بازار باسقارۋ باس مەكەمەسى: ءتۇرلى بازار سۋبيەكتتەرىنىڭ ازامات جاسىنا تولماعاندارعا ەلەكتروندى تەمەكى ساتۋىنا تيىم سالىنادى
2018.08.31 14:41 كەلۋ قاينارى : حالىق تورابى
حالىق تورابى، 31 – تامىز، بەيجيڭ. ءتىلشىنىڭ بازار باسقارۋ باس مەكەمەسىنەن ۇعىسۋىنشا، جاقىننان بەرى ءىشىنارا وڭىرلەردەگى ورتا – باستاۋىش مەكتەپتەردىڭ ماڭىنداعى وقۋ قۇرالدارىن ساتۋ دۇكەندەرىندە وقۋشىلارعا ەلەكتروندى تەمەكى ساتۋ جاعدايى بايقالعان، ونىڭ ۇستىنە، ءىشىنارا ەلەكتروندى ساۋدا تەكشەلەرىندە «وقۋشىلارعا ارنالعان ەلەكتروندى تەمەكى» دەگەن اتپەن ەلەكتروندى تەمەكىنى توپ ساتۋ جاعدايى دا بايقالعان. بۇعان قاراتا، مەملەكەتتىك بازاردى باقىلاۋ – باسقارۋ باس مەكەمەسى مەن مەملەكەتتىك تەمەكىنى ارناۋلى ساتۋ مەكەمەسى بىرلىكتە «ازامات جاسىنا تولماعاندارعا ەلەكتروندى تەمەكى ساتۋعا تيىم سالۋ جونىندەگى جالپى حابارلاندىرۋدى» جاريالادى. «جالپى حابارلاندىرۋدا» ەلىمىزدەگى ءتۇرلى بازار سۋبيەكتتەرىنىڭ ازامات جاسىنا تولماعاندارعا ەلەكتروندى تەمەكى ساتۋىنا بولمايتىندىعى تالاپ ەتىلگەن.
«جالپى حابارلاندىرۋدان» قاراعاندا، قازىر ەلىمىزدە ەلەكتروندى تەمەكىنىڭ رەسمي مەملەكەتتىك ولشەمى تاراتىلماعان، بازارادا ساتىلىپ جاتقان ٵر تۇردەگى ەلەكتروندى تەمەكىنىڭ شيكىزاتىن تاڭداۋ، قوسپا قوسۋ، تەحنولوگيالىق جوبالاۋ، ساپاسىن مەڭگەرۋ قاتارلى جاقتارىندا ءبىرشاما ەركىن، ەلەكتروندى تەمەكىنىڭ ساپاسى ءبىرىڭعاي ەمەس، كەيبىر تەمەكىدە تەمەكى مايىنىڭ قاشۋ جاعدايى، باتەريانىڭ ساپاسىز بولۋى، حاۋىپتى قوسپالاردىڭ قوسىلۋى قاتارلى حاۋىپسىزدىك قاتەرى ساقتالىپ وتىر. مۇنان سىرت، كوپ ساندى ەلەكتروندى تەمەكىدە وزەكتى تۇتىنۋ قۇرامىن قۇرايتىن تەمەكى ءسىلتىسى، ياعني نيكوتين بار، نيكوتين وتە ۋلى حيميالىق زاتقا جاتادى، ازامات جاسىنا تولماعانداردىڭ تىنىس جولى تولىق جەتىلمەگەن، مۇنداي ءتۇتىندى زاتتار تىنىس جولى ارقىلى وكپەنىڭ قىزمەتىنە كەرى اسەرىن تيگىزەدى، دۇرىس ىستەتە الماسا تەمەكى سىلتىسىنەن ۋلانۋ سياقتى كوپ ءتۇرلى حاۋىپتى جاعدايلار تۋىلۋى مۇمكىن.
«حالپى حاپارلاندىرۋدا» ەلىمىزدىڭ «ازامات جاسىنا تولماعانداردى قورعاۋ» زاڭىندا: «ازامات جاسىنا تولماعاندارعا تەمەكى – اراق ساتۋعا تيىم سالىنادى» دەپ اشىق بەلگىلەنگەندىگى تىلگە تيەك ەتىلىپ، ەلەكتروندى تەمەكى ءداستۇرلى تەمەكىنىڭ جاسالۋىنا تولىقتاما رەتىندە شىققان ٶنىم، بۇل تەمەكىدە ءبىرشاما ۇلكەن حاۋىپسىزدىك جانە اقاۋسىزدىق قاتەرى ساقتالىپ وتىرعاندىعى ايتىلىپ، ءتۇرلى بازار سۋبيەكتتەرىنىڭ ازامات جاسىنا تولماعاندارعا ەلەكتروندى تەمەكى ساتۋىنا بولمايتىندىعى تالاپ ەتىلگەن.
«جالپى حابارلاندىرۋدا» ەلەكتروندى ساۋدا تەكشەلەرىنەن «وقۋشى»، «ازامات جاسىنا تولماعاندار» قاتارلى جازۋلار شاپتالعان ەلەكتروندى تەمەكىنى ساتۋدى توقتاتۋدى تالاپ ەتكەن، قاتىستى ساۋدا دۇكەندەرىنە (ساتۋشىلارعا) ءنومىر تارتۋ جانە دۇكەنىن جابۋ قاتارلى ءبىرجايلى ەتۋ امالىن قولدانادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
