ءبىز نە ءۇشىن بالالىق شاققا قايتقىمىز كەلدى
مەملەكەتتىك 2 – دارەجەلى پسيحولوگيالىق كەڭەس بەرۋشى يۇي شياۋچيڭ
2019.01.21 14:45 كەلۋ قاينارى : حالىق تورابى
ٵر جولى كۇيكى تىرلىكتىڭ كۇيبەڭىنەن ابدەن دىڭكەلەگەندە، نەمەسە قىزمەتتە باستىقتىڭ سوگىسىنە قالىپ، ونىڭ ۇستىنە ءسوز قايتارۋعا باتىلى بارماعاندا، ۇيلەنۋ ىسىندە اۋىر كەدەرگىلەرگە ۇشىراعاندا، كوپتەگەن ادام ٶزىنىڭ بالالىق شاعىنا قايتۋدى ارماندايدى. ويتكەنى بالا كەزدە بارلىق كوڭىلسىزدىكتى ۇمىتاسىڭ، قينالساڭ جىلاي سالاسىڭ، قاتەك وتكىزسەڭ تەك ءبىر اۋىز كەشىرىم عانا سۇراي سالاسىڭ. بالالىق شاققا قايتۋدى ارمانداۋ ادامدارداعى قىسىمنىڭ جوعارى بولۋىنان تۋىنداعان ءبىر ءتۇرلى قيال.
مۇنان سىرت كەيبىر ادامدار تابىسقا جەتكەن سوڭ دا، ٶزىنىڭ بالا كەزىن ەسىنە الادى. مىسالى، وقۋدى تابىسپەن تامامداپ، جاقسى قىزمەتكە ورنالاسقان سوڭ، قىسىمنان ارىلىپ، كوڭىل كۇي جاقتان ەرەكشە ەمەن – ەركىن سەزىنگەندىكتەن، بالا كەزىندەگىندەي، كوڭىلدى ويناپ، باسقالارمەن ەركىن بارىس – كەلىس جاساعانداي سەزىنەدى. ادامداردا نە ءۇشىن وسىنداي بالالىق شاققا قايتۋدى ارماندايتىن كوڭىل كۇي بولادى؟
پسيحولوگيا عىلىمىنىڭ پىكىرلەسىپ تالداۋ جاساۋ نازارياسى ءبىزدىڭ مۇنداي كوڭىل كۇيىمىزدى ءتۇسىندىرىپ بەرە الادى. بۇل نازاريانىڭ ايتۋىنشا، ادامدار جۇباتۋدى قاجەت ەتەدى. بالا كەزدەگى باسقالاردىڭ ٴسۇيۋى، ايالاۋى، كەشىرىم ەتۋىنىڭ بارلىعى ءبىر ءتۇرلى جۇباتۋ. ادامدار ەرجەتكەن سوڭ دا جۇباتۋدى قاجەت ەتەدى.
قيىنشىلىق قانشالىق اۋىر بولسا، ادامدار جۇباتۋدى سونشالىق قاجەت ەتەدى، سوندىقتان ادامدار قىسىمعا ۇشىراعاندا، ساتسىزدىككە ۇشىراعاندا، جابىرلەنگەندە بالالىق شاققا قايتۋدى ارماندايدى. مۇنىڭ ٶزى ءبىزدىڭ قاتتى شارشاعاندىعىمىزدىڭ، قولداۋ مەن جۇباتۋ تابۋ ارقىلى قىسىمدى جەڭىلدەتىپ، ءتىپتى دە جاقسى ٶمىر سۇرۋىمىزگە بەرىلگەن سەگنال.
بالالىق شاققا قايتۋدى ارمانداۋدىڭ تاعى ءبىر سەبەبى، ءبىزدىڭ ٵرقايسىمىزدىڭ جۇرەك تۇكپىرىمىزدەن ورىن العان «قايعىسىز بالالىق شاعىمىز» بار، ول بارىنە تاڭىرقاي قارايتىن، ەش نارسەدەن قورىقپايتىن، رياسىز دا سەرگەك ءسابي جۇرەك. ول باتىلدىقتىڭ، تاپقىرلىقتىڭ، كوڭىلدىلىكتىڭ، ۇيىرلەسكىشتىكتىڭ قاينارى. ءبىز قىسىمدى سەزىنگەن شاعىمىزدا، بالالىق شاققا قايتۋدى ارماندايىمىز، بالكىم بالا كەزدەگى كوڭىلدىلىكتى، باتىلدىلىقتى جانە تاپقىرلىقتى قايتادان تابۋدى ارمانداعاندىمىزدان بولۋى كەرەك، مۇنداي جۇرەك تۇكپىرىندەگى كۇش ءبىزدىڭ قيىنشىلىق قىسپاعىنان وتۋىمىزگە كومەكتەسەدى.
تابىسقا جەتكەن سوڭ بالالىق شاققا قايتۋدى ارمانداۋدىڭ، باستى سەبەبى نەگىزىنەن ەركىن بولعاندىقتان. ادامدار ەركىن بولعان كەزىندە، ماسەلەن، كوپتەگەن قيىنشىلىقتاردى كورىپ تابىسقا جەتكەندە، نەمەسە قالادان تابيعاتقا قايتقانعا بالالىق شاققا قايتقانداي سەزىنەدى، بالالىق شاقتىڭ قايعىسىزدىعىن سەزىنگەندەي بولادى. ەرجەتكەن بىزدەر ٶمىر بويى بالالىق شاققا قايتا المايمىز، دەسە دە بالالىق شاق ءبىزدىڭ ماڭگى كوڭىلدى، باتىل بولۋىمىزدىڭ جانە جۇبانىشىمىزدىڭ قاينارى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
