قۋاتتىق ءونىم نارىعىنداعى بىلىققان جاعدايدى تۇبىرىنەن جونگە سالۋعا الەۋمەت ات سالىسۋى كەرەك
لياۋ حايجين
2019.01.23 13:25 كەلۋ قاينارى : حالىق تورابى
قۋاتتىق ءونىم نارىعىنداعى بىلىققان جاعداي حالىق تۇرمىسىنا اۋىر زيان سالىپ، ەكونوميكانىڭ جوعارى ساپامەن دامۋىنا اۋىر ىقپال جاسايدى، قوعامنىڭ جاراسىمدىلىعى مەن ورنىقتىلىعىن اۋىر دارەجەدە بۇلدىرەدى. 1 – ايدىڭ 8 – كۇنى مەملەكەتتىك نارىقتى باقىلاۋ – باسقارۋ باس مەكەمەسى بەيجيڭ قالاسىندا كوپتەگەن تاراۋلاردىڭ باسىن قوسىپ، قۋاتتىق ءونىم نارىعىنداعى بلىققان جاعدايدى جونگە سالۋ جونىندەگى تەلەۆيزور – تەلەفون ءماجىلىسىن اشىپ، «ءجۇز كۇندىك ارەكەتتى» ورىستەتۋ جونىندە ورنالاستىرۋ جاسادى. ۇعىسۋعا قاراعاندا، وسى رەتكى «ءجۇز كۇندىك ارەكەت» 2019 – جىلى 1 – ايدىڭ 8 – كۇنى باستالىپ، 100 كۇن ورىستەتىلەدى.
نارىقتى باقىلاۋ – باسقارۋ باس مەكەمەسى، ونەركاسىپ جانە ينفورماتسيالاندىرۋ مينيسترلىگى، قوعام حاۋىپسىزدىگى مينيسترلىگى، حالىق ىستەرى مينيسترلىگى، تۇرعىن ءۇي جانە قالا – اۋىل قۇرىلىسى مينيسترلىگى، اۋىل شارۋاشىلىعى جانە اۋىل – قىستاق مينيسترلىگى، ساۋدا مينيسترلىگى، مادەنيەت جانە ساياحات مينيسترلىگى، دەنساۋلىق ساقتاۋ جانە سالاماتتىق كوميتەتى، راديو – تەلەۆيزيا باس مەكەمەسى، جۇڭگوشا شيپاگەرلىك مەكەمەسى، ءدارى – دارمەكتەردى باقىلاۋ – باسقارۋ مەكەمەسى، ينتەرنەت ينفورماتسياسى كەڭسەسى قاتارلى 13 تاراۋ بۇكىل ەلىمىز كولەمىندە قۋاتتىق ءونىم نارىعىنداعى ءتۇيىندى كاسىپتەرگە، ءتۇيىندى سالالارعا، ءتۇيىندى ارەكەتتەرگە ءىس بارىسىندا جانە ىستەن كەيىن باقىلاۋ – باسقارۋ پارمەنىن كۇشەيتىپ، جالعان ۇگىت جۇرگىزۋ، جالعان جارناما جاساۋ، جالعان – جارامسىز ءونىم ءوندىرۋ قاتارلى نارىق ءتارتىبىن بۇلدىرەتىن، تۇتىنۋشىلاردى الدايتىن ءتۇرلى زاڭسىز ارەكەتتەرگە زاڭ بويىنشا قاتاڭ سوققى بەرەدى.
جۋىرداعى جىلداردان بەرى، الەۋمەتتىڭ سالاماتتىق جاعىنداعى تۇتىنۋ قاجەتىنىڭ كۇن ساناپ ارتۋىنا ىلەسە، قۋاتتىق ءونىم نارىعى جاڭبىردان كەيىنگى بالاۋساداي جەدەل دامىدى ءارى ەلىمىزدە اسا ءىرى كاسىىپ سالاسىن قالىپتاستىردى، مەجەمەن 2020 – جىلعا بارعاندا، جۇڭگو قۋاتتىق ونىمدەردى تۇتىنۋ جاعىندا دۇنيە جۇزىندەگى ەكىنشى ءىرى تۇتىنۋ نارىعىنا اينالادى.
الايدا، كاسىپ سالاسى جەدەل دامۋمەن بىرگە، جالعان ونىمدەردى جاساۋ، جالعان ونىمدەردى ساتۋ، ءونىم ءنومىرىن جالعاننان جاساۋ، زاڭسىز قوسپا قوسۋ، جالعان ۇگىت جاساۋ، ءونىمنىڭ رولىن اسىرەلەپ ۇگىتتەۋ قاتارلى ماسەلەلەر كوپ تۋىلىپ، تەجەسە دە تولاستامادى، قۋاتتىق ءونىم نارىعىنداعى بىلىققان جاعداي الەۋمەتتىڭ ايىپتاۋىنا ۇشىراپ، تۇتاس كاسىپ سالاسىنىڭ باياندى دا اقاۋسىز دامۋىنداعى «قاتەرلى وسپەگە» اينالدى، ونىڭ ۇستىندە، قالىڭ تۇتىنۋشىلاردىڭ زاڭدى ۇقىق – مۇددەسى مەن دەنساۋلىعىنا اۋىر دارەجەدە زيان جەتكىزدى. جۋىردا اقپارات قۇرالدارىندا تارالعان «چۋانجيان وقيعاسى» وسىنىڭ كىشىرەيتىلگەن كورىنىسى دەۋگە بولادى.
كاسىپ سالاسىنىڭ جۇيەلى، اقاۋسىز دامۋىن ىلگەرىلەتىپ، قالىڭ قاۋىمنىڭ سالاماتتىق ۇقىق – مۇددەسىن قورعاۋ ءۇشىن، جۋىرداعى جىلداردان بەرى، مەملەكەتتىڭ قاتىستى تاراۋلارى ۇزدىكسىز قۇلشىنىپ، «ازىق – تۇلىك حاۋىپسىزدىگى زاڭى»، «جارناما زاڭى» قاتارلى زاڭدارعا تۇزەتۋ ەنگىزدى ءارى اتقاردى، «قۋاتتىق ازىق – تۇلىك ونىمدەرىن تىركەتۋ جانە ەستەلىككە الدىرۋدى باسقارۋ جونىندەگى ءادىسنامانىڭ» تاراتىلۋىنا بايلانىستى ەلىمىزدىڭ قۋاتتىق ازىق – تۇلىكتەردى باسقارۋى اناعۇرلىم ەگجەي – تەگجەيلى ءارى عىلمي بولدى، جازالاۋ شارالارى دا اناعۇرلىم قاتاڭداستى. «ازىق – تۇلىك حاۋىپسىزدىگى زاڭىندا» ءارقانداي ازىق – تۇلىك بۇكىلدەي حاۋىپسىزدىك ولشەمىنە ساي كەلۋى كەرەك، كەلۋ قاينارى بەلگىسىز ازىق – تۇلىك ماتەريالدارىن نەمەسە ولشەمگە تولمايتىن قوسپالاردى پايدالانۋعا بولمايدى دەپ بەلگىلەنگەن.
«جارناما زاڭىنا» ساي، قۋاتتىق ازىق – تۇلىككە جارناما جاساعاندا ونىڭ ونىمدىلىگى مەن حاۋىپسىزدىگىن كەسىپ ايتقان نەمەسە كەپىلدىك بەرگەن؛ اۋرۋدان ساقتانۋ جانە ەمدەۋ رولىنا ساياتىن؛ جارناماداعى ءونىمدى دەنساۋلىققا قاجەتتى ءونىم دەپ اتاعان نەمەسە وسى ءماندى ەمەكسىتكەن؛ ءدارى – دارمەكتەرمەن جانە باسقا قۋاتتىق ازىق – تۇلىكتەرمەن سالىستىرعان مازمۇندار بولماۋى كەرەك. بۇعان قايشى كەلگەندەرگە تەك «ازىق – تۇلىك حاۋىپسىزدىگى» زاڭىنداعى بەلگىلەمەر بويىنشا 150 مىڭ يۋاننان تومەن اقشالاي ايىپ سالىپ قانا قالماستان، «جارناما زاڭىنداعى» بەلگىلەمەر بويىنشا 200 مىڭ يۋاننان جوعارى، ميلليون يۋاننان تومەن اقشالاي ايىپ سالۋعا دا بولادى، ءتىپتى قىلمىستىق ىستەر زاڭى بويىنشا جازاعا تارتۋعا بولادى.
وسىلاي بولا تۇرسا دا، ءبىر ءبولىم ساتۋشىلار زاڭ – تۇزىمدەرگە قاراماستان، ءوز بىلگەندەرىن ىستەۋدە. قۋاتتىق ءونىم نارىعىن كىرشىكسىزدەندىرۋ، تۇتىنۋشىلاردىڭ زاڭدى ۇقىق – مۇددەسىن قورعاۋ كەزەك كۇتتىرمەيتىن مىندەتكە اينالدى. قازىر تيانجين قالالىق پارتكوم مەن قالالىق ۇكىمەتتىڭ ءبىرتۇتاس ورنالاستىرۋىنا ساي، تيانجين قالالىق نارىقتى باقىلاۋ – باسقارۋ كوميتەتى 10 تاراۋمەن بىرلەسە وتىرىپ، قۋاتتىق ءونىم نارىعىنداعى بىلىققان جاعدايلاردى ارناۋلى تۇردە جونگە سالۋ ارەكەتىن 3 اي بويى ورىستەتۋدى الدىمەن باستاپ كەتتى، ءارقايسى جەرلەردىڭ قۋاتتىق ءونىم نارىعىنداعى بىلىققان جاعدايلاردى جونگە سالۋ جونىندەگى ءجۇز كۇندىك ارەكەتتى وراي ەتە وتىرىپ، قۋاتتىق ءونىم نارىعىنا ءبىر رەت قاتاڭ تازارتۋ جانە جونگە سالۋدى ورىستەتۋىن، قۋاتتىق ءونىم نارىعىنىڭ اسپانىن اشىق ەتىپ، تۇتىنۋشىلارعا اقاۋسىز قۋاتتىق ءونىم ورتاسىن جاراتىپ بەرۋىن ءۇمىت ەتەمىز.
ارينە، قۋاتتىق ءونىم نارىعىنداعى بىلىققان جاعدايدى جونگە سالۋ ۇلكەن ماسەلە، تەك ۇكىمەت تاراۋلارىنا عانا سۇيەنۋگە بولمايدى، الەۋمەتتىك جونگە سالۋ تانىمى مەن كوزقاراسىن ورناتىپ، بۇكىل قوعام بولىپ بىرگە جونگە سالۋ جولىمەن ءجۇرۋ قاجەت.
بىرىنشىدەن، زاڭ قارۋىنىڭ رولىن بارىنشا ساۋلەلەندىرىپ، زاڭ – تۇزىمدەردىڭ اتقارىلۋىن تياناقتاندىرىپ، جاقسى زاڭنىڭ تولىق اتقارىلۋىنا كەپىلدىك ەتۋ كەرەك. زاڭ – تۇزىمدەرگە قايشى كەلگەن، جالعان ۇگىت جۇرگىزگەن ساتۋشى قۇرىلىمدارعا، جەكەلەرگە، ءسوزسىز، زاڭ بويىنشا دەلو تۇرعىزىپ، تەكسەرۋ جۇرگىزۋ كەرەك، قاتاڭ ءبىرجاقتى ەتىپ، زاڭ – تۇزىمگە قايشى كەلۋدىڭ وزىندىك قۇنىن جوعارىلاتۋ كەرەك.
ەكىنشىدەن، جونگە سالۋدى كۇشەيتىپ، قاتىستى قۇرىلىمداردىڭ سەنىمدىلىگىن سىپاتتاۋدى باسقارىپ، الەۋمەتتىك سەنىمدىلىك ارحيۆىن تۇرعىزۋ كەرەك. قۋاتتىق ءونىم نارىعى سالاسىندا بەلگىلەمەگە اۋىر دارەجەدە قايشى كەلگەندەردى، ولاردىڭ ونىمدەرىن باقىلاۋ – باسقارۋ قارا تىزىمدىگىنە ەنگىزىپ، ارالاپ تەكسەرۋ جۇرگىزۋدىڭ رەت سانى مەن جيىلىگىن ارتتىرۋ، جۇرتشىلىقتىڭ اشكەرەلەۋ جولدارىن ىركىلىسسىزدەندىرۋ كەرەك؛ سونىمەن بىرگە، قوعام حاۋىپسىزدىگى تاراۋلارىمەن بايلانىس جاساۋدى كۇشەيتىپ، ايدىك دەرەك ءتاسىلى بويىنشا، زاڭ – تۇزىمگە قايشى كەلگەن تيجاراتشىلاردى دالمە – ءدال پارىقتاۋ مەن بىرلەسە وتىرىپ جازالاۋ مەحانيزمىن قۇرۋ كەرەك؛ ءبىر سىدىرعى باقىلاۋ ءتاسىلىن وزگەرتىپ، باسقارۋ جاعىنداعى ولقىلىقتاردان قاتاڭ ساقتانۋ كەرەك. «قۋاتتىق ازىق – تۇلىكتەردى تىركەتۋ جانە ەستەلىككە الدىرۋدى باسقارۋ ءادىسناماسىندا» تالاپ ەتكەن «تىركەۋ مەن ەستەلىككە الۋدى ۇشتاستىرعان باسقارۋ فورماسىن قۇرۋ» سىندى بەلگىلەمەنى قاتاڭ اتقارۋ كەرەك؛ زاڭ – تۇزىمگە قايشى كەلگەن قۋاتتىق ازىق – تۇلىكتەر مەن تيجارات ارەكەتتەرىن دەر كەزىندە اشكەرەلەپ، قۋاتتىق ازىق – تۇلىكتەردى تيجارات ەتۋ جاعىنداعى بىلىققان جاعدايدى تەجەۋ كەرەك.
ۇشىنشىدەن، كاسىپ سالاسىنىڭ ايقىن جۇيەلىك ولشەمدەرىن جەدەل ورتاعا قويۋ كەرەك. كاسىپ سالاسىنا قادام تاستاۋعا رۇحسات ەتۋ ولشەمدەرىن جوعارىلاتۋمەن بىرگە، «شەگىندىرۋ» مەحانيزمى مەن قاتاڭ جازالاۋ ءتۇزىمىن ايقىنداۋ كەرەك. قاتىستى عىلىمدى جالپىلاستىرۋ جانە تاربيەلەۋ قىزمەتىن ويداعىداي ىستەپ، تۇتىنۋشىلاردىڭ جالعان ونىمدەردى تانۋ، جالعان ونىمدەردى پارىقتاۋ، جالعان ونىمدەردى قابىلداماۋ قابىلەتى مەن عىلمي تۇردە دەنساۋلىق ساقتاۋ جانە عىلمي تۇردە ەمدەۋ تانىمىن جوعارىلاتىپ، تۇتىنۋشىلار تۇرعىسىنان قالعان – جارامسىز ونىمدەردى نارىقتان شەگىنىپ شىعۋعا ماجبۇرلەيتىن جاعدايدى قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
