كەيبىر كەدەي وڭىرلەردە باسشىلار ەڭبەگىن جارنامالاۋعا قۇشتار بولىپ، كەدەيلىك قالپاعىن الىپ تاستاعانىن سالتاناتتى قۇتتىقتاعان
اسىلگى تاقىرىبى: كەدەيلىكتەن ارىلتۋدا قامال الۋ قىزمەتىن، ءسوزسىز، تىڭعىلىقتى تا شىنايى ىستەۋ كەرەك
2018.12.18 16:40 كەلۋ قاينارى : حالىق تورابى
«كەدەي اۋدانداردىڭ كەدەيلىك قالپاعىن الىپ تاستاعاننان كەيىن قۇتتىقتاۋ قيمىلىن وتكىزۋىنە مۇلدە بولمايدى، كەدەيلىك قالپاعىن الىپ تاستاۋعا قاتىستى ۇگىت فيلمدەرىن تۇسىرمەۋ كەرەك، كەدەيلىك قالپاعىن الىپ تاستاۋ تاقىرىبىنداعى قاتىستى قيمىلداردى وتكىزبەۋ كەرەك»، «ءوندىرىس ارقىلى كەدەيلەردى سۇيەمەلدەۋ بارىسىندا ‹بەت جۇزدىك ءۇشىن سي – سياپات بەرۋ› ارەكەتىن ىستەۋگە باتىل تەجەۋ سالۋ كەرەك، كەدەيلەردى سۇيەمەلدەۋ قىزمەتىن سارالاۋ، وعان تەكسەرۋ جۇرگىزۋ قاتارلى قيمىلداردى ۇيىمداستىرۋ بارىسىندا كەدەيلەردى سۇيەمەلدەۋ ونىمدەرىن تىزۋگە، سيعا تارتۋعا بولمايدى، قيمىلعا قاتىناسقان ادامدار كەدەيلەردى سۇيەمەلدەۋ ونىمدەرىنەن ءدام تاتپاۋى، الماۋى كەرەك» ... جۋىردا مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى ىركەس – تىركەس ۇقتىرۋ شىعارىپ، كەدەيلەردى سۇيەمەلدەۋ قىزمەتىندە بايقالعان تيپتىك ماسەلەلەرگە تويتارىس بەرىپ، كەدەيلىكتەن ارىلتۋدا قامال الۋ شايقاسى جونىندە نازاردى شوعىرلاندىرىپ، ءتۇيىندى ماسەلەلەردى كورسەتتى، بۇل قۇجاتتاردىڭ امالياتتىق جانە باعىتتامالىق سيپاتى وتە كۇشتى بولدى.
قازىر كەدەيلەردى سۇيەمەلدەۋ سالاسىنداعى فورماشىلدىق، تورەشىلدىك ماسەلەلەرىن سيرەك كەزدەسەدى دەۋگە كەلمەيدى. كەيبىر كەدەي وڭىرلەردە باسشىلار القاسى ەڭبەكتەرىن جارنامالاۋعا قۇشتار بولىپ، ءارقايسى جاقتاردىڭ كومەگىندە كەدەيلىك قالپاعىن ءساتتى تۇردە الىپ تاستاعانىن ءوزىنىڭ زور ەڭبەگى ساناپ، وسىعان ارقالانىپ استا – توك قۇتتىقتاۋ قيمىلدارىن وتكىزەدى، بۇل حالىقتى قالجىراتىپ، قازىنانى الباتى شاشۋ ەسەپتەلەدى. مىسالى: انحۇي ولكەسى فۋياڭ قالاسى يىڭجوۋ رايوندىق كەدەيلەردى سۇيەمەلدەۋ كەڭسەسى 600 مىڭ يۋانعا «كەدەيلىكتەن ارىلىپ، كەدەيلىك قالپاعىن الىپ تاستاۋ تاقىرىبىنداعى ۇگىت فيلمىن» ساتىپ الماق بولعان، اقپارات قۇرالدارى بۇل ءىستى اشكەرەلەگەننەن كەيىن، جۇرتشىلىقتىڭ كۇشتى اڭىسىن قوزعاعان. كەيبىر كەدەي وڭىرلەر «اتتان تۇسسە دە ۇزەڭگىدەن تۇسپەي»، كەلگەندەردى «قارسى الىپ»، كەتكەندەردى «اتتاندىرىپ قويۋدى» ەسىنەن شىعارمايدى، «ساۋعانى مول سيلاساڭ سولەكەت كورىنبەيسىڭ» دەگەنگە سەنەدى. مىسالى: ورتا بولەكتەگى مەملەكەت دارەجەلى بەلگىلى كەدەي اۋدانداعى بەلگىلى تاۋلى اۋىل – قالاشىقتىڭ شاي ءوندىرۋ مولشەرى جىلىنا 3000 جىڭ اينالاسىندا، مۇنىڭ ۇشتەن ءبىر بولەگىن «سي – قۇرمەت» رەتىندە ۇسىنىپ جىبەرەدى ... مەيلى، ەڭبەگىن جارنامالاۋ بولسىن، ياكي، سي – سياپات جاساۋ ستيلى بولسىن، بۇلاردىڭ ءبارى كەدەيلىكتەن ارىلتۋدا قامال الۋ قىزمەتىنە زياندى، ءسوزسىز، باتىل تيۋ، قاتاڭ رەتكە سالىپ،تۇزەتۋ كەرەك.
كەدەيلىكتەن ارىلتۋدا قامال الۋ شايقاسى قازىرگى تاڭدا مەملەكەت جوسپارى مەن حالىق تۇرمىسىنا ساياتىن ءىرى ءىس سانالادى، «قامال الۋ شايقاسى» دەپ اتالۋىنىڭ سەبەبى اپ – انىق — بۇل قيان – كەسكى شايقاسپەن تەڭ، بەلگىلەنگەن مەرزىم بويىنشا نىساناعا جەتۋ ءۇشىن، ءسوزسىز، قىزمەتتى تىڭعىلىقتى دا شىنايى ىستەۋ قاجەت، جاپالى دا ەگەي قۇلشىنىس جاساۋ كەرەك. كەدەي وڭىرلەردىڭ كەدەيلىك قالپاعىن الىپ تاستاۋى، ارينە، جاقسى ءىس، دەگەنمەن، بەينەتتى ۇمىتۋعا، حاۋىپ – قاتەردەن ساقتانۋ سەزىمىن ۇمىتۋعا بولمايدى، كەدەيلىكتەن ارىلعان جۇرتشىلىق ءبىر رەتكى اۋرۋعا شالدىعۋ، ءبىر جولعى اپاتقا ۇشىراۋ بارىسىندا قايتادان كەدەيلەسىپ قالۋى مۇمكىن ەكەنىن ويلاۋ كەرەك، كەدەيلىكتەن ارىلتۋدىڭ ناتيجەلەرىن قالاي بەكەمدەۋدى، اۋقاتتانۋ جولىنا قالاي ءتۇسۋدى اناعۇرلىم كوپ ويلانۋ كەرەك. كەدەيلەردى سۇيەمەلدەۋ قىزمەتىن ناق مايدانعا بارىپ كورۋ قاتارلى قيمىلداردى ۇيىمداستىرۋ راسىندا قاجەت، الايدا، «سي – سياپات ستيلىن» بۇعان ارالاستىرماۋ كەرەك، قاتاڭ سيپات الاتىن ۇكىمەت ىستەرى قيمىلى جەپ – ءىشۋ، الىم – بەرىم ارالاسقان «اۋىل – قىستاققا ءبىر كۇندىك ساياحات»، «جەرگىلىكتى ەرەكشەلىككە يە ونىمدەردى جيناۋ كۇنى» بولىپ قالماۋى كەرەك.
12 – ايدىڭ 18 – كۇنى مەملەكەتتىك كەڭەستىڭ كەدەيلەردى سۇيەمەلدەۋ كەڭسەسىنىڭ پارتگرۋپپا شۋجيى، مەڭگەرۋشىسى ليۋ يۇڭفۋ جۇڭگونىڭ كەدەيلەردى سۇيەمەلدەۋ جاعىنداعى رەفورما جاساۋىنىڭ 40 جىلدىعى اڭگىمە ماجىلىسىندە 40 جىلدان بەرگى كەدەيلەردى سۇيەمەلدەۋ - كوركەيتۋ قىزمەتىنىڭ بارىسىن 6 اۋىز سوزگە جيناقتاعان، مۇنىڭ ىشىندە «قىزمەتتى تىڭعىلىقتى دا شىنايى ىستەۋ» دەگەن ءسوز بار. مەملەكەتتىك كەڭەستىڭ كەدەيلەردى سۇيەمەلدەۋ كەڭسەسىنىڭ جۋىردا شىعارعان ءبىرقىدىرۋ «تيىمدارى» دا قىزمەتتى تىڭعىلىقتى دا شىنايى ىستەۋدىڭ ەسكەرتپەسى دەۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
