وقۋ – اعارتۋ مينيسترلىگى قاتارلى 8 تاراۋ بىرلەسىپ قۇجات جاريالادى: توراپ ويىنىنىڭ جالپى مولشەرىن مەڭگەرۋ كەرەك
2018.08.31 16:25 كەلۋ قاينارى : حالىق تورابى
حالىق تورابى، 30 – تامىز، بەيجيڭ. وقۋ – اعارتۋ مينيسترلىگى توراپ بەكەتىنىڭ حابارىنا قاراعاندا، باس شۋجي شي جينپيڭنىڭ وقۋشىلاردىڭ الىستى كورە الماۋ ماسەلەسى جونىندەگى ماڭىزدى نۇسقاۋىنىڭ رۋحىن دايەكتى تياناقتاندىرىپ، جاڭا داۋىردەگى بالالاردىڭ، جاستار مەن ورەندەردىڭ الىستى كورە الماۋىنان ساقتانۋ قىزمەتىن شىنايى كۇشەيتۋ ءۇشىن، مەملەكەتتىك كەڭەستىڭ ماقۇلداۋىمەن وقۋ – اعارتۋ مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى، مەملەكەتتىك دەنەتاربيە باس مەكەمەسى، قازىنا مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، مەملەكەتتىك بازار باقىلاۋ - باسقارۋ باس مەكەمەسى، مەملەكەتتىك اقپارات – باسپا ءسوز مەكەمەسى، مەملەكەتتىك راديو – تەلەۆيزيا باس مەكەمەسى سىندى 8 تاراۋ 30 – تامىزدا «بالالاردىڭ، جاستار مەن ورەندەردىڭ الىستى كورە الماۋىنان جالپىلىق ساقتانۋ اتقارۋ جوباسىن» بىرلەسىپ باسىپ تاراتتى. «اتقارۋ جوباسىندا» بىلاي دەلىندى: توراپ ويىنىنىڭ جالپى مولشەرىن مەڭگەرىپ، جاڭادان شىعارىلعان توراپ ويىنىنىڭ توراپقا شىعارىلۋ مولشەرىن مەڭگەرىپ، مەملەكەت جاعدايىنا ۇيلەسەتىن لايىقتى جاس شاماسىن ەسكەرتۋ ءتۇزىمىن بەلگىلەۋ جاعىندا ىزدەنىس جاساپ، شارا قولدانۋ نەگىزىندە كامەلەتكە تولماعانداردىڭ پايدالانۋ ۋاقىتىن شەكتەۋ كەرەك.
«اتقارۋ جوباسىندا» بىلاي دەلىندى: 2030 – جىلعا بارعاندا، بۇكىل ەلدەگى بالالاردىڭ، جاستار مەن ورەندەردىڭ جالپىلىق الىستى كورە الماۋ شاماسىن 2018 – جىلعى نەگىزدە ءار جىلى 0.5 پايىزدان استام تومەندەتىپ وتىرۋ، الىستى كورە الماۋ ءجايتى اۋىر ولكەلەردە جىلىنا ءبىر پايىزدان استام تومەندەتىپ وتىرۋ كەرەك. 2030 – جىلعا بارعاندا، بالالاردىڭ، جاستار مەن ورەندەردىڭ الىستى كورە الماۋ ءجايتىنىڭ تىڭنان تۋىنداۋىن كورنەكتى تومەندەتۋ، كورۋ اقاۋسىزدىعى جالپىلىق دەڭگەيىن كورنەكتى جوعارىلاتۋ، 6 جاستاعى بالالاردىڭ الىستى كورە الماۋ شاماسىن %3 اينالاسىندا تەجەۋ، باستاۋىش مەكتەپ وقۋشىلارىنىڭ الىستى كورە الماۋ شاماسىن %38 تەن تومەنگە ءتۇسىرۋ، ورتالاۋ مەكتەپ وقۋشىلارىنىڭ الىستى كورە الماۋ شاماسىن %60 تەن تومەنگە ءتۇسىرۋ، ورتا مەكتەپ وقۋشىلارىنىڭ الىستى كورە الماۋ شاماسىن %70 تەن تومەنگە ءتۇسىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
