بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>قوعام

ءتۇن جارىمىنان كەيىن ويناۋعا جول بەرمەيدى، جۇمسايتىن اقشا مولشەرىنە شەك قويادى، نازارىن باسقا نارسەلەرگە اۋدارادى

كورەيا عالامتور ويىندارىن بىلاي باسقارادى (كەڭەيتىلگەن مازمۇن)

حالىق گازەتىنىڭ كورەيادا تۇراتىن ءتىلشىسى چىن شاڭۋىن

2018.09.05 14:28     كەلۋ قاينارى : حالىق تورابى

  ينتەرنەت ءداۋىرىنىڭ جەدەل قادام تاستاۋى جانە عالامتورلىق ويىن سالاسىنىڭ كۇرت دامۋىنا ساي، ويىنعا قۇمارتۋدان قالاي ساقتانۋ، وتە – موتە، «ساندى دەرەكتەر ءداۋىرىنىڭ تۇلەكتەرى» بولعان جاستار مەن وسپىرىمدەردىڭ عالامتور ويىندارىن قالىپتى ويناۋىنا قالاي جەتەكشىلىك ەتۋ — دۇنيە جۇزىلىك قيىن ماسەلەگە اينالدى. عالامتور ويىندارىن مول وندىرەتىن كورەيا ەلى عالامتور ويىندارىنا قۇمارتۋدىڭ الدىن الۋ ءۇشىن، ۇكىمەتتەن تارتىپ، الەۋمەتكە دەيىن كۇش قوسىپ، ماجبۇرلەۋ شارالارىنان تارتىپ، شابىتتاندىرۋ نىساندارىنا دەيىن جولعا قويىپ، ءتۇرلى شارالاردى بىردەي اتقارۋدا.


  كورەيانىڭ مادەنيەتتى گۇلدەندىرۋ مەكەمەسى مەن وقۋ – اعارتۋدى كوركەيتۋ مەكەمەسىنىڭ بيىل ناۋرىز ايىندا جاريالاعان «2017 – جىلعى عالامتور ويىندارىنا قۇمارتۋ جالپى جاعدايى جونىندەگى تەكسەرۋ» ناتيجەسىنە قاراعاندا، كورەيادا باستاۋىش، ورتالاۋ، تولىق ورتا مەكتەپتەرىنەن 441 مەكتەپتەگى 127 مىڭعا جۋىق وقۋشىنىڭ ىشىندە %0.7 وقۋشى «عالامتور ويىندارىنا شەكتەن تىس قۇمارتقان»، %1.9 وقۋشى «عالامتور ويىندارىنا قۇمارتۋ حاۋپى بار» دەپ سانالعان (2016 – جىلداعىمەن سالىستىرعاندا %0.1 ارتقان). جيناقتاپ ايتقاندا، جاسى قانشا كىشى بولعان سايىن، عالامتور ويىندارىنان ءوزىن تەجەي ءبىلۋ قابىلەتى سونشا تومەن بولادى.


  جاستار مەن وسپىرىمدەردىڭ ءتۇن ورتاسىندا عالامتورعا شىعىپ، ويىن ويناۋىن شەكتەۋ جاعىندا، «قۇمارتۋدان ساقتاندىرۋ ءتۇزىمى» كورەيانىڭ ەڭ ۋاكىلدىك سيپات الاتىن شەكتەۋ شاراسى ەسەپتەلەدى. قازىر كورەيا قۇمارتۋدان ساقتاندىرۋ ءتۇزىمىن ءماجبۇرلى تۇردە جانە تالعامدى تۇردە قولدانادى. 2011 – جىلى ساۋىردە كورەيا پارلامەنتى جاستار مەن وسپىرىمدەردىڭ ءتۇن جارىمىنان كەيىن عالامتورعا شىعىپ، ويىن ويناۋىنا شەكتەۋ سالاتىن «جاستار مەن وسپىرىمدەردى قورعاۋ زاڭىنىڭ» تۇزەتۋ ەنگىزىلگەن جوباسىن ماقۇلدادى، بۇل زاڭدى ادەتتە «سۇرشا قىز زاڭى» دەپ اتايدى. سول جىلى قاراشا ايىندا ايەلدەر ىستەرى مينيسترلىگى «ءماجبۇرلى تۇردە توقتاتۋ ءتۇزىمىنىڭ» اتقارىلۋىن ىلگەرىلەتىپ، ويىندى شىعارۋشى جاقتىڭ كەشكى ساعات 12دەن تاڭەرتەڭگى ساعات 6عا دەيىن، 16 جاسقا تولماعان بالالارعا عالامتورلىق ويىن قىزمەتىن ءماجبۇرلى تۇردە توقتاتۋىن ىسكە اسىردى.


  2012 – جىلى شىلدە ايىندا كورەيانىڭ مادەنيەت پەن سپورت جانە ساياحات مينيسترلىگى «تاڭداپ توقتاتۋ ءتۇزىمىن» ورتاعا قويدى، بۇل ايەلدەر ىستەرى مينيسترلىگى ورتاعا قويعان ءماجبۇرلى شارامەن ۇقسامايدى، بۇل تۇزىمدە اتا – انا مەن بالانىڭ عالامتورلىق ويىن ويناۋدىڭ ۇيلەسىمدى ۋاقىتىن بىرگە بەلگىلەۋىنە باسا ءمان بەرگەن، بۇل ءتۇزىم بويىنشا، عالامتورلىق ويىنداردى ىسكە قوساتىن كاسىپورىندار كامەلەتكە تولماعانداردىڭ ويىن ويناۋ ۋاقىتىنا، ءسوزسىز، شەكتەۋ سالۋى كەرەك، كامەلەتكە تولماعان مۇشەلەر عالامتورلىق ويىن قىزمەتىنە قوسىلعان كەزدە، اتا – اناسى قاتارلى زاڭدىق ۋاكىلدەردىڭ ماقۇلداۋىنان وتكىزۋى كەرەك.


  مۇنان سىرت، كورەيا عالامتور ويىندارىنىڭ تۇتىنۋ سوماسىنا شەكتەۋ سالدى. ەرەسەكتەر جانە جاستار مەن وسپىرىمدەر عالامتوردا ويىن ويناعان كەزدە، ايلىق تۇتىنۋ شەگى جەكە – جەكە 500 مىڭ كورەيا ۋونى (شامامەن 3000 يۋان حالىق اقشاسى) جانە 70 مىڭ كورەيا ۋونى (شامامەن 420 يۋان حالىق اقشاسى)، تور بەتىندەگى عالامتور ويىندارىنىڭ تۇتىنۋ شەگى 300 مىڭ كورەيا ۋونى (شامامەن 1800 يۋان) جانە 500 مىڭ كورەيا ۋونى (شامامەن 300 يۋان)، تور بەتىندەگى ويىنداردى ويناعان ادامنىڭ ءبىر كۇندەگى زيان شەگۋ سوماسى 100 مىڭ كورەيا ۋونىنان (شامامەن 600 يۋان) اسىپ كەتسە، 24 ساعات ويىن ويناۋدان شەكتەلەدى.


  ماجبۇرلەۋ شاراسىن قولدانۋدان سىرت، كورەيا ءتۇرلى باي مازمۇندى قيمىلدار ارقىلى «سيفرلى دەرەكتەر ءداۋىرى تۇلەكتەرىنىڭ» عالامتور مەن ويىننان نازارىن باسقا جاققا اۋدارۋىنا كومەكتەسەدى جانە وسى قيمىلدارعا قاتىناسۋعا شابىتتاندىرادى. مىسالى: كورەيانىڭ سولتۇستىك جەوللا ولكەسى مۋجۋ ايماعىندا «مەملەكەتتىك جاستار مەن وسپىرىمدەردىڭ عالامتور ارمانى اۋىلى» اتىنداعى ەلەكتروندى ونىمدەرگە قۇمارتۋدان ساۋىقتىرۋ ورنى بار، بۇل ارانى قۇرۋداعى ماقسات: ەلەكتروندى بۇيىمداردان بۇكىلدەي ارىلتىپ، عالامتورسىز ورتادا اسەمونەر ارقىلى ەمدەۋ، ساحنالىق قويىلىمدار كورسەتۋ، بولاشاقتىق كەڭەس بەرۋ سىندى ءتالىم - تاربيە تاسىلدەرى ارقىلى ينتەرنەت ورتاسىندا ەرجەتكەن جاستار مەن وسپىرىمدەردىڭ عالامتورعا بايلانعان تۇرمىستان ارىلۋىنا كومەكتەسەدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار