بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>قوعام

ليسايتۇڭ قاتارلى قۇرىلىمدار «2018 – جىلعى جىل سوڭىنداعى سيلىق اقشا جونىندەگى تەكسەرۋ مالىمەتىن جاريالادى» —

ساۋالناماعا قاتىناسقانداردىڭ 60 پايىزدان استامىنىڭ جىل سوڭىندا العان سيلىق اقشاسى ون مىڭ يۋاننان اسپاعان

2019.01.31 14:31     كەلۋ قاينارى : حالىق تورابى

  تىڭشۇن ليسايتۇڭ قاتارلى قۇرىلىمدار جاساعان «2018 – جىلعى جىل سوڭىنداعى سيلىق اقشا جونىندەگى تەكسەرۋ مالىمەتى» 1 – ايدىڭ 29 – كۇنى جاريالاندى. جىل سوڭىنداعى سيلىق اقشا جونىندەگى مالىمەتتەن مىناداي قورىتىندى شىعارۋعا بولادى: ساۋالناماعا قاتىناسقانداردىڭ 60 پايىزدان استامىنىڭ جىل سوڭىندا العان سيلىق اقشاسى ون مىڭ يۋاننان اسپاعان، 40 پايىزدان استامىنىڭ جىل سوڭىندا العان سيلىق سوماسى ءوزىنىڭ مەجەلەگەن مولشەرىنە جەتپەگەن، 50 پايىزدان استامىنىڭ 2018 – جىلى العان سيلىق اقشاسى 2017 – جىلداعىمەن بىردەي بولعان.


  مالىمەتكە قاراعاندا، ساۋالناماعا قاتىناسۋشىلاردىڭ %61.3ىنىڭ جىل سوڭىندا العان سيلىق اقشاسى ون مىڭ يۋاننان اسپاعان، %22.5ىنىڭ جىل سوڭىنداعى سيلىق اقشاسى ون مىڭ يۋاننان 100 مىڭ يۋانعا دەيىنگى ارالىقتا بولعان. الايدا، كەيبىر سەرىكتەستىكتەر ءالى دە «قالتالى» ەكەنىن كورسەتكەن، ساۋالناماعا قاتىناسقانداردىڭ %1.7ىنىڭ جىل سوڭىندا العان سيلىق اقشاسى 100 مىڭ يۋاننان جوعارى بولعان، %0.6ىنىڭ جىل سوڭىندا العان سيلىق اقشاسى 300 مىڭ يۋاننان جوعارى بولعان.


  تەكسەرۋ ناتيجەسىنە قاراعاندا، ساۋالناماعا قاتىناسقانداردىڭ %55.4ىنىڭ 2018 – جىلى جىل سوڭىندا العان سيلىق اقشاسىندا 2017 – جىلداعىمەن سالىستىرعاندا كوپ وزگەرىس بولماعان، %20.2ىنىڭ 2018 – جىلى جىل سوڭىندا العان سيلىق اقشاسى 2017 – جىلداعىمەن سالىستىرعاندا ارتقان، %24.4ىنىڭ 2018 – جىلى جىل سوڭىندا العان سيلىق اقشاسى 2017 – جىلداعىمەن سالىستىرعاندا كەمەيگەن.


  ءوڭىر بويىنشا الىپ قاراعاندا، بۇكىل ەلىمىز بويىنشا جىل سوڭىنداعى سيلىق اقشانى قالالار بويىنشا رەتكە تۇرعىزعاندا، شاڭحاي، بەيجيڭ، شىنجىن سىندى ءبىرىنشى دەڭگەيدەگى ءۇش قالا الدىڭعى ءۇش ورىنعا يە بولعان، ءبىرىنشى دەڭگەيدەگى قالاعا جاتپايتىن چۇڭچيڭ قالاسى مەن شي – ان قالاسى ءتورتىنشى جانە بەسىنشى ورىندارعا جايعاسقان، گۋاڭجوۋ قالاسى الدىڭعى بەستىكتىڭ قاتارىنا كىرمەگەن.


  سيلىق اقشا قولعا تيگەن سوڭ قالاي اينالىمعا سالاسىز؟ ساۋالناماعا قاتىناسقانداردىڭ 50 پايىزدان استامى جىل سوڭىنداعى سيلىق اقشانى ينتەرنەتتەگى قازىنانى اينالىمعا سالۋ تەكشەلەرىنە سالۋعا بەيىم بولعان، جارنا بازارىنا سالۋدى ويلاستىرعاندار ءبىر پايىزعا جەتپەگەن. مالىمەتكە قاراعاندا، ساۋالناماعا قاتىناسقانداردىڭ %51.6ى جىل سوڭىندا العان سيلىق اقشاسىن ينتەرنەتتەگى قازىنانى اينالىمعا سالۋ تەكشەلەرىنە سالاتىن سىڭاي تانىتقان، %47.8ى بانكە ارقىلى قارجىنى اينالىمعا سالۋدى ويلاستىرعان. جارنا بازارىنىڭ تۇرالاۋى جۇرتتىڭ قارجىنى اينالىمعا تۇسىرۋىنە ىقپال جاساعان، ساۋالناماعا قاتىناسقانداردان تەك %7.4ى جىل سوڭىندا العان سيلىق اقشاسىن جارنا بازارىنا سالۋ ارقىلى اينالىمعا ءتۇسىرۋدى ويلاستىرعان. «بەيجيڭ جاستارى گازەتى» حابارى (ءتىلشى: ۋىن جيڭ)


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار