ءتاتتى كارتوپ ديقانداردىڭ قالتاسىن قامپايتتى
2018.10.29 14:22 كەلۋ قاينارى : حالىق تورابى
جۋىردان بەرى، شينجياڭ شاۋەشەك قالاسى ارگۇڭ اۋىلى تۋگۇڭ قىستاعىنداعى ءتاتتى كارتوپ اتىزىندا تىراكتوردىڭ گۇرىلدەگەن داۋىسى تولاستاماي، قىستاق تۇرعىندارى قازىلعان ءتاتتى كارتوپتاردى جيناۋمەن ابىگەر بولىپ، مول ءونىمنىڭ قۋانىشىندا جۇزدەرىنەن كۇلكى لەبى ەستى.
بيىل 3 - ايدان باستاپ، ارگۇڭ اۋىلدىق پارتكوم اۋىل شارۋاشىلىق قۇرىلىمىنا بەلسەندىلىكپەن رەتتەۋ جۇرگىزۋ جونىندە ۇندەۋ تاستاعان بولاتىن، تۋگۇڭ قىستاعىنىڭ ەكى كوميتەت القاسى، قىزمەت اتىرەتىندەگىلەر مەن قىستاق تۇرعىندارى كوپ رەت جيىن اشىپ، تالقى ورىستەتۋ ارقىلى ءتاتتى كارتوپ ەگۋ بەكىمىنە كەلگەن ءارى قىستاق تۇرعىندارىن ساۋان اۋدانىنا بارىپ تەحنيكا ۇيرەنۋگە ۇيىمداستىرىپ، ءتاتتى كارتوپ ەگۋدى تۋگۇڭ قىستاعىنىڭ اۋىل شارۋاشىلىق قۇرىلىمىنا رەتتەۋ جۇرگىزۋدەگى نىسانى ەتىپ بەلگىلەيدى.
قىستاق تۇرعىنى ۋاڭ كاي: بيىل مەن سىناق رەتىندە 20 مۋ جەرگە ءتاتتى كارتوپ ەكتىم، ءار مۋىنان 3 مىڭ كيلوگرام مولشەرىندە ءونىم الىپ، 6 مىڭ يۋان كىرىس كىرگىزەمىن دەپ مولشەرلەپ وتىرمىن. بۇرىن ءار مۋ جەردەن مۇنداي كىرىس كىرگىزۋدى ويلاپ كورمەپپىن. مۇنىڭ ءبارى قىزمەت اتىرەتىندەگىلەردىڭ كومەگى، ولار شىنايى تۇردە ءبىزدىڭ اۋقاتتانۋىمىزعا كوڭىل بولۋدە، ولارعا دەگەن العىسىم بولەك، — دەيدى اسەرلەنىپ.
اتالعان قىستاقتا تۇراتىن قىزمەت اترەتىنىڭ اترەت باستىعى سۇن جىنچياڭ: بيىل ءبىز ءداستۇرلى ەگىنشىلىك نەگىزىندە زالالسىز ءتاتتى كارتوپتى سۋلياۋ جارعاقپەن جاۋىپ ەگۋ تەحنيكاسىن قولداندىق، مۇنداي تەحنيكا توپىراقتىڭ كۇن ساۋلەسىن تىپتەن جاقسى قابىلداۋىنا جانە ساقتاۋىنا ءتيىمدى. وسى ارقىلى ءتاتتى كارتوپتىڭ ساپاسى مەن ءونىمىن زور دارەجەدە جوعارىلاتۋعا بولادى. ءتاتتى كارتوپتىڭ حورەكتىك قۇرامى مول، ءدامى جاقسى بولعاندىقتان، قاريدارلاردىڭ جاقسى باعاسىنا يە بولدى. تۋگۇڭ قىستاعىنىڭ ءتاتتى كارتوبى ءتاتتى دە ءتىل ۇيىرەتىن قاسيەتىمەن ساتىلىمى دا وتە جاقسى بولىپ قاجەتتى قامداي الماي وتىر. كەلەر جىلى ءبىز جالعاستى ەگۋ كولەمىن كەڭەيتىپ، ءتىپتى كوپ ديقانداردىڭ كىرىستەرىن ارتتىرىپ، ولاردى اۋقاتتاندىرۋدى جوسپارلاپ وتىرمىز.
ازىقتىق ماماندارىنىڭ ايتۋىنشا، ءتاتتى كارتوپ دۇنيە جۇزىلىك دەنساۋلىق ساقتاۋ ۇيىمدارى ساراپتاعان «ون ساپالى كوكونستىڭ» ءبىر بولىپ باعالانعان، جاپونيادا «راكقا قارسى ازىقتىق» دەگەن اتاعى بار. ءتاتتى كارتوپ ىشەك پەن اسقازاننىڭ جيىرىلۋىنا ءتيىمدى، قورتۋعا قولايلى بولعاندىقتان، ءىش قاتۋدىڭ الدىن الادى.
شاۋەشەك قالالىق «ۇعىسۋ، تيىمدىلىك جاساۋ، توعىستىرۋ» قىزمەت كەڭسەسىنەن ەرگۇل مۇقاتاي قىزى حابارلايدى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
