بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>قوعام

اشكەرەلەۋ: نەگىزگى ساتىداعى قالاشىق قىستاقتاردىڭ كەدەيلەردى سۇيەمەلدەۋ قىزمەتىندەگى ماتەريالدارىن باسەكەلەستىرگەن

اسىلگى تاقىرىبى: كادرلەردى قىزمەت ورنىندا ناقتى جۇمىستاردى تىندىرۋعا شابىتتاندىرۋ كەرەك

شى يچي

2019.01.22 13:51     كەلۋ قاينارى : حالىق تورابى

  قىزمەتتە ناقتى ناتيجە جاراتۋعا ءمان بەرمەي، قىزمەتتى شىن پەيىلىمەن ىستەمەي، تەك ماتەريال جازۋعا سۇيەنۋ سىندى بۇرىس ستيلدى دوعارۋ كەرەك، قىزمەت ناتيجەسىن باعالاۋ تاسىلىنە وزگەرىس ەنگىزىپ، ماتەريال جازۋعا عانا سۇيەنىپ الۋدى ازايتىپ، «دريجورلىق تاياقشاسىن» تولىق پايدالانىپ، كادرلەردى ءوز قىزمەت ورنىندا ناقتى جۇمىستاردى تىندىرۋعا شابىتتاندىرۋ كەرەك.


  ماقالانىڭ اۆتورى جۋىردا نەگىزگى ساتىعا بارىپ سۇحبات العان كەزدە مىناداي جاعدايدى كورەدى: قالاشىق ۇكىمەتتىڭ جيىن زالىنا كوك، قارا، قىزىل ءۇش رەڭدەگى نەشە ونداعان ماتەريال قىستىرماسى رەت – رەتىمەن قاتارلاستىرىپ ءتىزىپ قويىلعان، قارسى جاقتاعى ۇستەلگە ءتۇرلى فورماداعى قىزىل تاقىرىپتى قۇجاتتار قاباتتاستىرا تىزىلگەن، ەسىك كوزىندەگى قۇجاتتارعا تولعان ساندىقتىڭ جانىندا قىزمەتكەرلەر جاڭا عانا اكەلگەن ءبىر توپ قۇجاتتى رەتتەۋدە ... اسىلىندە بۇل «قىستاقتار ارا كەدەيلەردى سۇيەمەلدەۋ قىزمەتىندەگى ماتەريالداردى باسەكەلەستىرۋگە» ارىپتالاسىپ دايىندىق كورىپ جاتقاندارى ەكەن.


  «ماتەريال قانشالىق قالىڭ، قانشالىق رەتتى تىزىلگەن بولسا، جازۋلارى قانشالىق رەتتى بولسا، سونشالىق جوعارى ءنومىر الۋعا بولادى»، «جوعارى جاق شۇعىل قاجەت ەتىپ جاتقاندىقتان، كۇندى تۇنگە جالعاپ ۇستەمە جۇمىس ىستەي وتىرىپ ماتەريال دايىنداپ جاتىرمىز» ... بۇل ءىشىنارا كادرلەردىڭ جۇرەك سوزدەرى. ءاسىلى ماتەريالدى باسقارۋداعى ماقسات قىزمەتتى تياناقتاندىرۋ بولۋى كەرەك ەدى، الايدا، ءىشىنارا جەرلەردە اتقارۋ بارىسىندا بۇرىس ستيلدەر جارىققا شىققان، ناقتى ناتيجەگە، شىن پەيىلىمەن قىزمەت ىستەۋگە ءمان بەرمەي، ماتەريال دايىنداۋعا سۇيەنىپ قالعان.


  جوعارى جاق جونىنەن ايتقاندا، وزگەشە ماقساتپەن مۇقيات دايىنداپ جولداعان ماتەريالدار ناقتى احۋالداردى، ناقتى ماسەلەلەردى بەينەلەپ بەرە المايدى، بۇل جوعارى جاقتى ساياسات بەلگىلەۋ بارىسىندا الجاستىرىپ، اكىمشىلىك بايلىق قاينارىن ىسىراپ ەتەدى. نەگىزگى ساتى كادرلەرى جونىنەن ايتقاندا، ماتەريال باسقارۋدى قالىپتان تىس دارىپتەۋ قىزمەت باسىمدىلىعىن بارعان سايىن ارتتىرعانمەن، ناقتى قىزمەتتى العا باستىرا المايدى، قايتا فورماشىلدىق سىندى بۇرىس ستيلدىڭ ەتەك الۋىنا اپارىپ سوعادى. مۇنان دا ماڭىزدىسى، جىلدىرتپالاپ وتە شىعۋ ءۇشىن دايىنداعان جالعان ماتەريالدار ماسەلەنى بۇركەمەلەپ، قىزمەت ناتيجەسىن اشەكەيلەپ كورسەتكەنىمەن، ءىس جۇزىندە جۇرتشىلىقتىڭ ۇقىق – مۇددەسىن زياندايدى، دامۋدىڭ تاماشا ورايىن سەلگە كەتىرەدى.


  ماتەريالدى باسقارۋدىڭ بۇرمالانۋى ءىشىنار جەرلەردىڭ «ماتەريالعا قاراپ باعا بەرۋ» نىسايىمەن تىعىز بايلانىستى. ءىشىنارا جەرلەردە جوعارى جاقتىڭ تەكسەرۋى وتە جيى بولعاندىقتان، نەگىزگى ساتىداعىلار وسىعان توتەپ بەرۋ ءۇشىن شارشاپ – شالدىعادى، امالسىزدان قول ۇشىمەن ىستەۋ، ىرىمىن جاساۋدان اسا المايدى دا، ماتەريال دايىنداۋ جاعىنا كۇش شىعارادى. ءىشىنارا كادرلەردىڭ قىزمەت ناتيجەسى جونىندەگى كوزقاراسىندا جاڭساقتىق تۋىلعاندىقتان، قىزمەتتە ءسانى بار ،ءمانى جوق ىستەرگە جۇگىرىپ، كوزگە وڭاي تۇسەتىن ىستەرگە كۇش سالۋعا شەبەر كەلەدى، ناقتى جاعدايدان الشاقتاپ، جالعاندىققا ءۇيىر بولادى، وسىنىڭ كەسىرىنەن فورماشىلدىققا ۇرىنادى. ءىشىنارا كادرلەر «ءمانساپتى بولۋدىڭ جولىن» قانىق بىلەدى، ولار شىندىققا جۇگىنبەيدى، جوعارىعا جارامساقتانادى، جۇرتشىلىقتىڭ ريزا بولماۋىنان قورىقپاستان، باستىقتىڭ نازارىنا ىلىنبەي قالۋدان قورقادى. وسىنداي سەبەپتەرگە بايلانىستى قىزمەتتى شىن پەيىلىمەن ىستەمەي، ماتەريال دايىنداۋعا ارتىقشا ءمان بەرۋى تابيعي.


  سوتسياليزم ەڭبەكپەن كوركەيگەن. كوممۋنيستەر جەڭىستەن تىڭ جەڭىستەرگە جەتۋدە ناقتى ءىس تىندىرۋ ارقىلى جەتكەن. جياۋ يۇيلۋ لانكاۋ اۋدانىندا تەك 475 تاۋلىك قىزمەت ىستەگەنىمەن، نەگىزىنەن بارلىق ۋاقىتىن كادرلەر مەن جۇرتشىلىقتى باستاپ قۇمدى بوراندى تىزگىندەۋگە، قۋاڭشىلىق جانە تاسقىن اپاتىمەن كۇرەسۋگە، سۋ يگىلىگى ىستەرىن كوركەيتۋگە ارناعان؛ يۇي ۋىنچاڭ دۇڭشان اۋدانىنىڭ پارتكوم شۋجيى بولعان 10 جىلدا باستان – اقىر كورنەكتى ناتيجەلەردەن گورى كومەسكى ناتيجەلەرگە ءمان بەرگەن، كادرلەر مەن بۇقارانى باستاپ، قۇمدى بوراندى تىزگىندەپ، سۋ قويماسىن سالعان؛ لياۋ جۇنبو جىڭحى اۋداندىق پارتكومنىڭ شۋجيى مىندەتىن اتقارعان كەزدە «تاۋعا تاس كوتەرىپ شىعاتىنداي» تەبىنمەن كادرلەر مەن بۇقارانى باستاپ، جاپا – ماشاقاتپەن ناقتى جۇمىستار تىندىرىپ، 30 مىڭنان استام ادامدى كەدەيلىكتەن ارىلتقان ... پارتيانىڭ وسىنداي ۇزدىك كادرلەرى جاۋاپكەرشىلىكتى ءوز موينىنا الىپ، جۇرتشىلىقپەن ىستىق – سۋىقتا بىرگە بولعان، ولار فورماشىلدىق ىستەمەگەن، ناقتى جۇمىستاردى تىندىرعان، جۇرتشىلىقتىڭ قيىنشىلىقتارىن ءبىر – بىرلەپ شەشكەن، دامۋ جولىنداعى كەدەرگىلەردى الاستاعان، جۇرتشىلىقتىڭ جۇرەگىندە ماڭگى وشپەس ەسكەرتكىش قالدىرعان.


  بىلتىر ج ك پ ورتالىق كوميتەتى كەڭسەسى «باعالاۋ قىزمەتىن ءبىرتۇتاس جۇيەگە ءتۇسىرۋدى باقىلاۋ جانە تەكسەرۋ جونىندەگى ۇقتىرۋدا» «نەگىزگى ساتىلاردان ۇنەمى كەستە تولتىرۋدى جانە ماتەريال جازۋدى تالاپ ەتپەۋ كەرەك، ىستەگەن قىزمەتىنىڭ قانداي ەكەنىن جازعان ماتەريالدارىنا عانا قاراپ باعا بەرمەۋ، قىزمەتتى ورنالاستىرىپ بولا سالا باقىلاۋ جانە تەكسەرۋ جۇرگىزبەۋ، ورنالاستىرۋ جاساي سالا باعالاۋ جۇرگىزبەۋ كەرەك، قاراقۇرىقتىق ىستەمەۋ، باسى ارتىق جۇمىس ورنالاستىرماۋ، كوزگە وڭاي تۇسەتىن ىستەردى عانا ىستەمەۋ كەرەك ...» دەپ انىق بەلگىلەگەن. ناقتى ناتيجەگە ءمان بەرمەي، قىزمەتتى شىن پەيىلىمەن ىستەمەي، تەك ماتەريال جازۋعا سۇيەنۋ سىندى بۇرىس ستيلدى دوعارۋ كەرەك، قىزمەت ناتيجەسىن باعالاۋ تاسىلىنە وزگەرىس ەنگىزىپ، ماتەريال جازۋعا عانا سۇيەنىپ الۋدى ازايتىپ، «دريجورلىق تاياقشاسىن» تولىق پايدالانىپ، كادرلەردى ءوز قىزمەت ورنىندا ناقتى جۇمىستاردى تىندىرۋعا شابىتتاندىرۋ كەرەك. كادرلەردىڭ ءوزى تۇرعىسىنان الىپ ايتساق، تەك قىزمەت ناتيجەسى جونىندە دۇرىس كوزقاراس ورناتىپ، ۇنەمى تومەنگە كوز جىبەرىپ، نەگىزگى ساتىعا قادام تاستاپ، جۇرتشىلىقتىڭ ءۇنىن تىڭداپ، ءبىرىنشى شەپتەگى جاعدايدى مەڭگەرگەندە عانا، ماسەلەنى شىنايى شەشىم ەتۋگە، دامۋدى ىلگەرىلەتۋگە، ۋاقىت پەن امالياتتىڭ سىنىنان وتە الاتىن قىزمەت ناتيجەسىنە قول جەتكىزۋگە بولادى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار