حالىق تورابى از ۇلت ءتىل - جازۋىنداعى نۇسقالارىنىڭ رەفورما جاساپ، ەسىك اشقان 40 جىلعا بايلانىستى جەلىلەس حابارلارى
جاڭاگۇل اسەن قىزى: ناۋقاستىڭ جۇزىنەن كۇلكى ەسكەندە شيپاگەر ءوزىن باقىتتى سەزىنەدى
نۇرعيسا قۇرمانجان ۇلى
2018.11.12 13:18 كەلۋ قاينارى : حالىق تورابى
حالىق تورابى، 11 – ايدىڭ 12 – كۇنى، بەيجيڭ. «باقىت قۇلشىنۋدان كەلەدى، ادام ءوز باقىتىن قۇلشىنۋ مەن ىزدەنۋ ارقىلى تابادى. ناۋقاس ادام ءتان ازابىنان ارىلىپ، جۇزىنەن كۇلكى ەسكەن كەزدە شيپاگەر ءوزىن باقىتتى سەزىنەدى». ىلە قازاق اۆتونوميالى وبلىستىق جۇڭگوشا ەمحانا سۇيەك اۋرۋلارى ءبولىمىنىڭ مەڭگەرۋشىسى جاڭاگۇل اسەن قىزى تالاي جاندى ناۋقاس ازابىنان اراشالاعان باقىتتى شيپاگەردىڭ ءبىرى. 30 نەشە جىلدان بەرى، جاڭاگۇل بار ىنتاسىمەن قىزمەت ىستەپ، الدىنا كەلگەن ءاربىر ناۋقاستى ىحىلاسپەن ەمدەدى.
39 جىلدىڭ الدىندا 13 جاستاعى جاڭاگۇل اسەن قىزى اتاسى مەن اپايىنان قازاقتىڭ ءداستۇرلى وتاشىلىق ونەرىن ۇيرەنە باستايدى. 39 جىلدان سوڭ، ول اتادان ميراس قالعان وتاشىلىق ونەرىنە مۇراگەرلىك ەتۋمەن بىرگە، قازاق ەمشىلىگىندەگى ءدارى - دارمەكتەرگە جاڭالىق ەنگىزىپ جانە ونى دامىتىپ، ءوزى جاراتقان ەمدەۋ ءتاسىلىنىڭ زياتكەرلىك مەنشىك ۇقىعىنا يە بولادى. جاڭاگۇل كلينيكالىق ەمدەۋ بارىسىندا قازاق ەمشىلىگىندەگى بىرنەشە ءتۇرلى ءدارى – دارمەكتى سىناق رەتىندە ءساتتى جاساپ شىقتى ءارى بۇل دارىلەردىڭ مەديتسينالىق ونىمدىلىگى وتە كورنەكتى بولدى. وسى ارقىلى جۇڭگوداعى ناۋقاستاردى ناۋقاس ازابىنان ارىلتۋمەن بىرگە، قازاقستان قاتارلى كورشىلەس ەلدەردەن كەلگەن ناۋقاستاردى دا ەمدەپ جازدى.
كوپ جىلدان بەرى، جاڭاگۇل اسەن قىزى تالاي ماراپاتتاردىڭ تورىنەن كورىنىپ، مەملەكەتتىك ۇلتتار ىنتىماعى وزاتى، مەملەكەتتىك وزات قىزمەتكەر بولىپ باعالاندى، «جۇڭگوداعى جاقسى ادامدار» تىزىمدىگىنە ەسىمى ەنگىزىلدى، مەملەكەتتىك دەنساۋلىق ساقتاۋ جانە جوسپارلى تۋىت كوميتەتى مەن ورتالىق تەلەۆيزيا بىرلەسىپ وتكىزگەن «2017 – جىلعى ەڭ سۇيىكتى شيپاگەردى ىزدەۋ» قيمىلىندا «2017 – جىلعى ەڭ سۇيىكتى شيپاگەر» اتاعىنا يە بولدى. 2018 – جىلى ورتالىق كوميتەتتىڭ وركەنيەت كەڭسەسى مەن مەملەكەتتىك دەنساۋلىق ساقتاۋ جانە جوسپارلى تۋىت كوميتەتى ۇيىمداستىرعان «جۇڭگوداعى جاقسى شيپاگەر جانە جاقسى سەسترا» قيمىلىندا 2018 – جىلعى 3 – ايداعى ۇزدىك شيپاگەر بولىپ باعالاندى. شينجياڭ قازاق ەمشىلىگى عىلمي قوعامىنىڭ قازاق ەمشىلىگىنە ەرەكشە ۇلەس قوسۋشى سيلىعىنا يە بولدى، شينجياڭنىڭ 60 جىلداعى دەنساۋلىق ساقتاۋ جانە جوسپارلى تۋىت جۇيەسىندەگى ۇزدىك ۇلگىلەردى باعالاۋ قيمىلىندا «شەكارا وڭىردەگى دەنساۋلىق ساقتاۋ كۇزەتشىسى» دەگەن اتاققا يە بولدى.
ارينە، جاڭاگۇل اسەن قىزىنىڭ قول جەتكىزگەن ماراپاتتارى مۇنىمەن عانا شەكتەلمەيدى. رەسمي باعالاۋ قيمىلدارىندا العان ماراپاتتارىنان سىرت، جاڭاگۇلدىڭ الدىنا ەم ىزدەپ كەلىپ، ناۋقاسىنا ءدارۋ تاۋىپ قايتقان تالاي ادامنىڭ وعان دەگەن العىسى دا شەكسىز. ولار جاڭاگۇلدىڭ ۇزدىك شيپاگەرلىك قابىلەتىنە عانا ەمەس، ادامگەرشىلىگى كۇشتى مىنەزىنە دە ءتانتى.
جاڭاگۇل اسەن قىزى: قىزمەتكە قاتىناسقان 32 جىلدان بەرى، قوعامنىڭ ۇشقان قۇستاي دامىعانىنا كۋا بولدىق، دەنساۋلىق ساقتاۋ جاعىنداعى عىلىم – تەحنيكانىڭ دامۋى بىزگە جاڭا مۇمكىندىكتەردى سيلادى، العاش قىزمەتكە قاتىناسقان كەزدە رەتسەپتەردى، اۋرۋ تاريحىن قولمەن جازىپ، كوپتەگەن جۇمىستاردى قولمەن تىندىراتىنبىز، قازىر بارلىق جۇمىس كومپيۋتەردە جۇرگىزىلەدى، ناۋقاستاردى ەمدەۋ جاعىندا دا ءتۇرلى جاڭا اسپاپتار ىستەتىلىپ، ناۋقاستى ەمدەۋ ونىمدىلىگى كورنەكتى جوعارىلادى، قازاق شيپاگەرلىگىندەگى ەمدەۋ اسپاپتارى دا جاڭا زامانعا ساي اۆتوماتتاندىرىلدى، وپەراتسيا تەحنيكالارىنىڭ دامۋى ناۋقاستىڭ دەنەسىنە كوپ زاقىم جەتكىزبەي – اق وپەراتسيا جاساۋعا مۇمكىندىك بەردى. قاتىستى زاڭ – ساياساتتار بارعان سايىن كەمەلدەنىپ، جاڭاشا اۋىل – قىستاق سەلبەسىپ ەمدەلۋ ساياساتى سىندى ساياساتتار نەگىزگى ساتىداعى ديحاندار مەن مالشىلارعا زور تيىمدىلىك جەتكىزدى — دەيدى.
جاڭاگۇل اسەن قىزىنىڭ ايتۋىنشا، قازىر قازاق ەمشىلىگىنە دەگەن قولداۋ ەرەكشە جاقسى، ول قىزمەت ەتىپ وتىرعان ەمحانادا قازاق ەمشىلىگىن زەرتتەۋ ورنى اشىلعان، قازاق ەمشىلىگى ءدارى – دارمەكتەرىن زەرتتەۋ مەن ونى كلينيكادا جاپپاي قولدانۋ، قازاق ەمشىلىگى جايلى زەرتتەۋ كىتاپتارىن باسپادان شىعارۋ جانە ونى باسقا تىلدەرگە اۋدارۋ جۇمىستارى دا قارقىندى جۇرگىزىلۋدە. وسىنداي سۇبەلى جۇمىستاردىڭ ناتيجەسى دە كورنەكتى بولۋدا، مۇنىڭ ءبارىن مەملەكەتتىڭ ۇلتتىق ەمشىلىك سالاسىنا دەگەن قولداۋىنان بولە قاراۋعا بولمايدى.
كەلۋ قاينارى: حالىق تورابى
قىسقا كەسكىن:
http://kazakh.people.com.cn/155427/15741833.html
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
