كادرلەردىڭ نەندەي جۇمىستار تىندىرىپ جۇرگەنى جۇرتتىڭ كوكەيىندە سايراپ تۇر
2019.01.09 15:25 كەلۋ قاينارى : حالىق تورابى
ماسەلەگە جولىققاندا جىلىستاپ ءوتىپ كەتسەك، قايشىلىققا جولىعۋدان جالتارىپ، «اۋىردىڭ استىمەن، جەڭىلدىڭ ۇستىمەن» جۇرسەك، جۇرت ەندىگى جەردە ءبىزدى قايتا ىزدەپ كەلە مە؟ بۇدان بىلاي بىزگە سەنە مە؟
جۋىردا كەدەي وتباسى ەسەپتەلەتىن سۇن گوجۇڭنىڭ وتباسىنا بارىپ حال سۇرادىم، كەتەرىمدە ول مەنى جىبەرمەي: «كەتپەي – اق، ءبىزدىڭ ۇيدەن تاماق ءىشىڭىز! تاماق دايىن بولدى»، — دەدى تاماق ۇستەلىن نۇسقاپ. ونىڭ مەنى تاماق ىشۋگە قانشا رەت شاقىرعانى ەسىمدە جوق، الايدا، 5 ايدىڭ الدىندا سۇن گوجۇڭ مەنىڭ قىزمەت قابىلەتىمنەن كۇمانداناتىن قىستاق تۇرعىندارىنىڭ ءبىرى ەدى.
بىرەۋ «كادرلەردىڭ نەندەي جۇمىستار ىستەپ جۇرگەنى، جۇمىستى قالاي ىستەگەنى جۇرتتىڭ كوكەيىندە سايراپ تۇر» دەگەن بولاتىن. كەدەيلەردى سۇيەمەلدەۋگە كەلگەن كادردىڭ تولىمدى – تولىمسىز ەكەنىنە جۇرت ونىڭ قىزمەت وتەۋ پوزيتسياسى مەن قىزمەت وتەۋ ورەسىنە قاراي باعا بەرەدى. پوزيتسياڭ جاقسى بولعاندا عانا، ولار سەنى وزىنە جاقىن تارتادى؛ قىزمەت ورەڭ جوعارى بولعاندا عانا، ولار ساعان سەنەدى، سەنىڭ قىزمەتىڭە قولداۋ كورسەتەدى.
دەگەنمەن، جۇرتتىڭ ريزالىعىنا يە بولۋ ءۇشىن تەك شىن پەيىل مەن ىستىق ىقىلاس قانا بولسا جەتكىلىكتى بولمايدى.
انا ءبىر جولى قىستاققا جاڭادان كوشە شامى ورناتىلدى، قىستاقتاعى ءبىر تۇرعىن ءۇيىنىڭ الدىنداعى جولعا سۋ وڭاي كولكيتىنىن، كەشتە شام جارىعى ءالسىز بولعاندىقتان، جۇرۋگە قولايسىزدىق تۋدىراتىنىن ايتىپ، تاعى ءبىر شام قوسۋدى ءوتىندى. بىرنەشە كۇننەن كەيىن، مەن سول جولمەن ءجۇرىپ كوردىم، جول جاعدايى مەن جارىقتاندىرۋ قۇرىلعىلارىن مۇقيات تەكسەردىم ءارى سۋرەتكە ءتۇسىردىم. وتە كەش بولىپ كەتكەندىكتەن، وعان جاۋاپ قايتارا المادىم، ەرتەڭىندە جۇمىس باستى بولىپ كەتىپ، وعان جاۋاپ قايتارۋدى ۇمىتىپ كەتىپپىن. ويلاماعان جەردەن، ول مەنىڭ جاۋاپ قايتارماعانىمدى ماقۇل بولعانى دەپ قاتە ءتۇسىنىپ قالىپ، ەسىگىنىڭ الدىنان كوشە شامىنىڭ باعاناسىن ورناتاتىن شۇڭقىر قازىپ قويىپتى. شىنىمدى ايتسام، باستابىندا مەن مۇنى ونشا تۇسىنبەدىم، ءبىراق، ەندى ءبىر جاعىنان ويلاسام، جۇرتتىڭ كوڭىل ءبولىپ وتىرعان ماسەلەسىنە دەر كەزىندە جاۋاپ قايتارىپ وتىرۋ كەم بولسا بولمايتىن ءتۇيىن ەكەن. «تاپسىرىلعان ءارقانداي ءىستى تۇگەل سوڭىنا دەيىن تياناقتاندىرىپ وتىرۋ، بارلىق ءىس جونىندە جاۋاپ قايتارىپ وتىرۋ» — قىستاق تۇرعىندارىنا جاۋاپكەرشىلىكپەن مامىلە جاساۋ، قىزمەتتى جاۋاپكەرشىلىكپەن ىستەۋ بولىپ تابىلادى.
بىلتىر 8 – ايدا قىستاققا جاڭادان مىندەتكە ىلىنگەن كەزىمدە ءبىر ءىس ماعان تەرەڭ اسەر قالدىردى. ءبىر قىستاق تۇرعىنىنىڭ اۋلا داۋالىن سەل قۇلاتىپ كەتىپ، قۇلاعان داۋال كورشىسىنىڭ ءۇيىنىڭ داۋالىن قۇلاتىپ كەتكەن ەكەن، ەكى جاق تولەم بەرۋ جانە جوندەتۋ ماسەلەسى جونىندە بىرلىككە كەلە المادى. كۇن شىجىعان ىستىق، تۇرعىنداردىڭ كوڭىل - كۇيىن تىنىشتاندىرۋ وڭاي ەمەس، قىستاق كادرلەرى تۇرعىنداردىڭ ۇيىنە بىرنەشە رەت بارىپ، ەكى جاقتىڭ قانداي تالاپتارى بار ەكەنىن ۇعىستى، قىستاق تۇرعىندارىمەن بەتپە – بەت وتىرىپ اڭگىمەلەستى، تاڭ اتقاننان كەش باتقانشا بىرنەشە ءتۇرلى شەشۋ جوباسىن تالقىلادى. قايتا – قايتا جاراستىرۋدىڭ ارقاسىندا، ەكى جاق اقىرى ءبىر پىكىرگە كەلىپ، جۇرتتىڭ كوڭىلى ورنىقتى. قايتقان جولدا مەن قىستاق كوميتەتىنىڭ مەڭگەرۋشىسىنەن: «اۋىل – قىستاق قىزمەتىن ويداعىداي ىستەۋدىڭ سىرى نەدە؟» — دەپ سۇرادىم. ول ماعان: «جۇرتتىڭ قامىن جەۋ، اۋرە بولۋدان قورىقپاۋ كەرەك»، — دەپ جاۋاپ بەردى.
قىزمەتتى ىشكەرىلەي، جۇرت جۇرەگىنە ۇيالايتىنداي ىستەۋ كەرەك. «جۇرتتىڭ قامىن جەۋ، اۋرە بولۋدان قورىقپاۋ كەرەك» دەگەن ءسوزدى مەن ۇنەمى وزىمە ەسكەرتىپ جۇرەتىن بولدىم.
جاقىندا عانا كەدەيلەردى سۇيەمدەلدەۋ قىزمەتىنە جاۋاپتى بىرنەشە كادرمەن اڭگىمەلەستىم، ولاردىڭ بىرەۋى ماعان تەرەڭ اسەر قالدىردى. ول ۇنەمى كەدەي وتباسىنداعىلارعا: «قانداي قيىنشىلىقتارىڭ بولسا مەنى ىزدەڭدەر، مەن شەشىم ەتە الامىن، ماعان سەنىڭدەر»، — دەيدى ەكەن. ويلانىپ قاراساڭىز، ەگەر ماسەلەگە جولىققاندا جىلىستاپ ءوتىپ كەتسەك، قايشىلىققا جولىققاندا بوي تاسالاپ جۇرسەك، «اۋىردىڭ استىمەن، جەڭىلدىڭ ۇستىمەن» جۇرسەك، جۇرت بۇدان بىلاي ءبىزدى ىزدەپ كەلە مە؟ بۇدان بىلاي بىزگە سەنە مە؟ «جۇرتتىڭ ىستەرى ۇلكەن – كىشى بولىپ بولىنبەيدى» دەگەندى ۇنەمى ايتامىز، ەگەر ولاردىڭ ءىسىن ءوز ىسىمىزدەي كورىپ، ىرىقتىلىقپەن ءبىرجاقتىلى ەتسەك، مەيلى ءارقانداي قيىن ماسەلە بولسا دا شەشىم ەتۋدىڭ جولىن تابۋعا بولادى.
بۇگىنگى تاڭدا، مەديتسينالىق قامسىزداندىرۋعا قالاي قاتىناسۋعا بولاتىنىن ۇعىسۋدان تارتىپ، ارميادان شەگىنگەندەردىڭ ينفورماتسيالارىن تىزىمگە الدىرۋ جونىندە كەڭەس سۇراۋعا دەيىن، قىستاق تۇرعىندارىنىڭ ەسىنە ەڭ الدىمەن مەن تۇسەتىن بولدىم. 307 وتباسىنداعى 902 جان سانىنىڭ ءار بىرەۋىنىڭ تالابىن كوڭىل قويىپ تىڭداپ، ءار ءبىر ماسەلەنى شەشكەن سايىن، ولارمەن بايلانىسىم ءبىر ادىم جاقىنداي تۇسكەندەي سەزىنەمىن.
(اۆتورى: گازەتىمىزدىڭ ءتىلشىسى، قازىر حىبەي ولكەسى لۋانپيڭ اۋدانى پيڭفاڭ مانزۋ ۇلتتىق اۋىلى يۇييڭ قىستاعىنىڭ ءبىرىنشى شۋجيى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
