بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>قوعام

ءتىلشى باعامى: كامەلەتكە تولماعان بالالاردىڭ عالامتورلىق ويىندارعا بەرىلۋىنەن ساقتانۋدا ارقالايتىن مىندەتىمىز اۋىر، باساتىن جولىمىز الىس

حالىق تورابىنىڭ ءتىلشىسى جۋ يفان، تۇڭ زۇڭلي، جاۋ شۋاڭ، جۋ جياڭ، جياڭ چي

2018.07.06 13:35     كەلۋ قاينارى : حالىق تورابى

  قازىر عالامتورلىق ويىندار داۋرەندەۋدە، جۇڭگونىڭ عالامتورلىق ويىن سالاسى قازىر بۇرىن – سوڭدى بولماعان گۇلدەنۋ كەزەڭىندە تۇر. وسىنداي كەزەڭدە كامەلەتكە تولماعانداردىڭ عالامتورلىق ويىندارعا بەرىلۋىنەن ساقتانۋ تاقىرىبى قوعامنىڭ نازارىن اۋدارعان تاقىرىپقا اينالدى. 2017 – جىلى حالىق تورابى «ءامىرشىنىڭ مەرەيى (ۋاڭجى رۇڭياۋ)» اتتى عالامتورلىق ويىن تۋرالى ءۇش سىن ماقالا جاريالاپ، الەۋمەتتىڭ قىزۋ تالقىسىنا تامىزدىق بولعان، اتالعان ويىندى جاساۋشى ۇجىم دا «ويىنعا بەرىلۋدەن ساقتاندىرۋدىڭ ەڭ قاتاڭ شارالارىن» اتقارعان بولاتىن. دۇنيە جۇزىلىك دەنساۋلىق ساقتاۋ ۇيىمى 18 – ماۋسىمدا عالامتورلىق ويىنعا بەرىلۋدى رۋحاني اۋرۋلار كولەمىنە ەنگىزىپ، جۇرت نازارىن كامەلەتكە تولماعانداردىڭ عالامتورلىق ويىنعا بەرىلۋىنەن ساقتانۋ ىسىنە تاعى دا شوعىرلاندىردى.


  جۋىردا انگليانىڭ حالىقتىڭ اقاۋسىزدىعىنا قىزمەت وتەۋ جۇيەسى (NHS) 15 جاستاعى ورەنگە «عالامتورلىق ويىن قۇمارلىققا شالدىققان» دەگەن دياگنوز قويدى. بۇل NHS جۇيەسىنىڭ عالامتورلىق ويىنعا قۇمارتۋدى تۇڭعىش رەت ناۋقاس رەتىندە تانۋى. جۇڭگودا 2007 – جىلى مەملەكەتتىك اقپارات باس مەكەمەسى «كامەلەتكە تولماعانداردىڭ دەنساۋلىعىنىڭ اقاۋسىزدىعى ءۇشىن عالامتورلىق ويىندارعا قۇمارتۋدان ساقتاندىرۋ جۇيەسىن اتقارۋ جونىندەگى ۇقتىرۋدى» جاريالادى، الايدا جۇڭگودا ينتەرنەتتەن پايدالاناتىن كامەلەتكە تولماعانداردىڭ سانى جەدەل ارتىپ كەلە جاتقانى تاڭداندىرادى. «جۇڭگوداعى ينتەرنەتتىڭ دامۋ احۋالى جونىندەگى ساناق مالىمەتكە» قاراعاندا، قازىر جۇڭگودا 19 جاستان تومەنگى ينتەرنەت تۇتىنۋشىلارىنىڭ سانى 177 ميلليون ادام بولعان. جيگۋاڭ ايدىك مالىمەتى تەكشەسى جاريالاعان «ءامىرشىنىڭ مەرەيى ويىنى تۋرالى زەرتتەۋ مالىمەتىنە» قاراعاندا، ءامىرشىنىڭ مەرەيى ويىنىنىڭ تۇتىنۋشىلارى 2017 – جىلدىڭ وزىندە – اق 200 ميلليون ادامنان اسقان. مۇنىڭ ىشىندە 14 جاستان تومەنگى باستاۋىش مەكتەپ وقۋشىلارى %3.5ىن ۇستاپ، 7 ميلليون ادامعا جەتكەن؛ 19 جاستان تومەنگى تۇتىنۋشىلاردىڭ سالىستىرماسى %25.7 بولىپ، 51 ميلليون ادامعا جەتكەن.


  كامەلەتكە تولماعانداردىڭ عالامتورلىق ويىنعا بەرىلۋى دۇنيە جۇزىلىك سيپاتتاعى الەۋمەتتىك ماسەلەگە اينالىپ وتىر،بەيجيڭ اسكەري رايونى باس ەمحاناسىنىڭ قۇمارلىق اۋرۋلارىن ەمدەۋ ورتالىعى جانە جۇڭگو جاستار – ورەندەر پسيحولوگياسىن جەتىلدىرۋ بازاسىنىڭ پسيحولوگيالىق كەڭەس بەرۋشىسى پىڭ شيننىڭ ايتۋىنشا، قولفونمەن ويىن ويناۋ قولايلى، جاسىرىن ويناۋعا قولايلى بولعاندىقتان، بۇعان ادام وڭاي قۇمارتىپ قالادى. قازىر كامەلەتكە تولماعانداردىڭ عالامتورعا قۇمارتۋ فاكتورىنىڭ ىشىندە ويىنعا قۇمارتۋ مولشەرى %82تى ۇستايدى.


  عالامتورلىق ويىن سالاسىندا، ەگەر، كونە ويىندار الەۋمەتتىڭ سوگىس ايتاتىن نىساناسىنا اينالسا، كاسىپورىندار دەرەۋ جاڭا ونىمدەردى شىعارادى، بۇرىنعى ويىننىڭ سىرتىن جىلتىراتىپ وزگەرتۋمەن قويماي، اناعۇرلىم جاڭا تەحنيكالاردى، اناعۇرلىم ەلىكتىرگىش كورىنىستەردى قوسادى. اتىن جاريالاۋعا قوسىلماعان قارجى قوسۋشى جوعارى ءمانساپتىنىڭ ايتۋىنشا، قارجى قوسۋ سالاسىنداعى كوپتەگەن ءبىرىنشى دەڭگەيدەگى قۇرىلىمدار عالامتورلىق ويىن سالاسىنا قارجى قوسپايدى، ۇيتكەنى، عالامتورلىق ويىندار ءمورالدىق ماسەلەلەرگە وڭاي ۇشىرايدى. عالامتورلىق ويىنعا قۇمارتۋ، تۇپتەپ كەلگەندە، ەسىرتكىگە قۇمارتۋمەن ۇقساس.


  تىڭشۇن سەرىكتەستىگىنىڭ قاتىستى جاۋاپتى ادامىنىڭ ايتۋىنشا، ءبىرتالاي جىلدان بەرى، جىلجىمالى عالامتورلىق ويىن سالاسىنداعى باسقارۋشى تاراۋلار قولفونداعى عالامتورلىق ويىندارعا قۇمارتۋدان ساقتانۋ جۇيەسى جونىندە باستان – اقىر قاتاڭ تالاپ قويمادى. ءىشىنارا قولفون ويىندارى كومپيۋتەردەگى ويىنداردى باسقاراتىن تاراۋلاردىڭ قولفون تەرمينالىنداعى ويىنداردان ساقتانۋدا اتقاراتىن شارالارىن قولدانىپ كەلدى، عالامتورلىق ويىنداعى كىرىمدى تەجەۋ ارقىلى ويناۋشىلاردى وزدىگىنەن دەمالۋعا جەتەلەدى، ايتسەدە، دەمالۋعا ماجبۇرلەمەدى. نازاريالىق جاقتان ايتقاندا، ەگەر ويىن ويناۋشى كىرىس ماسەلەسىن ەلەپ – ەسكەرمەسە، وندا ۇزدىكسىز ۇزاق ۋاقىت بويى عالامتوردا وتىرا بەرەدى.


  بۇل جاۋاپتى ادام بىلاي دەپ قارايدى: كامەلەتكە تولماعانداردىڭ عالامتورلىق ويىنعا قۇمارتۋى ماسەلەسىن شەشۋ ـ ۇزاق ۋاقىتتىق جۇيەلى ينجەنەريا بولىپ تابىلادى. قاتىستى تاراۋلار مەن عالامتورلىق ويىندى شىعارۋشىلاردىڭ، اتا – انالاردىڭ، اۋەلى اقپارات قۇرالدارىنىڭ بىرگە ىلگەرىلەتۋىن قاجەت ەتەدى. باقىلاۋ تاراۋلارى جاعدايعا قاراي ءونىمدى باقىلاۋ شارالارىن ورتاعا قويۋى كەرەك؛ كاسىپورىندار ۇستىنە الاتىن قوعامدىق جاۋاپكەرشىلىكتى تانىپ جەتىپ، ءتۇرلى شارالاردى ۇزدىكسىز ورتاعا قويىپ، كامەلەتكە تولماعانداردى قورعاۋ قىزمەتىن كەمەلدەندىرۋى كەرەك؛ اتا – انالار مەن الەۋمەت وزدەرىنىڭ تاربيەلەۋ جانە باقىلاۋ جاۋاپكەرشىلىگىن تانىپ جەتۋى كەرەك. تەك جالپى بولىپ اتسالىسىپ، ءتۇرلى جاقتار كۇش قوسقاندا عانا، كامەلەتكە تولماعانداردىڭ اقاۋسىز ەرجەتۋىنە اناعۇرلىم ويداعىداي جول نۇسقاي الامىز.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار