سۋرەتى شەتەلدىڭ اقشاسىنا باسىلعان بىردەن – ءبىر تەگى جۇڭگولىق ادام
ماۋريتيۋستىڭ 25 رۋپيا قاعاز اقشاسىنا جۋ مەيليننىڭ سۋرەتى باسىلعان
2018.12.12 16:42 كەلۋ قاينارى : حالىق تورابى
جۋ مەيليننىڭ سۋرەتى باسىلعان ماۋريتيۋستىڭ 25 رۋپيا قاعاز اقشاسى (ماتەريالدىق سۋرەت)
جۋ مەيليننىڭ اتا – تەگى گۋاڭدۇڭ ولكەسى مەيجوۋ قالاسىنداعى كىجيا وتباسىنان تارايدى، ول بۇگىنگە دەيىن شەتەلدىڭ قاعاز اقشاسىنا سۋرەتى باسىلعان بىردەن – ءبىر تەگى جۇڭگولىق ادام. 1991 – جىلى ماۋريتيۋس حالقى جۋ مەيليننىڭ ماۋريتيۋس ەلىنە ەتكەن ەڭبەگىن ەستە ساقتاۋ ءۇشىن ونىڭ سۋرەتىن 25 رۋپيا قاعاز اقشاعا باسقان. سونىمەن بىرگە، جۋ مەيلين پارلامەنتتە مىندەت اتقارعان كەزدەگى پارلامەنتتىڭ ماڭىنداعى كوشەنى جۋ مەيليننىڭ اتىمەن اتاعان. 2011 – جىلى ونىڭ تۋعانىنا 100 جىل تولۋى بايلانىسىمەن ماۋريتيۋس ەلى وعان ارناپ ونىڭ سۋرەتى باسىلعان 14 رۋپيالىق پوچتا ماركاسى مەن ماركالى كونۆەرت تاراتقان، مىنە بۇدان ماۋريتيۋس حالقىنىڭ جۋ مەيليندى قانشالىق قۇرمەتتەيتىنىن كورىپ الۋعا بولادى.
وڭتۇستىك افريكاعا ءبىرىنشى توپتا كوشىپ بارعان جۇڭگولىق يميگرانتتار كىجيالىقتار ەسەپتەلەدى، ولار جاپا – ماشاقاتقا ءتوزىمدى، ءورىس اشا العا ىلگەرىلەۋ رۋحى باي بولعاندىقتان، «جۇڭگونىڭ ەۆرەيلەرى» دەگەن اتقا يە بولعان. 1870 جىلى جۋ مەيليننيڭ اكەسى جۋ ۋەيشۇن گۋاڭدۇڭنىڭ مەيجوۋ قالاسىنان اتتانىپ، سول كەزدە ءالى دە انگليانىڭ وتارى ەسەپتەلەتىن ماۋريتيۋس توپىراعىنا قادام تاستاپ، سول ارادا ەڭبەكتەنىپ، ساۋدامەن شۇعىلدانادى ءارى وتىرىقتانادى. 1911 – جىلى جۋ مەيلين ماۋريتيۋستا دۇنيەگە كەلەدى، 20 جاسقا كەلگەندە اسقان ىسكەرلىگىنە سۇيەنىپ، ءتۇرلى بۇيىمدار، ازىق – تۇلىك جانە اراق – شاراپ قاتارلى زاتتاردى بولشەك ساتاتىن دۇكەندى بىرتىندەپ تىزبەكتى كاسىپورىن (ABC توبىنىڭ ءتۇپ - توركىنى) ەتىپ قۇرىپ شىعادى؛ 1942 – جىلى جۋ مەيلين ماۋريتيۋستاعى جۇڭگو تەكتى ساۋداگەرلەر قوعامىنىڭ ءتوراعاسى بولىپ سايلانادى.
1937 – جىلى جۇڭگونىڭ شاپقىنشىلىققا قارسى سوعىسى بۇرىق ەتە ءتۇستى، جۋ مەيلين باسشىلىق ەتكەن جۇڭگو تەكتىلەر «جۇڭگونىڭ مەملەكەت تەرريتورياسىن قورعاۋ قوسىنىن» قۇردى ءارى «جۇڭگونىڭ جاپون باسقىنشىلارىنا قارسى سوعىسىنا ارتقى شەپتە كومەك كورسەتۋ قوعامىنىڭ» باستىعى مىندەتىن اتقاردى، ول بەلسەندى تۇردە قارجى توپتاپ، وڭتۇستىك افريكاداعى جۇڭگو تەكتىلەر مەن جۇڭگولىق مۇھاجىرلاردى جاۋعا قاھار توگىپ، جۇڭگونىڭ شاپقىنشىلىققا قارسى سوعىسىنا كومەك كورسەتۋگە ۇندەيدى. كوپ وتپەي ەۆروپاداعى سوعىس ءورتىنىڭ كۇننەن – كۇنگە ۇلعايۋىنا، وتە – موتە، گەرمانيانىڭ تەڭىز تاسىمالى جولدارىن قۇرساۋلاۋىنا ىلەسە، ماۋريتيۋستە حالىق تۇرمىسىنا قاجەتتى زاتتار تاپشى بولدى، جۋ مەيلين بولشەك ساتۋ ساۋداگەرلەرىن ۇكىمەتكە بەلسەندى سەلبەسۋگە ۇندەپ، حالىق تۇرمىسىنا قاجەتتى قويماداعى قىرۋار زاتتاردى بۇكىل ەل كولەمىندە ىشكى جاقتا تاسىمالداپ، ماۋريتيۋس حالقىنىڭ ازىق – تۇلىك داعدارىسىن شەشىم ەتتى. ءبىرتۇتاس ورنالاستىرۋ جانە سايكەستىرۋ قابىلەتىمەن كوزگە تۇسكەندىكتەن، جۋ مەيلين ماۋريتيۋستەگى جۇڭگو تەكتىلەردەن زاڭ شىعارۋ ماجىلىسىنە تۇڭعىش رەت ۋاكىل بولدى.
1968 – جىلى ماۋريتيۋس تاۋەلسىزدىك جاريالادى، جۋ مەيلين جاڭا ۇكىمەتتىڭ قازىنا مينيسترى بولىپ تاعايىندالدى. ماۋريتيۋستىڭ اۋىل شارۋاشىلىعىنىڭ دامۋىن ىلگەرىلەتۋ ءۇشىن ول جەر – جەردەن تۇقىم مەن ۇزدىك ەگىمشىلىك تەحنيكالارىن ەنگىزدى؛ ول جان – جاققا شاپقىلاپ ءجٷرىپ قۇراق قانتىن ەكسپورت ەتۋگە بارىنشا يەك سۇيەگەن ماۋريتيۋس ەلىنە قارجى ەنگىزدى، وتە – موتە، جۇڭگو تەكتىلەردى قارجى قوسۋعا شاقىرىپ، حالىقارالىق نارىقتىڭ اۋمالى – توكپەلى جاعدايىندا وڭدىرماس اپاتقا ءدۇپ كەلگەن ماۋريتيۋستى ەكونوميكالىق قيىن – قىسپاقتان قۇتقاردى؛ ول ەكسپورت ەتەتىن ونىمدەردى وڭدەۋ رايونىن قۇرۋعا ۇندەۋ تاستاپ، ماۋريتيۋستىڭ حيميا ونەركاسىبى جانە توقىماشىلىق كاسىپتەرىنىڭ كۇن سايىن تولىسىپ، قۋاتتانۋىنا جەتەكشىلىك ەتتى ءارى قولداۋ كورسەتتى، 60 مىڭنان استام ادامدى كاسىپتەندىرىپ، ماۋريتيۋستىڭ كاسىپسىزدىك ماسەلەسىن جەڭىلدەتتى، سونىمەن بىرگە، جالاڭ ەكونوميكالىق قۇرىلىمدى تۇبەگەيلى وزگەرتىپ، قۇراق قانتى، ەكسپورت، ساياحات جانە فينانس قاتارلى ءتۇرلى ءىرى سالالاردى بىردەي دامىتىپ، ماۋريتيۋس تاۋەلسىزدىك العاننان كەيىن ەكونوميكاسىنىڭ ۇزدىكسىز ارتۋىنا تاماشا نەگىز قالادى. جۇڭگو تەكتى ازاماتتاردىڭ قابىلەتىنە جانە ادامگەرشىلىگىنە شىنايى ءتانتى بولعاندىقتان، ءار كەزەكتى ماۋريتيۋس ۇكىمەتى ءبىر مينيسترلىك ورىندى جۇڭگو تەكتى ادامنان سايلاپ وتىرادى.
جۋ مەيلين ماۋريتيۋستاعى جۇڭگو تەكتىلەردىڭ جۇڭگونىڭ ءداستۇرلى مادەنيەتى مەن قۇن كوزقاراسىنا مۇراگەرلىك ەتۋىنە جانە ونى دامىتۋىنا باستان – اقىر نازار اۋدارىپ وتىردى. ول ۇلى مەن قىزىن جۇڭگونىڭ ءداستۇرلى مادەنيەتى بويىنشا تاربيەلەۋدەن سىرت، «جۇڭگو گازەتىن» شىعارىپ، جۇڭگونىڭ ءداستۇرلى مادەنيەتىن ۇگىتتەپ، جۇڭگو تەكتىلەردى وتاندى بەرىك ەستە ساقتاۋعا، ءتۇپ – توركىنىن ۇمىتىپ كەتپەۋگە ۇندەپ وتىردى؛ ول جۇڭگو تەكتىلەردىڭ بىرلەستىگىن قۇرىپ، جۇڭگو تەكتى ساۋداگەرلەردى بارىس – كەلىس جاساۋعا جۇمىلدىرىپ، جۇڭگولىق مۇھاجىرلار مەن جۇڭگو تەكتىلەردىڭ اتا – مەكەنگە جانە ۇلتقا دەگەن سۇيىسپەنشىلىگىن ۇيىستىرىپ، ماۋريتيۋستاعى جۇڭگولىق مۇھاجىرلار مەن جۇڭگو تەكتىلەردىڭ ۇقىق – مۇددەسىن اناعۇرلىم ويداعىداي قورعاپ، جۇڭگو مەن ماۋريتيۋس اراسىنداعى دوستىق بارىس – كەلىستى نىعايتتى.
1991 – جىلى جۋ مەيلين دۇنيەدەن ءوتتى، ونىڭ سوڭىنا قالدىرعان كاسىبى ماۋريتيۋستا ۇزدىكسىز كوركەيدى. ونىڭ اۋلەتىندەگىلەر مەڭگەرگەن ABC توبى ونىڭ اتىندا قور قوعامىن قۇرىپ، الەۋمەت، وقۋ – اعارتۋ جانە مادەنيەت قاتارلى سالالارعا قارجىلاي كومەك كورسەتۋ سىندى الەۋمەتتىك يگىلىك ىستەرىن جالعاستىردى. ونىڭ ۇلكەن ۇلى جۋ چاڭپيڭ اكە جولىن قۋىپ، مۇھاجىرلاردىڭ قوعامىنا، مۇھاجىرلاردىڭ ۇيىمدارىنا قاتىستى ىستەرگە بەلسەندى اتسالىسىپ، مۇھاجىرلاردىڭ جاڭا ۇرپاق ىقپالدى جەتەكشىسىنە اينالدى؛ جەتىنشى ۇلى جۋ چاڭمياۋ ماۋريتيۋستا ەسىرتكىدەن ايىقتىرۋ ورتالىعىن قۇرىپ، ەسىرتكىدەن ايىعۋ ۇستىندەگى جاستاردىڭ ەسىرتكى قۇمارلىعىنان ارىلۋىنا ۇزاق ۋاقىت بويى كومەكتەسىپ، ولاردىڭ تىڭ ءومىردى باستاۋىنا كومەك قولىن سوزدى؛ ونىڭ قىزى جۋ جىيۇن كەزىندە ماۋريتيۋستىڭ جۇڭگودا تۇراتىن ءبىرىنشى كەزەكتى باس ەلشىسى بولعان، ءومىرىنىڭ سوڭىندا شاڭحايعا قونىستانىپ، اۋلەتتەگىلەردىڭ اتا – مەكەنگە ىرگە تەبۋ ارمانىن ورىندادى.
(جۇڭگو مۇھاجىرلار تاريحى مۇراجايى بەرگەن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
