بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>قوعام

تەمىر داۋامات جولداستىڭ سۇيەگىمەن قوشتاسۋ بەيجيڭدە وتكىزىلدى

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار باباۋشان توڭكەرىستىك قۇرباندار قابىرستانىنا بارىپ سۇيەكپەن قوشتاستى

2018.12.24 16:20   كەلۋ قاينارى : حالىق تورابى



  تەمىر داۋامات جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن تەمىر داۋامات جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنا قايعىلى سەزىممەن كوڭىل ايتتى

  بۇل سۋرەتتە؛ شي جينپيڭ تەمىر داۋاماتتىڭ تۋىس - تۋعاندارىمەن قول الىسىپ، قايعىلى سەزىممەن كوڭىل ايتتى.سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  حالىق تورابى.، 12 – ايدىڭ 24 – كۇنى، بەيجيڭ. شينحۋا اگەنتتىگىنىڭ 12 – ايدىڭ 21 – كۇنى بەيجيڭنەن بەرگەن حابارى، جۇڭگو كوممۋنيستىك پارتياسىنىڭ تاڭداۋلى مۇشەسى، ادال كوممۋنيزم جاۋىنگەرى، پارتيا مەن مەملەكەتتىڭ ۇلت قىزمەتىنىڭ ۇزدىك باسشىسى، ۇيعۇر حالقىنىڭ تاڭداۋلى ۇلى، 8 -، 9 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى تەمىر داۋامات جولداستىڭ سۇيەگىمەن قوشتاسۋ 12 - ايدىڭ 21 - كۇنى بەيجيڭدەگى باباۋشان توڭكەرىستىك قۇرباندار قابىرستانىندا وتكىزىلدى.

  تەمىر داۋامات جولداس ناۋقاس سەبەبىنەن 2018 - جىلى 12 - ايدىڭ 19 - كۇنى ساعات 14دەن 20 مينۋت وتكەندە بەيجيڭدە 92 جاسىندا قايتىس بولدى.

  تەمىر داۋامات جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن تەمىر داۋامات جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنا قايعىلى سەزىممەن كوڭىل ايتتى.

  12 – ايدىڭ 21 - كۇنى تۇستەن بۇرىن باباۋشان توڭكەرىستىك قۇرباندار قابىرستانىنىڭ ازا ءبىلدىرۋ زالى قايعىعا شومىپ، ازالى مۋزيكا ءۇنى باياۋ شالىنىپ تۇردى. زالدىڭ ءتورىنىڭ جوعارعى جاعىنا «تەمىر داۋامات جولداسقا قايعىلى ازا بىلدىرەمىز» دەگەن اق ءتۇستى جازۋ جازىلعان قارالى كەرمە تۋ ءىلىندى، كەرمە تۋدىڭ استىنا تەمىر داۋامات جولداستىڭ سۋرەتى قويىلدى. تەمىر داۋامات جولداستىڭ سۇيەگىنىڭ اينالاسىنا الۋان گۇلدەر مەن ارشالار قويىلىپ، سۇيەگىنە جۇڭگو كوممۋنيستىك پارتياسىنىڭ نارت قىزىل تۋى جابىلدى.

  تۇستەن بۇرىن مولشەرمەن ساعات 9دان 30 مينۋت وتكەندە، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ازالى مۋزيكا ءۇنى ىشىندە تەمىر داۋامات جولداستىڭ سۇيەگىنىڭ الدىنا باياۋ كەلىپ، ءۇنسىز تۇرىپ ازا ءبىلدىرىپ، تەمىر داۋامات جولداستىڭ سۇيەگىنە 3 رەت تاعزىم ەتتى، سونداي - اق تەمىر داۋامات جولداستىڭ تۋىس - تۋعاندارىمەن ءبىر - بىرلەپ قول الىسىپ كوڭىل ايتتى.

  پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاسۋعا باردى نەمەسە ءتۇرلى جولدارمەن ازا ءبىلدىردى. ورتالىقتىڭ جانە مەملەكەت ورگاندارىنىڭ قاتىستى ورگاندارىنىڭ جاۋاپتى جولداستارى، تەمىر داۋامات جولداستىڭ كوزى تىرىسىندەگى جاقىن وتكەن دوستارى مەن اۋىلىنان كەلگەن ۋاكىلدەر دە سۇيەكپەن قوشتاستى.

  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

 سۋرەت