى جازعاندار قالاعانىنشا كوتەرمەلەپ، اعات اقپارات بەرىپ، «قورىقپا، جۇڭگونىڭ عىلىم – تەحنيكالىق قۋاتى ا ق ش – تان اسىپ كەتتى، دۇنيە ءجۇزى بويىنشا ءبىرىنشى» دەپ جەر سۋعا سيعىزبايدى؛ كەيبىرەۋى ءوز ويىنا ماستانىپ، كورگەنىنىڭ بارىنە سەنىپ، شەتەلدىڭ ءبىر – ەكى اۋىز جاقسى سوزىنە بولا «جۇڭگو دۇنيە ءجۇزى ساحناسىندا وزەكتى ورىنعا شىقتى»، «جۇڭگو قازىر دۇنيە جۇزىندەگى ءبىرىنشى ەكونوميكالىق تۇلعا» دەپ اسىرا ماقتانادى.
وسىنداي «سۇبەلى تۋىندىلاردىڭ» ورتاقتىعى، بىرىنشىدەن، شىندىقتان نىسپى جوق، ەكىنشىدەن، مازمۇنىنىڭ ءمانى جوق، ۇشىنشىدەن، ويىنىڭ شاناعى جوق، بار – جوعى جەل وكپە سىرتقى قاڭقاسى عانا، بۇلار بولماشى سىنعا دا توتەپ بەرە المايدى. كوپىرمەلىكتىڭ ماقالاعا ءار بەرمەيتىنىن، مەملەكەتتىڭ دە وركەۋدەلىكپەن قۋاتتانبايتىنىن ءبىلۋىمىز كەرەك. ۇشقارى كوڭىل – كۇيدىڭ وتىن ۇرلەپ، سىڭار جاقتىلى كوزقاراستى الباتى تاراتۋدىڭ ناتيجەسى الەۋمەتتى ءوزىن زور، وزگەنى قور ساناۋعا جەتەلەپ، ماقتانشاقتىقپەن اۋلەكىلىكتىڭ قۇيىنا وڭاي باتىرىپ، الەۋمەتتىك ينفورماتسيانىڭ قيقىمدانۋى، وي – سانانىڭ قاتىپ – سەمۋى سىندى تانىم تۇيىعىنا دۋشار ەتەدى.
اقپارات عىلىمىندا «ەڭ جاقسى رەداكتور، ءسوزسىز، ەڭ جاقسى ساتۋشى» دەگەن كوزقاراس ساقتالىپ وتىر، ءىشىنارا اقپارات قۇرالدارى جونىنەن ايتقاندا، كوپىرمەلىك، وركەۋدەلىك نىسايداعى ماقالالاردى جازۋداعى ماقسات وقىرماننىڭ نازارىن اۋدارىپ، كورىلىمدى ارتتىرۋ سىندى جەلەۋدەن باسقا تۇك تە ەمەس، مۇنداي ماقالالار سىنعا توتەپ بەرە المايدى. مۇنداي ماقالالاردى جازۋشىلار مەن قولداۋشىلاردىڭ ويىنشا، ماقالانىڭ تاقىرىبى شىرعا ىلىنگەن قارماق سياقتى، «قوزدىرعىش» قوسىلماسا ءدامى كىرمەيدى. الايدا، اقپاراتتىڭ ماقساتى ايىزدى قاندىرۋ ەمەس. ەگەر ساتۋدى عانا ويلاپ، ءنارىن ويلاماسا، كورىلىمدى ويلاپ، جاۋاپكەرشىلىكتى ويلاماسا، ءبىر مەزەت كورىلىمى كەرەمەت بولعانىمەن، جۇرتتىڭ كوزىن كولەگەيلەيتىنىن ۇمىتپاۋ كەرەك.
ءىشىنارا توردوستار جەكەلىك اقپارات قۇرالى داۋىرىنە قادام تاستاعاننان بەرى، اقپارات بارعان سايىن مولايدى، شىندىقتان بارعان سايىن الىستادىق دەپ كۇرسىنەدى. شىنىندا دا، كوپىرمەلىككە باساتىن، وركەۋدەلىككە سالىناتىن نىسايداعى ماقالالار تەك «+10000» كورىلىمگە يە بولۋدىڭ توتە جولىن تاپقان سياقتانعانىمەن، ءىس جۇزىندە، اقپارات تاراتۋدا قاتە جولعا تۇسكەن ەسەپتەلەدى. ساناققا قاراعاندا، بىلتىر جەكەلىك اقپارات قۇرالدارىن جۇرگىزىپ وتىرعانداردىڭ سانى 3 ميلليون ادامنان اسقان، ءتۇرلى قۇرىلىمداردىڭ مازمۇن جاعىندا كاسىپ كوزىن اشۋشىلارعا قوسقان قارجى سوماسى 5 ميلليارد يۋاننان اسقان، راسىندا دا بولاشاعى دا بار، اقشانى دا تابا الاتىن سالا بولىپ وتىر. ايتسەدە، جەكەلىك اقپارات قۇرالدارى تۋىندى جاسامپازدىعىندا ەركىن بولامىن دەيدى ەكەن، تارتىپكە دە بويسۇنۋى شارت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
